ਹੁਸ਼ਿਆਰਪੁਰ : ਰਹੀਮਪੁਰ ਸਬਜ਼ੀ ਮੰਡੀ ਦੇ ਇਕ ਆਡ਼੍ਹਤੀ ਦਾ ਸੋਮਵਾਰ ਸਵੇਰੇ ਲਗਪਗ 5.30 ਵਜੇ ਕੁਝ ਲੋਕਾਂ ਨੇ ਗੱਡੀ ਸਣੇ ਅਗਵਾ ਕਰ ਲਿਆ ਹੈ। ਅਗਵਾਕਾਰੀਆਂ ਨੇ ਆਡ਼੍ਹਤੀ ਨੂੰ ਛੱਡਣ ਲਈ 2 ਕਰੋਡ਼ ਦੀ ਫਿਰੌਤੀ ਮੰਗੀ ਹੈ। ਆਡ਼੍ਹਤੀ ਦੀ ਪਛਾਣ ਰਾਜਨ ਕੁਮਾਰ ਦੇ ਰੂਪ ਵਿਚ ਹੋਈ ਹੈ। ਰਾਜਨ ਐਮਐਸ ਜੈਪਾਲ ਐਂਡ ਰਾਜਨ ਫਰੂਟ ਕੰਪਨੀ ਦੇ ਨਾਂ ’ਤੇ ਕੰਮ ਕਰਦਾ ਸੀ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਥਾਣਾ ਮਾਡਲ ਟਾਊਨ ਦੀ ਪੁਲਿਸ ਅਤੇ ਹੋਰ ਪੁਲਿਸ ਅਧਿਕਾਰੀ ਮੌਕੇ ’ਤੇ ਪਹੁੰਚ ਗਏ। ਪੁਲਿਸ ਨੇ ਇਸ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਅਜੇ ਤਕ ਮਾਮਲਾ ਸਾਫ ਨਹੀਂ ਹੋਇਆ। ਘਟਨਾ ਸਵੇਰੇ ਉਸ ਵੇਲੇ ਵਾਪਰੀ ਜਦੋਂ ਹਰ ਰੋਜ਼ ਵਾਂਗ ਰਾਜਨ ਆਪਣੀ ਕਾਰ ਵਿਚ ਮੰਡੀ ਜਾ ਰਿਹਾ ਸੀ। ਇਸ ਦੌਰਾਨ ਰਸਤੇ ਵਿਚ ਕੁਝ ਲੋਕਾਂ ਨੇ ਉਸ ਨੂੰ ਕਾਰ ਸਣੇ ਅਗਵਾ ਕਰ ਲਿਆ। ਬਾਅਦ ਵਿਚ ਫੋਨ ’ਤੇ 2 ਕਰੋਡ਼ ਰੁਪਏ ਦੀ ਫਿਰੌਤੀ ਮੰਗੀ। ਪੁਲਿਸ ਮਾਮਲੇ ਦੀ ਜਾਂਚ ਵਿਚ ਲੱਗੀ ਹੋਈ ਹੈ।
