ਵੱਡੀ ਖ਼ਬਰ ; ਪੁਲਸ ਨੇ ਹਿਰਾਸਤ ‘ਚ ਲਿਆ ਸੁਖਬੀਰ ਬਾਦਲ ‘ਤੇ ਹਮਲਾ ਕਰਨ ਵਾਲਾ ਹਮਲਾਵਰ
ਜਲੰਧਰ : ਸਰਕਾਰੀ ਦਫ਼ਤਰਾਂ ‘ਚ ਡੀਸੀ ਤੋਂ ਲੈ ਕੇ ਸਾਰੇ ਵਿਭਾਗਾਂ ਦੇ ਮੁਲਾਜ਼ਮਾਂ ਨੂੰ ਸਵੇਰੇ 9 ਵਜੇ ਤੋਂ ਦਫ਼ਤਰਾਂ ‘ਚ ਮੌਜੂਦ ਰਹਿਣ ਦੇ ਨਵੇਂ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਦੇ ਹੁਕਮਾਂ ਦੀਆਂ ਧੱਜੀਆਂ ਉੱਡੀਆਂ। ਬਰਸਾਤ ਇਸ ‘ਚ ਰੁਕਾਵਟ ਬਣੀ। ਵੱਡੀ ਗਿਣਤੀ ‘ਚ ਮੁਲਾਜ਼ਮ ਦਫ਼ਤਰਾਂ ‘ਚ ਦੇਰੀ ਨਾਲ ਪੁੱਜੇ। ਤਹਿਸੀਲ ਦਫ਼ਤਰਾਂ ‘ਚ ਮੁਲਾਜ਼ਮਾਂ ਦੀ ਦੇਰੀ ‘ਤੇ ਡੀਸੀ ਘਨਸ਼ਿਆਮ ਥੋਰੀ ਨੇ ਨਾਰਾਜ਼ਗੀ ਪ੍ਰਗਟਾਈ ਹੈ ਤੇ ਦੇਰੀ ਨਾਲ ਆਉਣ ਵਾਲੇ ਮੁਲਾਜ਼ਮਾਂ ਤੇ ਅਫਸਰਾਂ ਨੂੰ ਚਿਤਾਵਨੀ ਨੋਟਿਸ ਜਾਰੀ ਕਰਨ ਦੇ ਆਦੇਸ਼ ਦਿੱਤੇ ਹਨ। ਤਹਿਸੀਲ ਕੰਪਲੈਕਸ ਦੇ ਸਾਰੇ ਦਫ਼ਤਰਾਂ ‘ਚ ਦੇਰੀ ਨਾਲ ਆਉਣ ਵਾਲੇ ਮੁਲਾਜ਼ਮਾਂ ‘ਤੇ ਸਖਤ ਕਾਰਵਾਈ ਹੋ ਸਕਦੀ ਹੈ। ਸੀਐੱਮ ਨੇ ਹੁਕਮ ਦਿੱਤੇ ਸਨ ਕਿ ਸਾਰੇ ਅਧਿਕਾਰੀ ਤੇ ਮੁਲਾਜ਼ਮ ਸਵੇਰੇ 9 ਵਜੇ ਤੋਂ ਦਫ਼ਤਰ ‘ਚ ਬੈਠਣਗੇ। ਇਸ ਨੂੰ ਲੈ ਕੇ ਸੀਨੀਅਰ ਅਫਸਰ ਤਾਂ ਗੰਭੀਰ ਰਹੇ ਪਰ ਕਲੈਰੀਕਲ ਸਟਾਫ ਇਸ ਨੂੰ ਲੈ ਕੇ ਗੰਭੀਰ ਨਹੀਂ ਸੀ। ਬਰਸਾਤ ਕਾਰਨ ਸ਼ਹਿਰ ਦੇ ਕਈ ਇਲਾਕਿਆਂ ‘ਚ ਪਾਣੀ ਭਰਨ ਕਾਰਨ ਦੇਰੀ ਹੋਈ ਹੈ ਪਰ ਸਾਰੇ ਵਿਭਾਗਾਂ ਦੇ ਅਧਿਕਾਰੀਆਂ ਨੇ ਮੁਲਾਜ਼ਮਾਂ ਨੂੰ ਸਖਤ ਨਿਰਦੇਸ਼ ਦਿੱਤੇ ਹਨ ਕਿ ਦਫ਼ਤਰ ਆਉਣ ‘ਚ ਕਿਸੇ ਵੀ ਤਰ੍ਹਾਂ ਦੀ ਦੇਰੀ ਨਾ ਹੋਵੇ।
ਨਗਰ ਨਿਗਮ ‘ਚ ਵੀ ਮੁਲਾਜ਼ਮ ਸਮੇਂ ‘ਤੇ ਨਹੀਂ ਪੁੱਜੇ। ਕਮਿਸ਼ਨਰ ਕਰਨੇਸ਼ ਸ਼ਰਮਾ ਦਫ਼ਤਰ ‘ਚ ਹਾਜ਼ਰ ਰਹੇ ਪਰ ਕਈ ਵਿਭਾਗਾਂ ਦੇ ਮੁਲਾਜ਼ਮ ਦੇਰੀ ਨਾਲ ਆਏ। ਇਸ ਨਾਲ ਨਿਗਮ ਦਾ ਕੰਮ ਪ੍ਰਭਾਵਿਤ ਰਿਹਾ। ਮੇਅਰ ਦਫ਼ਤਰ ਦਾ ਸਟਾਫ ਸਮੇਂ ‘ਤੇ ਸੀ ਪਰ ਤਹਿਬਾਜ਼ਾਰੀ, ਵਾਟਰ ਸਪਲਾਈ ਸਮੇਤ ਕਈ ਬ੍ਾਂਚਾਂ ਦੇ ਮੁਲਾਜ਼ਮ ਦੇਰੀ ਨਾਲ ਆਏ। ਪਾਵਰਕਾਮ ਦੇ ਦਫ਼ਤਰਾਂ ‘ਚ ਵੀ ਦਫਤਰ ਸਟਾਫ ਨਾਲ ਦੇਰੀ ਨਾਲ ਆਇਆ। ਇਨ੍ਹਾਂ ਵਿਭਾਗਾਂ ਦੇ ਮੁਲਾਜ਼ਮਾਂ ਕੋਲ ਫੀਲਡ ਵਰਕ ਵੀ ਹੈ ਇਸ ਲਈ ਮੁਲਾਜ਼ਮਾਂ ਨੂੰ ਕੰਮ ਕਰ ਕੇ ਬਾਹਰ ਹੋਣ ਦਾ ਬਹਾਨਾ ਵੀ ਮਿਲ ਜਾਂਦਾ ਹੈ। ਇਸ ਲਈ ਫੀਲਡ ਵਰਕ ਦਾ ਸਮਾਂ ਤੈਅ ਕਰਨਾ ਪਵੇਗਾ। ਨਿਗਮ ਕਮਿਸ਼ਨ ਕਰਨੇਸ਼ ਸ਼ਰਮਾ ਨੇ ਮੁਲਾਜ਼ਮਾਂ ਨੂੰ ਸਮੇਂ ‘ਤੇ ਦਫ਼ਤਰ ਪੁੱਜਣ ਦੀ ਚਿਤਾਵਨੀ ਦਿੱਤੀ ਹੈ।
ਸਿਵਲ ਹਸਪਤਾਲ, ਈਐੱਸਆਈ ਹਸਪਤਾਲ ਤੇ ਸਿਵਲ ਦਰਜਨ ਦਫ਼ਤਰ ‘ਚ ਵੀ ਸੂਬੇ ਦੇ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਦੇ ਆਦੇਸ਼ਾਂ ਦੀ ਪਹਿਲਾਂ ਹੀ ਦਿਨ ਧੱਜੀਆਂ ਉੱਡੀਆਂ। ਸਿਵਲ ਹਸਪਤਾਲ ਤੇ ਈਐੱਸਆਈ ਹਸਪਤਾਲ ‘ਚ ਸਵੇਰੇ ਅੱਠ ਵਜੇ ਓਪੀਡੀ ਦਾ ਸਮਾਂ ਹੈ ਤੇ ਡਾਕਟਰ, ਨਰਸ ਤੇ ਸਟਾਫ ਦੇ ਮੈਂਬਰਾਂ ਦੇ 10 ਵਜੇ ਤਕ ਆਉਣ ਦਾ ਸਿਲਸਿਲਾ ਜਾਰੀ ਰਿਹਾ। ਉਥੇ ਸਿਵਲ ਸਰਜਨ ਦਫ਼ਤਰ ‘ਚ 9 ‘ਚ ਡਿਊਟੀ ਸ਼ੁਰੂ ਹੁੰਦੀ ਹੈ ਤੇ ਸਟਾਫ ਦੇ ਮੈਂਬਰ ਸਾਢੇ 10 ਤਕ ਪੁੱਜੇ। ਸਟਾਫ ਨੇ ਮੀਂਹ ਪੈਣ ਦੀ ਵਜ੍ਹਾ ਨਾਲ ਦੇਰੀ ਨਾਲ ਆਉਣ ਨਾਲ ਤਰਕ ਦਿੱਤਾ। ਸਿਹਤ ਵਿਭਾਗ ਦਾ 35 ਫ਼ੀਸਦੀ ਦੇ ਕਰੀਬ ਸਟਾਫ ਡਿਊਟੀ ‘ਤੇ ਦੇਰੀ ਨਾਲ ਪੁੱਜਾ। ਉਥੇ 10 ਫ਼ੀਸਦੀ ਦੇ ਕਰੀਬ ਸਟਾਫ ਨੇ ਛੁੱਟੀ ਕਰ ਲਈ। ਸਿਵਲ ਸਰਜਨ ਡਾ. ਬਲਵੰਤ ਸਿੰਘ ਨੇ ਕਿਹਾ ਕਿ ਸੂਬੇ ਸਰਕਾਰ ਵੱਲੋਂ ਜਾਰੀ ਆਦੇਸ਼ਾਂ ਦੀ ਕਾਪੀ ਨਾਲ ਦਫ਼ਤਰ ਵੱਲੋਂ ਜ਼ਿਲ੍ਹੇ ਦੇ ਸਾਰੇ ਸਿਹਤ ਕੇਂਦਰਾਂ ਨੂੰ ਚਿੱਠੀ ਜਾਰੀ ਕਰ ਦਿੱਤੀ ਹੈ। ਇਨ੍ਹਾਂ ਦੀ ਜਾਂਚ ਲਈ ਟੀਮਾਂ ਬਣਾ ਕੇ ਅਚਨਚੇਤੀ ਜਾਂਚ ਕੀਤੀ ਜਾਵੇਗੀ
