ਡੇਰਾਬੱਸੀ : ਡੇਰਾਬੱਸੀ ਦੇ ਨਜ਼ਦੀਕੀ ਪਿੰਡ ਬੇਹੜਾ ‘ਚ ਐਲਕੋ ਫੈਕਟਰੀ ‘ਚ ਕੰਮ ਕਰਦੇ ਹੈਲਪਰ ਦੀ ਡਿਊਟੀ ਤੋਂ ਛੁੱਟੀ ਕਰਕੇ ਪਰਤਣ ਵੇਲੇ ਕੀਤੇ ਸਾਥੀਆਂ ਵੱਲੋਂ ਹਮਲੇ ਦੌਰਾਨ ਸਚਿਨ ਕੁਮਾਰ ਪੁੱਤਰ ਰਾਮ ਕੁਮਾਰ ਵਾਸੀ ਪਿੰਡ ਸਮਗੋਲੀ ਗੰਭੀਰ ਜ਼ਖ਼ਮੀ ਹੋ ਗਿਆ। ਉਸ ਨੂੰ ਡੇਰਾਬੱਸੀ ਸਿਵਲ ਹਸਪਤਾਲ ਤੋਂ ਚੰਡੀਗੜ੍ਹ ਪੀਜੀਆਈ ਗੰਭੀਰ ਹਾਲਤ ‘ਚ ਦਾਖ਼ਲ ਕਰਵਾਇਆ ਗਿਆ। ਜਿੱਥੋਂ ਉਸ ਦਾ ਇਲਾਜ ਚੱਲ ਰਿਹਾ ਹੈ। ਇਸ ਹਮਲੇ ਮਗਰੋਂ ਪੀੜਤ ਦਾ ਦਿਮਾਗੀ ਸੰਤੁਲਨ ਵੀ ਵਿਗੜ ਗਿਆ ਹੈ। ਪੁਲਿਸ ਨੇ ਫ਼ੈਕਟਰੀ ‘ਚ ਨਾਲ ਕੰਮ ਕਰਨ ਵਾਲੇ ਲਵਪ੍ਰਰੀਤ ਸਿੰਘ ਉਰਫ਼ ਲਵਲੀ, ਗੱਬਰ ਪੁੱਤਰ ਸੱਤਾ ਵਾਸੀ ਪਿੰਡ ਬੇਹੜਾ ਅਤੇ ਚਿੱਪੀ ਬਿਹਾਰੀ ਦੇ ਖ਼ਿਲਾਫ਼ ਆਈਪੀਸੀ ਦੀ ਧਾਰਾ 323,341,506, 148 ਅਤੇ 149 ਤਹਿਤ ਮਾਮਲਾ ਦਰਜ ਕਰਕੇ ਦੋਸ਼ੀਆਂ ਨੂੰ ਗਿਫ਼ਤਾਰ ਕਰਨ ਦੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਮਾਮਲੇ ਦੀ ਜਾਣਕਾਰੀ ਦਿੰਦਿਆਂ ਪੀੜਤ ਸਚਿਨ ਕੁਮਾਰ ਦੇ ਪਿਤਾ ਰਾਮ ਕੁਮਾਰ ਨੇ ਦੱਸਿਆ ਕਿ ਉਸ ਦਾ ਪੁੱਤਰ ਐਲਕੋ ਫੈਕਟਰੀ ਬੇਹੜਾ ‘ਚ ਬਤੌਰ ਹੈਲਪਰ ਨੌਕਰੀ ਕਰਦਾ ਹੈ। ਲੰਘੀ ਦੱਸ ਸਤੰਬਰ ਨੂੰ ਛੁੱਟੀ ਕਰਕੇ ਆਪਣੇ ਭਾਣਜੇ ਨਾਲ ਮੋਟਰਸਾਈਕਲ ‘ਤੇ ਘਰ ਜਾਣ ਲਈ ਨਿਕਲੇ ਸਨ ਤਾਂ ਸ਼ਾਮੀਂ ਕਰੀਬ ਸਵਾ 5 ਵਜੇ ਬੇਹੜਾ ਟੀ ਪੁਆਇੰਟ ਮੰਦਰ ਨੇੜੇ ਪਿੰਡ ਬੇਹੜਾ ਦੇ ਲਵਪ੍ਰਰੀਤ ਸਿੰਘ, ਗੱਬਰ, ਰਵਿੰਦਰ ਸਿੰਘ ਰਵੀ, ਹਨੀ ਫੌਜੀ ਅਤੇ ਚਿੱਪੀ ਨੇ ਉਸ ਨੂੰ ਘੇਰ ਲਿਆ। ਜਿਨਾਂ੍ਹ ਨੇ ਉਸ ‘ਤੇ ਇਕਦਮ ਹਮਲਾ ਕਰਦਿਆਂ ਕੁੱਟਮਾਰ ਕਰਨੀ ਸ਼ੁਰੂ ਕਰ ਦਿੱਤੀ। ਰਵੀ ਨੇ ਹੱਥ ‘ਚ ਫੜੇ ਦਾਤਰ ਦੇ ਉਸ ਦੇ ਸਿਰ ਤੇ ਵਾਰ ਕੀਤੇ। ਗੱਬਰ ਨੇ ਹੱਥ ‘ਚ ਫੜੀ ਰਾੜ ਨਾਲ ਉਸ ਦੇ ਸਿਰ ‘ਚ ਸੱਟਾਂ ਮਾਰੀਆ, ਬਾਕੀਆਂ ਨੇ ਉਸ ਨੂੰ ਥੱਲੇ ਸੁੱਟ ਕੇ ਘਸੁੰਨ ਮੁੱਕੇ ਮਾਰਨੇ ਸ਼ੁਰੂ ਕਰ ਦਿੱਤੇ। ਉਕਤ ਜਣਿਆਂ ਨੇ ਉਸ ਦੇ ਨਾਲ ਆਏ ਭਾਣਜੇ ਅਭਿਸ਼ੇਕ ਨੂੰ ਵੀ ਕੁੱਟਣਾ ਸ਼ੁਰੂ ਕਰ ਦਿੱਤਾ ਜੋ ਜਾਨ ਬਚਾ ਕੇ ਖੇਤਾਂ ਵੱਲ ਨੂੰ ਭੱਜ ਗਿਆ। ਰੌਲਾ ਪੈਣ ‘ਤੇ ਉਸ ਦਾ ਦੋਸਤ ਅਮਨਦੀਪ ਸਿੰਘ ਮੌਕੇ ‘ਤੇ ਆਇਆ ਜਿਸ ਨੇ ਉਨਾਂ੍ਹ ਕੋਲੋਂ ਛੁਡਵਾਇਆ ਅਤੇ ਇਲਾਜ਼ ਲਈ ਡੇਰਾਬੱਸੀ ਸਿਵਲ ਹਸਪਤਾਲ ਪਹੁੰਚਾਇਆ।
ਮਾਮਲੇ ਦੇ ਤਫ਼ਤੀਸ਼ੀ ਅਫ਼ਸਰ ਮੇਜਰ ਸਿੰਘ ਨੇ ਦੱਸਿਆ ਕਿ ਪੁਲਿਸ ਨੇ ਪੀੜਤ ਸਚਿਨ ਦੀ ਪੀਜੀਆਈ ਤੋਂ ਛੁੱਟੀ ਹੋ ਗਈ ਹੈ ਜਿਸ ਦੇ ਬਿਆਨਾਂ ਦੇ ਆਧਾਰ ‘ਤੇ ਉਕਤ ਜਣਿਆਂ ਖ਼ਿਲਾਫ਼ ਮਾਮਲਾ ਦਰਜ ਕਰਕੇ ਦੋਸ਼ੀਆਂ ਨੂੰ ਗਿ੍ਫ਼ਤਾਰ ਕਰਨ ਦੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਉਨਾਂ੍ਹ ਦੱਸਿਆ ਕਿ ਮਾਮਲਾ ਆਪਸੀ ਰੰਜਿਸ਼ ਦਾ ਹੈ।
