ਸੁਨਾਮ : ਸੁਨਾਮ ਲਹਿਰਾ ਮੁੱਖ ਸੜਕ ਤੇ ਇੱਕ ਨਿੱਜੀ ਕੰਪਨੀ ਦੀ ਮਿੰਨੀ ਬੱਸ ਪਲਟਣ ਨਾਲ ਇੱਕ ਦਰਜਨ ਦੇ ਕਰੀਬ ਸਵਾਰੀਆਂ ਦੇ ਸੱਟਾਂ ਲੱਗੀਆਂ, ਅੱਧੀ ਦਰਜਨ ਸਵਾਰੀਆਂ ਗੰਭੀਰ ਜ਼ਖਮੀ ਹੋ ਗਈਆਂ। ਜ਼ਖਮੀਆਂ ਨੂੰ ਰਾਹਗੀਰਾਂ ਨੇ ਬੱਸ ਵਿਚੋਂ ਕੱਢ ਕੇ ਤੁਰੰਤ ਸੁਨਾਮ ਦੇ ਸਿਵਲ ਹਸਪਤਾਲ ਅਤੇ ਪ੍ਰਾਈਵੇਟ ਹਸਪਤਾਲਾਂ ਵਿੱਚ ਦਾਖਲ ਕਰਵਾਇਆ ਗਿਆ ਹੈ। ਦੱਸਿਆ ਗਿਆ ਹੈ ਕਿ ਹਾਦਸਾ ਗ੍ਰਸਤ ਹੋਈ ਮਿੰਨੀ ਬੱਸ ਲਹਿਰਾ ਤੋਂ ਸੁਨਾਮ ਵੱਲ ਆ ਰਹੀ ਸੀ ਜਿਉਂ ਹੀ ਉਕਤ ਬੱਸ ਕਰੀਬ ਸਾਢੇ ਕੁ ਦਸ ਵਜੇ ਪਿੰਡ ਰਾਮਪੁਰਾ ਕੋਠੇ ਨੇੜੇ ਪੁੱਜੀ ਤਾਂ ਬਰਸਾਤ ਹੋਣ ਕਾਰਨ ਪਲਟ ਗਈ। ਪ੍ਰਤੱਖ ਦਰਸ਼ੀਆਂ ਅਨੁਸਾਰ ਬੱਸ ਪਲਟਣ ਤੋਂ ਬਾਅਦ ਇੱਕ ਦਮ ਚੀਕਾਂ ਪੈਣੀਆਂ ਸ਼ੁਰੂ ਹੋ ਗਈਆਂ। ਪ੍ਰਾਪਤ ਕੀਤੀ ਜਾਣਕਾਰੀ ਅਨੁਸਾਰ ਚੋਟੀਆਂ ਦੇ ਵਸਨੀਕ ਸੈਂਸੀ ਸਿੰਘ ਅਤੇ ਮਾਇਆ ਕੌਰ ਛਾਜਲੀ, ਪੁਨੀਤ ਅਤੇ ਲਵਪ੍ਰੀਤ ਸਿਵਲ ਹਸਪਤਾਲ ਵਿੱਚ ਜੇਰੇ ਇਲਾਜ਼ ਹਨ ਜਦਕਿ ਮੇਵਾ ਸਿੰਘ, ਹਰਦੇਵ ਸਿੰਘ, ਦਰਸ਼ਨ ਸਿੰਘ, ਗੁਰਦੇਵ ਕੌਰ, ਸ਼ਿੰਦਰ ਕੌਰ ਅਤੇ ਮਨਜੀਤ ਕੌਰ ਸੁਨਾਮ ਦੇ ਨਿੱਜੀ ਬਸੰਤ ਹਸਪਤਾਲ ਵਿੱਚ ਦਾਖ਼ਲ ਕਰਵਾਏ ਗਏ ਹਨ।
