ਗੁਰਾਇਆ : ਸੰਯੁਕਤ ਕਿਸਾਨ ਮੋਰਚੇ ਵੱਲੋਂ 27 ਸਤੰਬਰ ਨੂੰ ਬੰਦ ਦਾ ਸੱਦਾ ਦਿੱਤਾ ਗਿਆ ਹੈ। ਇਸ ਸਬੰਧੀ ਦੁੱਗਲ ਕੰਪਲੈਕਸ ਵਿਖੇ ਵਪਾਰੀਆਂ ਤੇ ਕਿਸਾਨ ਆਗੂਆਂ ਨੇ ਮੀਟਿੰਗ ਕੀਤੀ। ਮੀਟਿੰਗ ਵਿਚ ਕਿਸਾਨ ਆਗੂ ਤੀਰਥ ਸਿੰਘ ਜ਼ਿਲ੍ਹਾ ਪ੍ਰਧਾਨ ਕਿਸਾਨ ਯੂਨੀਅਨ ਕਾਦੀਆਂ, ਸਤਨਾਮ ਸਿੰਘ ਰੁੜਕੀ ਵੱਲੋਂ ਵਪਾਰੀਆਂ ਨੂੰ ਬਾਜ਼ਾਰ ਬੰਦ ਰੱਖਣ ਦੀ ਅਪੀਲ ਕੀਤੀ। ਕਿਸਾਨ ਆਗੂਆਂ ਨਾਲ ਵਰਿੰਦਰ ਦਕਸ਼, ਜਸਪ੍ਰਰੀਤ ਸਿੰਘ, ਦੀਪਾ ਮਠੱਠਾ ਮੀਟਿੰਗ ਵਿਚ ਸ਼ਾਮਲ ਹੋਏ। ਵਪਾਰੀ ਵਰਗ ਨੇ ਰਾਕੇਸ਼ ਦੁੱਗਲ ਪ੍ਰਧਾਨ ਦੀ ਗੁਰਾਇਆ ਕਰਿਆਨਾ ਮਰਚੈਂਟਸ ਐਸੋਸੀਏਸ਼ਨ ਤੇ ਬਲਜਿੰਦਰ ਕੁਮਾਰ ਪਾਹਵਾ ਪ੍ਰਧਾਨ ਵਪਾਰ ਮੰਡਲ ਗੁਰਾਇਆ ਵੱਲਂੋ ਕਿਸਾਨ ਆਗੂਆਂ ਨੂੰ ਬਾਜ਼ਾਰ ਬੰਦ ਰੱਖ ਕੇ ਸੰਘਰਸ਼ ਨੂੰ ਪੂਰਾ ਸਹਿਯੋਗ ਦੇਣ ਦਾ ਭਰੋਸਾ ਦਿੱਤਾ। ਮੀਟਿੰਗ ਵਿਚ ਦਲਜਿੰਦਰ ਸਿੰਘ ਬੱਬੀ, ਮਨੀਸ਼ ਜੈਨ ਸਿਟੀ ਪ੍ਰਧਾਨ, ਗਰੀਸ਼ ਗੁਪਤਾ, ਕ੍ਰਿਸ਼ਨ ਲਾਲ ਗੁਗਨਾਨੀ, ਯਸ਼ਪਾਲ ਧੀਂਗੜਾ, ਮਨਮੋਹਨ ਸਿੰਘ ਅਰੋੜਾ, ਤਿਲਕ ਰਾਜ ਛਾਬੜਾ, ਵੀਰ ਚੰਦ ਰਾਵਲ, ਅਮਨ ਸ਼ਰਮਾ, ਮਨੋਹਰ ਲਾਲ ਅਰੋੜਾ, ਕਮਲਜੀਤ ਪਾਹਵਾ, ਸੁਨੀਲ ਸੰਨੀ, ਵਿਨੇ ਗੁਪਤਾ, ਕ੍ਰਿਸ਼ਨ ਬੱਤਰਾ ਆਦਿ ਹਾਜ਼ਰ ਸਨ।
