ਮਠਿਆਈ ਲੈਣ ਗਏ ਵਿਅਕਤੀ ਦਾ ਬੈਗ ਚੋਰੀ

ਪਠਾਨਕੋਟ : ਮਿਠਾਈ ਲੈਣ ਗਏ ਵਿਅਕਤੀ ਦਾ ਕੁਰਸੀ ‘ਤੇ ਰੱਖਿਆ ਬੈਗ ਚੋਰੀ ਹੋ ਗਿਆ। ਬੈਗ ‘ਚ 98 ਹਜ਼ਾਰ ਰੁਪਏ ਸਨ। ਪੀੜਤ ਦੀ ਸ਼ਿਕਾਇਤ ਦੇ ਬਾਅਦ ਥਾਣਾ ਡਿਵੀਜ਼ਨ ਨੰਬਰ ਇਕ ਨੇ ਅਣਪਛਾਤੇ ਵਿਅਕਤੀ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ। ਪੀੜਤ ਸੁਖਜਿੰਦਰ ਸਿੰਘ ਨਿਵਾਸੀ ਗੀਗਨਵਾਲ ਜ਼ਿਲ੍ਹਾ ਹੋਸ਼ਿਆਰਪੁਰ ਨੇ ਪੁਲਿਸ ਨੂੰ ਦਰਜ ਕਰਵਾਈ ਸ਼ਿਕਾਇਤ ‘ਚ ਕਿਹਾ ਹੈ ਕਿ 23 ਸੰਤਬਰ ਦੀ ਸ਼ਾਮ ਕਰੀਬ ਸੱਤ ਵਜੇ ਆਪਣੇ ਦੋਸਤ ਸੰਜੇ ਦੇ ਨਾਲ ਬਨਾਰਸੀ ਹਲਵਾਈ ਦੀ ਦੁਕਾਨ ‘ਚ ਮਠਿਆਈ ਲੈਣ ਦੇ ਲਈ ਗਿਆ ਸੀ। ਉਸ ਕੋਲ ਇਕ ਕਾਲੇ ਰੰਗ ਦਾ ਬੈਗ ਸੀ, ਜਿਸ ‘ਚ 98 ਹਜ਼ਾਰ ਰੁਪਏ ਅਤੇ ਕੁਝ ਜ਼ਰੂਰੀ ਕਾਗਜ਼ਾਤ ਸਨ। ਬੈਗ ਨੂੰ ਉਸ ਨੇ ਕੁਰਸੀ ‘ਤੇ ਰਖਵਾਇਆ ਸੀ। ਉਹ ਮਠਿਆਈ ਲੈ ਰਹੇ ਸੀ ਕਿ ਮਠਿਆਈ ਲੈਣ ਦੇ ਬਾਅਦ ਉਸ ਨੇ ਕੁਰਸੀ ਵੱਲ ਦੇਖਿਆ ਤਾਂ ਉਥੋਂ ਬੈਠ ਗਾਇਬ ਸੀ। ਆਸ ਪਾਸ ਦੇ ਲੋਕਾਂ ਨੂੰ ਇਸ ਦੇ ਬਾਰੇ ਪੁਿਛਆ ਪਰ ਕਿਸੇ ਨੇ ਵੀ ਇਸ ਦੇ ਬਾਰੇ ‘ਚ ਨਹੀਂ ਦੱਸਿਆ। ਜਿਸ ਤੋਂ ਬਾਅਦ ਪੁਲਿਸ ਨੂੰ ਲਿਖਤੀ ਰੂਪ ‘ਚ ਸ਼ਿਕਾਇਤ ਦਰਜ ਕਰਵਾਈ ਗਈ। ਪੁਲਿਸ ਨੇ ਅਣਪਛਾਤੇ ਖ਼ਿਲਾਫ਼ ਮਾਮਲਾ ਦਰਜ ਕਰ ਕੇ ਮੁਲਜ਼ਮ ਨੂੰ ਫੜਨ ਲਈ ਤਲਾਸ਼ ਸ਼ੁਰੂ ਕਰ ਦਿੱਤੀ ਹੈ।