ਜ਼ਿੰਦਗੀ ਦੀ ਜੰਗ ਹਾਰ ਗਿਆ ਫੁੱਟਬਾਲ ਦਾ ਖਿਡਾਰੀ ਗੁਰਵਿੰਦਰ

ਬੀਜਾ : ਛੋਟੀ ਉਮਰ ‘ਚ ਹੀ ਫੁੱਟਬਾਲ ਦੀ ਖੇਡ ਦੀਆਂ ਬਰੀਕੀ ਨਾਲ ਜਾਚਦਾ ਹੋਇਆ ਰੋਜ਼ਾਨਾ ਖੇਡ ਮੈਦਾਨ ‘ਚ ਵਿਖਾਈ ਦਿੰਦਾ ਗੁਰਵਿੰਦਰ ਸਿੰਘ ਸੈਫਰਨ ਸਿਟੀ ਸਕੂਲ ਕਿਸ਼ਨਗੜ੍ਹ ਵਿਖੇ 9ਵੀਂ ‘ਚ ਪੜ੍ਹਦਾ ਸੀ, ਜਿੱਥੇ ਦੋਸਤਾਂ ਨਾਲ ਦੋਸਤੀ ਦਾ ਘੇਰਾ ਵਧਾ ਰਿਹਾ ਸੀ ਉੱਥੇ ਆਪਣੇ ਮਾਪਿਆਂ ਦੇ ਬੁਢਾਪੇ ਦਾ ਇਕਲੌਤਾ ਸਹਾਰਾ ਹੋਣ ਕਰਕੇ ਜ਼ਿੰਦਗੀ ‘ਚ ਕੁੱਝ ਬਣਨ ਲਈ ਯਤਨਸ਼ੀਲ ਸੀ। ਪਰ ਉਸ ਦੀਆਂ ਉਮੀਦਾਂ ‘ਤੇ ਉਦੋਂ ਪਾਣੀ ਫਿਰਦਾ ਦਿਸਿਆ ਜਦੋਂ 14 ਕੁ ਸਾਲ ਦਾ ਗੁਰਵਿੰਦਰ ਸਿੰਘ ਲੀਵਰ ਦੀ ਬਿਮਾਰੀ ਤੋਂ ਪੀੜਤ ਹੋ ਗਿਆ। ਪਰਿਵਾਰਕ ਮੈਂਬਰਾਂ ਨੇ ਡੀਐੱਮਸੀ ਲੁਧਿਆਣਾ ਵਿਖੇ ਦਾਖ਼ਲ ਕਰਵਾ ਦਿੱਤਾ ਜਿਥੇ ਜ਼ਿੰਦਗੀ ਦੀ ਜੰਗ ਦਾ ਮੁਕਾਬਲਾ ਇਹ ਫੁੱਟਬਾਲ ਖਿਡਾਰੀ ਹਾਰ ਗਿਆ ਤੇ ਸੰਸਾਰ ਨੂੰ ਅਲਵਿਦਾ ਆਖ ਗਿਆ।

ਪਿਤਾ ਬਲਜੀਤ ਸਿੰਘ ਤੇ ਦਾਦਾ ਸੁਖਦੇਵ ਸਿੰਘ ਟਰਾਂਸਪੋਰਟ ਇੰਚਾਰਜ ਗ੍ਰੀਨ ਗਰੋਵਰ ਸਕੂਲ ਨੂੰ ਆਖਰੀ ਸਮੇਂ ਤਕ ਕਹਿੰਦਾ ਰਿਹਾ ਕਿ ਿਫ਼ਕਰ ਨਾ ਕਰਿਓ ਠੀਕ ਹੋ ਜਾਵਾਂਗਾ। ਇਕ ਹਫ਼ਤਾ ਡੀਐੱਮਸੀ ਹਸਪਤਾਲ ਲੁਧਿਆਣਾ ਤੋਂ ਇਲਾਜ ਚੱਲਣ ਤੋਂ ਬਾਅਦ ਡਾਕਟਰਾਂ ਨੇ ਦਿੱਲੀ ਹਸਪਤਾਲ ‘ਚ ਲੀਵਰ ਬਦਲਣ ਲਈ ਰੈਫਰ ਕਰ ਦਿੱਤਾ, ਜਿਥੇ ਉਸ ਦਾ ਦੇਹਾਂਤ ਹੋ ਗਿਆ। ਅੱਜ ਪਿੰਡ ਗੱਗੜਮਾਜਰਾ ਦੇ ਸ਼ਮਸ਼ਾਨਘਾਟ ਵਿਖੇ ਗੁਰਵਿੰਦਰ ਸਿੰਘ ਦਾ ਅੰਤਿਮ ਸੰਸਕਾਰ ਨਗਰ ਵਾਸੀਆਂ, ਰਿਸ਼ਤੇਦਾਰਾਂ ਦੀ ਹਾਜ਼ਰੀ ‘ਚ ਕਰ ਦਿੱਤਾ ਗਿਆ। ਇਸ ਮੌਕੇ ਗ੍ਰੀਨ ਗਰੋਵਰ ਸਕੂਲ ਮੋਹਨਪੁਰ, ਸੈਫਰਨ ਸਿਟੀ ਸਕੂਲ ਕਿਸ਼ਨਗੜ੍ਹ ਦੇ ਸਮੂਹ ਸਟਾਫ਼ ਨੇ ਵੀ ਸ਼ਿਰਕਤ ਕੀਤੀ। ਇਸ ਦੌਰਾਨ ਪਰਿਵਾਰਕ ਮੈਂਬਰਾਂ ਨਾਲ ਡਾਕਟਰ ਕੁਲਦੀਪ ਸਿੰਘ ਕੁਲਾਰ, ਗੁਰਕੀਰਤ ਸਿੰਘ ਕੋਟਲੀ ਵਿਧਾਇਕ ਖੰਨਾ, ਯਾਦਵਿੰਦਰ ਸਿੰਘ ਯਾਦੂ, ਪੋ੍. ਗੁਰਬਖਸ਼ ਸਿੰਘ ਬੀਜਾ, ਜਗਜੀਵਨ ਸਿੰਘ ਖੀਰਨੀਆਂ, ਇੰਜੀ. ਜਗਦੇਵ ਸਿੰਘ ਬੋਪਰਾਏ ਪਾਇਲ, ਕੈਪਟਨ ਹਰਜੀਤ ਸਿੰਘ ਜਟਾਣਾ, ਸੁਖਵੰਤ ਸਿੰਘ ਟਿੱਲੂ, ਬੂਟਾ ਸਿੰਘ ਰਾਏਪੁਰ, ਬੇਅੰਤ ਸਿੰਘ ਜੱਸੀ ਕਿਸ਼ਨਗੜ੍ਹ, ਅਮਨਦੀਪ ਸਿੰਘ ਲੇਲ੍ਹ, ਹਰਦੀਪ ਸਿੰਘ ਕੁਲਾਰ, ਰਾਜਿੰਦਰ ਸਿੰਘ ਕੁਲਾਰ, ਡਾਕਟਰ ਜਸਪ੍ਰਰੀਤ ਸਿੰਘ ਬੀਜਾ ਆਦਿ ਨੇ ਹਮਦਰਦੀ ਦਾ ਪ੍ਰਗਟਾਵਾ ਕੀਤਾ।