LPU ਦੀ ਰਜਿਸਟਰਾਰ ਡਾ. ਮੋਨਿਕਾ ਗੁਲਾਟੀ ਦਾ ਵੱਡਾ ਖ਼ੁਲਾਸਾ! ਜਾਰੀ ਕੀਤੀ ਕੁੜੀਆਂ ਦੀ ਵੀਡੀਓ
ਲੁਧਿਆਣਾ: ਭਾਰਤ ਬੰਦ ਦਾ ਪ੍ਰਭਾਵ ਸ਼ਹਿਰ ਵਿੱਚ ਦੇਖਣ ਨੂੰ ਮਿਲੇਗਾ। ਕਿਸਾਨ ਟੋਲ ਪਲਾਜ਼ਾ ਲਾਡੋਵਾਲ, ਢੰਡਾਰੀ ਬ੍ਰਿਜ, ਜਲੰਧਰ ਬਾਈਪਾਸ, ਕੋਹਾਰਾ ਚੌਕ, ਚੰਡੀਗੜ੍ਹ ਰੋਡ, ਐਮਬੀਡੀ ਮਾਲ, ਫਿਰੋਜ਼ਪੁਰ ਰੋਡ, ਭਾਰਤ ਨਗਰ ਚੌਕ, ਹੰਬੜਾ ਰੋਡ, ਨੀਲੋਂ ਟੋਲ ਪਲਾਜ਼ਾ, ਡੇਹਲੋਂ ਮੇਨ ਚੌਕ, ਦੱਖਣੀ ਬਾਈਪਾਸ, ਸਮਰਾਲਾ ਚੌਕ ‘ਤੇ ਵਾਹਨਾਂ ਦੀ ਆਵਾਜਾਈ ਰੋਕ ਦੇਣਗੇ। ਕਿਸਾਨ ਸੰਗਠਨਾਂ ਨੇ ਸਪੱਸ਼ਟ ਕੀਤਾ ਹੈ ਕਿ ਭਾਰਤ ਬੰਦ ਦੌਰਾਨ ਵਾਹਨਾਂ ਦੀ ਆਵਾਜਾਈ ‘ਤੇ ਪੂਰੀ ਤਰ੍ਹਾਂ ਪਾਬੰਦੀ ਰਹੇਗੀ। ਸ਼ਹਿਰ ਦੇ ਸਾਰੇ ਐਂਟਰੀ ਪੁਆਇੰਟ ਅਤੇ ਅੰਦਰੂਨੀ ਸ਼ਹਿਰ ਦੇ ਮੁੱਖ ਚੌਕ ਜਾਮ ਹੋਣ ਕਾਰਨ ਪੁਲਿਸ ਕੋਲ ਟ੍ਰੈਫਿਕ ਨੂੰ ਮੋੜਨ ਦਾ ਕੋਈ ਆਪਸ਼ਨ ਨਹੀਂ ਹੈ। ਦਿੱਲੀ ਰੋਡ ਵਾਲੇ ਪਾਸੇ ਤੋਂ ਆਉਣ ਵਾਲਿਆਂ ਨੂੰ ਢੰਡਾਰੀ ਬ੍ਰਿਜ ਦੇ ਕੋਲ ਰੋਕ ਦਿੱਤਾ ਜਾਵੇਗਾ।
ਜਲੰਧਰ ਵਾਲੇ ਪਾਸੇ ਤੋਂ ਆਉਣ ਵਾਲਿਆਂ ਨੂੰ ਲਾਡੋਵਾਲ ਅਤੇ ਜਲੰਧਰ ਬਾਈਪਾਸ ਚੌਕ ‘ਤੇ ਧਰਨੇ ਦਾ ਸਾਹਮਣਾ ਕਰਨਾ ਪਏਗਾ।ਚੰਡੀਗੜ੍ਹ ਰੋਡ ਸਾਈਡ ਤੋਂ ਆਉਣ ਵਾਲਿਆਂ ਨੂੰ ਕੋਹਰਾ ਚੌਕ ਅਤੇ ਸਮਰਾਲਾ ਚੌਕ ‘ਤੇ ਰੋਕਿਆ ਜਾਵੇਗਾ। ਹੰਬੜਾ ਰੋਡ ਵਾਲੇ ਪਾਸਿਓਂ ਆਉਣ ਵਾਲਿਆਂ ਨੂੰ ਪ੍ਰਤਾਪ ਸਿੰਘ ਵਾਲਾ ਦੇ ਕੋਲ ਰੋਕ ਦਿੱਤਾ ਜਾਵੇਗਾ ਜਦਕਿ ਐਮਬੀਡੀ ਮਾਲ ਦੇ ਬਾਹਰ ਫ਼ਿਰੋਜ਼ਪੁਰ ਰੋਡ ਵਾਲੇ ਪਾਸਿਓਂ ਆਉਣ ਵਾਲਿਆਂ ਨੂੰ ਰੋਕਣ ਦੀ ਯੋਜਨਾ ਹੈ। ਇਸੇ ਤਰ੍ਹਾਂ ਮਲੇਰਕੋਟਲਾ ਵਾਲੇ ਪਾਸੇ ਤੋਂ ਆਉਣ ਵਾਲਿਆਂ ਨੂੰ ਡੇਹਲੋਂ ਚੌਕ ‘ਤੇ ਹੀ ਰੋਕ ਦਿੱਤਾ ਜਾਵੇਗਾ। ਇਸ ਤੋਂ ਇਲਾਵਾ ਦੱਖਣੀ ਬਾਈਪਾਸ ਵਾਲੇ ਪਾਸਿਓਂ ਦੋਰਾਹਾ ਤੋਂ ਆਉਣ ਵਾਲਿਆਂ ਨੂੰ ਡੁਨੇ ਪੁਲ ‘ਤੇ ਰੋਕਿਆ ਜਾਵੇਗਾ।
ਵਾਹਨਾਂ ਦੀ ਆਵਾਜਾਈ ਰਹੇਗੀ ਬੰਦ
ਪ੍ਰਾਈਵੇਟ ਵਿਦਿਅਕ ਸੰਸਥਾਵਾਂ ਨੇ ਵੀ ਭਾਰਤ ਬੰਦ ਦੌਰਾਨ ਸੁਰੱਖਿਆ ਕਾਰਨਾਂ ਕਰਕੇ ਸਕੂਲ ਬੰਦ ਰੱਖਣ ਦਾ ਫੈਸਲਾ ਕੀਤਾ ਹੈ। ਸਕੂਲ ਸੰਚਾਲਕਾਂ ਦਾ ਕਹਿਣਾ ਹੈ ਕਿ ਭਾਰਤ ਬੰਦ ਦੇ ਕਾਰਨ ਵਾਹਨਾਂ ਦੀ ਆਵਾਜਾਈ ਬੰਦ ਰਹੇਗੀ, ਅਜਿਹੀ ਸਥਿਤੀ ਵਿੱਚ ਸਕੂਲ ਬੱਸਾਂ ਅਤੇ ਆਟੋ ਨਹੀਂ ਚੱਲ ਸਕਣਗੇ ਅਤੇ ਵਿਦਿਆਰਥੀ ਸਕੂਲ ਨਹੀਂ ਪਹੁੰਚ ਸਕਣਗੇ। ਜ਼ਿਕਰਯੋਗ ਹੈ ਕਿ ਪੰਜਾਬ ਦੇ ਕਿਸਾਨ ਪਿਛਲੇ ਕਈ ਮਹੀਨਿਆਂ ਤੋਂ ਖੇਤੀਬਾੜੀ ਸੁਧਾਰ ਕਾਨੂੰਨਾਂ ਦੇ ਵਿਰੁੱਧ ਦਿੱਲੀ ਵਿੱਚ ਧਰਨਾ ਦੇ ਰਹੇ ਹਨ।
