ਜਲੰਧਰ : ਜੇ ਤੁਸੀਂ ਸੋਮਵਾਰ ਨੂੰ ਕੀਤੇ ਘੁੰਮਣ ਜਾਣ ਦੀ ਤਿਆਰੀ ਕਰ ਰਹੇ ਹੋ ਤਾਂ plan drop ਕਰ ਦੇਣਾ ਹੀ ਬਿਹਤਰ ਰਹੇਗਾ। ਸੋਮਵਾਰ ਨੂੰ ਖੇਤੀ ਕਾਨੂੰਨਾਂ ਦਾ ਵਿਰੋਧ ਕਰ ਰਹੇ ਕਿਸਾਨਾਂ ਨੇ ਭਾਰਤ ਬੰਦ (Bharat Bandh) ਦਾ ਐਲਾਨ ਕੀਤਾ ਹੈ। ਸ਼ਾਮ 4 ਵਜੇ ਤਕ ਜਲੰਧਰ ਤੋਂ ਸਰਕਾਰੀ ਤੇ ਨਿੱਜੀ ਬੱਸਾਂ ਦਾ ਸੰਚਾਲਨ ਬੰਦ ਰਹਿਣ ਦੀ ਸੰਭਾਵਨਾ ਹੈ।
ਉੱਥੇ ਹੀ ਕਿਸਾਨ ਰੇਲਵੇ ਟਰੈਕ ‘ਤੇ ਵੀ ਧਰਨਾ ਦੇਣ ਦੀ ਤਿਆਰੀ ‘ਚ ਹਨ। ਕਿਸਾਨ ਜਲੰਧਰ-ਦਿੱਲੀ ਨੈਸ਼ਨਲ ਹਾਈਵੇ ‘ਤੇ ਸਥਿਤ ਪੀਏਪੀ ਚੌਕ ਸਮੇਤ ਲਗਪਗ ਇਕ ਦਰਜਨ ਸਥਾਨਾਂ ‘ਤੇ ਧਰਨਾ ਦੇਣਗੇ। ਇਸ ਵਜ੍ਹਾ ਨਾਲ ਸੜਕ ਤੇ ਰੇਲ ਆਵਾਜਾਈ ਬੁਰੀ ਤਰ੍ਹਾਂ ਨਾਲ ਪ੍ਰਭਾਵਿਤ ਰਹਿਣ ਦੀ ਸੰਭਾਵਨਾ ਹੈ। ਜੋ ਲੋਕ ਸੋਮਵਾਰ ਨੂੰ ਕਿਤੇ ਜਾਣਾ ਚਾਹੁੰਦੇ ਹਨ, ਉਹ ਇਕ ਮਾਰਗ ‘ਤੇ ਟਰੈਫਿਕ ਦਾ ਹਾਲ ਇਕ ਵਾਰ ਜ਼ਰੂਰ ਚੈੱਕ ਕਰ ਲੈਣ। ਕਿਸਾਨਾਂ ਦੇ ਸਮੂਹ ਰੇਲ ਟਰੈਕ ‘ਤੇ ਬੈਠ ਕੇ ਵੀ ਧਰਨਾ ਦੇਣਗੇ।
ਭਾਰਤ ਬੰਦ ਦੀ ਕਾਲ ਦੇ ਮੱਦੇਨਜ਼ਰ ਜਲੰਧਰ ਦੇ ਜ਼ਿਆਦਾਤਰ ਨਿੱਜੀ ਬੱਸ ਦੇ ਆਪਰੇਟਰਾਂ (operators) ਨੇ ਬੱਸਾਂ ਦਾ ਸੰਚਾਲਨ ਸੋਮਵਾਰ ਸ਼ਾਮ ਤਕ ਬੰਦ ਕਰਨ ਦਾ ਫ਼ੈਸਲਾ ਲਿਆ ਹੈ। ਪੰਜਾਬ ਰੋਡਵੇਜ ਅਫ਼ਸਰਾਂ ਦਾ ਤਰਕ ਇਹ ਹੈ ਕਿ ਉਹ ਆਪਣੀਆਂ ਬੱਸਾਂ ਨੂੰ ਬੰਦ ਤਾਂ ਨਹੀਂ ਕਰਨਗੇ ਪਰ ਜਦੋਂ ਹਾਈਵੇ ਤੇ ਛੋਟੇ ਰੋਡ ਹੀ ਬੰਦ ਹੋਣਗੇ ਤਾਂ ਬੱਸਾਂ ਦਾ ਸੰਚਾਲਨ ਸੰਭਵ ਨਹੀਂ ਹੋ ਸਕੇਗਾ। ਐਤਵਾਰ ਨੂੰ ਇੰਟਰਸਟੇਟ ਭੇਜੀ ਗਈ ਸਰਕਾਰੀ ਬੱਸਾਂ ਨੂੰ ਸੋਮਵਾਰ ਸਵੇਰੇ ਵਾਪਸ ਲਈ ਕਿਹਾ ਗਿਆ ਹੈ ਤਾਂ ਕਿ ਬੰਦ ਦੇ ਚੱਲਦੇ ਬੱਸਾਂ ਹੋਰ ਸੂਬਿਆਂ ਵਿਚ ਫਸ ਕੇ ਨਾ ਰਹਿ ਜਾਣ।
ਜਲੰਧਰ ‘ਚ ਇਨ੍ਹਾਂ ਸਥਾਨਾਂ ‘ਤੇ ਕਿਸਾਨਾਂ ਦਾ ਧਰਨਾ
ਸੰਯੁਕਤ ਕਿਸਾਨ ਮੋਰਚਾ ਵੱਲੋਂ ਜ਼ਿਲ੍ਹੇ ‘ਚ ਵੱਖ-ਵੱਖ ਥਾਵਾਂ ‘ਤੇ ਜਾਮ ਲਗਾ ਕੇ ਧਰਨਾ ਪ੍ਰਦਰਸ਼ਨ ਕੀਤਾ ਜਾਵੇਗਾ। ਸਵੇਰੇ 6 ਵਜੇ ਤੋਂ ਸ਼ਾਮ 4 ਵਜੇ ਤਕ ਧਰਨਾ ਪ੍ਰਦਰਸ਼ਨ ਜਾਰੀ ਰਹੇਗਾ। ਭਾਰਤੀ ਕਿਸਾਨ ਯੂਨੀਅਨ (ਰਾਜੇਵਾਲ) ਯੂਥ ਪ੍ਰਧਾਨ ਅਮਰਜੋਤ ਸਿੰਘ ਨੇ ਕਿਹਾ ਕਿ ਵੱਖ-ਵੱਖ ਸੰਗਠਨ ਉਨ੍ਹਾਂ ਦਾ ਸਹਿਯੋਗ ਕਰਨਗੇ। ਇਸ ਦੌਰਾਨ ਸਿਰਫ਼ ਐਂਬੂਲੈਂਸ ਅਤੇ ਸਿਹਤ ਸੇਵਾਵਾਂ ਨੂੰ ਛੋਟ ਦੀਆਂ ਹਿਦਾਇਤਾਂ ਮਿਲੀਆਂ ਹਨ। ਜਲੰਧਰ-ਦਿੱਲੀ ਨੈਸ਼ਨਲ ਹਾਈਵੇ ‘ਤੇ ਬਾਠ ਕੈਸਲ ਦੇ ਕੋਲ, ਪੀਏਪੀ ਚੌਕ, ਲੋਹੀਆਂ ਟੀ ਪੁਆਇੰਟ ਅਤੇ ਸ਼ਾਹਕੋਟ, ਮਲਸੀਆ, ਰੇਲਵੇ ਕਰਾਸਿੰਗ ਦੇ ਪੁਲ ਤੇ, ਪਿੰਡ ਮੱਲਿਆ, ਭੋਗਪੁਰ ਵਿਚ ਆਮਦਪੁਰ ਟੀ ਪੁਆਇੰਟ, ਨਕੋਦਰ-ਜਲੰਧਰ ਬਾਈਪਾਸ ਆਦਿ ‘ਤੇ ਕਿਸਾਨ ਧਰਨੇ ‘ਤੇ ਬੈਠਣਗੇ।
