ਪਾਵਰਕਾਮ ਨੇ 60 ਉੱਦਮੀਆਂ ਨੂੰ ਭੇਜਿਆ ਨੋਟਿਸ, ਸਨਅਤ ‘ਤੇ ਪਵੇਗਾ ਤਿੰਨ ਕਰੋੜ ਦਾ ਵਾਧੂ ਬੋਝ

ਜਲੰਧਰ : ਕੋਰੋਨਾ ਵਾਇਰਸ ਕਾਰਨ ਇੰਡਸਟਰੀ ਦਾ ਕਾਰੋਬਾਰੀ ਲੀਹ ‘ਤੇ ਨਹੀਂ ਆਇਆ ਕਿ ਪਾਵਰਕਾਮ ਨੇ ਬਿੱਲ ਦੇ ਹਿਸਾਬ ਨਾਲ ਸਕਿਊਰਿਟੀ ਮਨੀ ਰਕਮ ਜਮ੍ਹਾਂ ਕਰਵਾਉਣ ਲਈ ਕਹਿ ਦਿੱਤਾ ਹੈ। ਪਾਵਰਕਾਮ ਨੇ ਫਿਲਹਾਲ 60 ਸਨਅਤਾਂ ਨੂੰ ਨੋਟਿਸ ਭੇਜੇ ਹਨ। ਨੋਟਿਸ ਭੇਜੇ ਜਾਣ ‘ਤੇ ਸਨਅਤ ‘ਚ ਰੋਸ ਪਾਇਆ ਜਾ ਰਿਹਾ ਹੈ। ਜਿਲ੍ਹੇ ‘ਚ 15,600 ਸਨਅਤਾਂ ਹਨ। ਹਰੇਕ ਸਾਲ ਕਰੋੜਾਂ ਦਾ ਕਾਰੋਬਾਰ ਕਰਦੀਆਂ ਹਨ। ਪਾਵਰਕਾਮ ਦਾ ਤਰਕ ਹੈ ਕਿ ਹਰੇਕ ਮਹੀਨੇ ਆਉਣ ਵਾਲੇ ਬਿੱਲ ਦੀ ਰਕਮ ਦੇ ਬਰਾਬਰ ਪੈਸਾ ਸਕਿਊਰਿਟੀ ਵਜੋਂ ਪਾਵਰਕਾਮ ਆਪਣੇ ਕੋਲ ਰੱਖਦਾ ਹੈ। ਪਾਵਰਕਾਮ ਸਕਿਊਰਿਟੀ ਮਨੀ ਇਸ ਲਈ ਜਮ੍ਹਾਂ ਕਰਵਾਉਣ ਲਈ ਕਹਿੰਦਾ ਹੈ ਕਿ ਤਾਂ ਕਿ ਕੋਈ ਇੰਡਸਟਰੀ ਬੰਦ ਹੋ ਜਾਂਦੀ ਹੈ ਜਾਂ ਫਿਰ ਬਿੱਲ ਜਮ੍ਹਾਂ ਨਹੀਂ ਹੁੰਦਾ ਤਾਂ ਕੁਨੈਕਸ਼ਨ ਕੱਟਣਾ ਪੈਂਦਾ ਹੈ। ਸਕਿਊਰਿਟੀ ਮਨੀ ਜਮ੍ਹਾਂ ਹੋਣ ਦੀ ਕਾਰਨ ਸਨਅਤ ਦਾ ਆਰਥਿਕ ਨੁਕਸਾਨ ਨਹੀਂ ਹੁੰਦਾ। ਫਿਲਹਾਲ ਪਾਵਰਕਾਮ ਸਨਅਤਾਂ ਨੂੰ ਨੋਟਿਸ ਭੇਜ ਰਿਹਾ ਹੈ। ਜਲੰਧਰ ਦੀਆਂ ਸਨਅਤਾਂ ‘ਤੇ ਤਿੰਨ ਕਰੋੜ ਦਾ ਵਾਧੂ ਬੋਝ ਪਵੇਗਾ। ਕਿਸੇ ਸਨਅਤ ਨੂੰ ਪੰਜ ਲੱਖ, ਕਿਸੇ ਨੂੰ ਦੋ ਲੱਖ, ਇਕ ਲੱਖ, 50 ਹਜ਼ਾਰ ਬਿੱਲ ਦੇ ਹਿਸਾਬ ਨਾਲ ਸਕਿਊਰਿਟੀ ਮਨੀ ਜਮ੍ਹਾਂ ਕਰਵਾਉਣ ਕਿਹਾ ਹੈ। ਫਿਲਹਾਲ ਸਨਅਤਕਾਰਾਂ ‘ਚ ਰੋਸ ਹੈ ਕਿ ਕਾਰੋਬਾਰ ਲੀਹ ‘ਤੇ ਆਇਆ ਤੇ ਨੋਟਿਸ ਭੇਜੇ ਜਾ ਰਹੇ ਹਨ। ਜਲੰਧਰ ‘ਚ ਹੈਂਡਟੂਲਜ਼, ਪਾਈਪ ਫਿਟਿੰਗ, ਗਾਰਡਨਰ ਟੂਲਜ਼, ਸਪੋਰਟਸ, ਨਟ ਬੋਲਟ, ਚਮੜਾ ਇੰਡਸਟਰੀ, ਰਬੜ ਤੇ ਵਾਲਵ ਐਂਡ ਕਾਕਸ, ਆਟੋ ਪਾਰਟਸਜ਼ ਇੰਡਸਟਰੀ ਹੈ। ਹਰੇਕ ਸਾਲ ਕਰੋੜਾਂ ਦਾ ਕਾਰੋਬਾਰ ਕਰਦੀਆਂ ਹਨ।

ਕੋਰੋਨਾ ਕਾਲ ਨੇ ਤੋੜਿਆ ਲੱਕ

74)-

ਉਦਯੋਗ ਨਗਰ ਮੈਨੂਫੈਕਚਰਿੰਗ ਐਸੋਸੀਏਸ਼ਨ ਦੇ ਪ੍ਰਧਾਨ ਤੇਜਿੰਦਰ ਭਸੀਨ ਨੇ ਕਿਹਾ ਕਿ ਕੋਰੋਨਾ ਕਾਲ ਨੇ ਇੰਡਸਟਰੀ ਦਾ ਲੱਕ ਤੋੜ ਦਿੱਤਾ ਹੈ। ਸਰਕਾਰ ਨੇ ਕਿਲੋਵਾਟ ਘਰਾਂ ਦੇ ਬਿੱਲ ਬਕਾਇਆ ਦੇਣੀ ਦਾ ਗੱਲ ਕਹੀ ਹੈ। ਇਧਰ ਸਕਿਊਰਿਟੀ ਮਨੀ ਜਮ੍ਹਾਂ ਕਰਵਾਉਣ ਲਈ ਕਹਿ ਰਹੇ ਹਨ।

ਇੰਡਸਟਰੀ ਦਾ ਕਾਰੋਬਾਰ ਵੀ 20 ਫ਼ੀਸਦੀ ਰਹਿ ਗਿਆ

72)

ਆਟੋ ਪਾਰਟਸ ਮੈਨੂਫੈਕਚਰਿੰਗ ਐਸੋਸੀਏਸ਼ਨ ਦੇ ਪ੍ਰਧਾਨ ਸੰਜੀਵ ਜੁਨੇਜਾ ਨੇ ਕਿਹਾ ਕਿ ਕਾਰੋਬਾਰ ‘ਤੇ ਲੀਹ ‘ਤੇ ਆਉਣਾ ਹੀ ਸ਼ੁਰੂ ਹੋਇਆ ਹੈ ਉੱਦਮੀਆਂ ਨੂੰ ਸਕਿਊਰਿਟੀ ਮਨੀ ਜਮ੍ਹਾਂ ਕਰਵਾਉਣ ਲਈ ਕਹਿ ਦਿੱਤਾ ਹੈ। ਕੋਰੋਨਾ ਕਾਲ ‘ਚ ਇੰਡਸਟਰੀ ਬੰਦ ਰਹੀ। ਹਰੇਕ ਇੰਡਸਟਰੀ ਦਾ ਕਾਰੋਬਾਰ ਵੀ 20 ਫ਼ੀਸਦੀ ਰਹਿ ਗਿਆ ਸੀ।

ਖਪਤ ਦੇ ਹਿਸਾਬ ਨਾਲ ਸਕਿਊਰਿਟੀ ਮਨੀ ਲਈ ਜਾਵੇ

76)-

ਪਾਵਰਕਾਮ ਦੇ ਡਿਪਟੀ ਚੀਫ ਇੰਜੀਨੀਅਰ ਹਰਜਿੰਦਰ ਸਿੰਘ ਬਾਂਸਲ ਨੇ ਕਿਹਾ ਕਿ ਸਕਿਊਰਿਟੀ ਮਨੀ ਜਮ੍ਹਾਂ ਕਰਵਾਉਣ ਲਈ 50 ਉੱਦਮੀਆਂ ਨੂੰ ਨੋਟਿਸ ਭੇਜੇ ਹਨ। ਸਮਾਂ ‘ਤੇ ਜਮ੍ਹਾਂ ਕਰਵਾਉਣ ਲਈ ਕਿਹਾ ਗਿਆ ਹੈ। ਖਪਤ ਦੇ ਹਿਸਾਬ ਨਾਲ ਸਕਿਊਰਿਟੀ ਮਨੀ ਲਈ ਜਾ ਰਹੀ ਹੈ।