ਲੁੱਟਿਆ ਦੁਕਾਨਦਾਰ, ਵਾਰਦਾਤ ‘ਚ ਲੜਕੀ ਵੀ ਸ਼ਾਮਲ

ਫਤਿਆਬਾਦ : ਪੁਲਿਸ ਪ੍ਰਸ਼ਾਸਨ ਤੋਂ ਬੇਖੌਫ ਪਲਸਰ ਸਵਾਰ ਲੁਟੇਰੇ ਲੜਕੇ ਅਤੇ ਲੜਕੀ ਵੱਲੋਂ ਫਤਿਆਬਾਦ ਵਿਖੇ ਸਮਾਨ ਲੈਣ ਆਏ ਦੁਕਾਨਦਾਰ ਦੀ ਜੇਬ ਨੂੰ ਝਪਟਮਾਰ ਕੇ ਲੁੱਟ ਲੈਣ ਦਾ ਮਾਮਲਾ ਪ੍ਰਰਾਪਤ ਹੋਇਆ। ਦੁਕਾਨਦਾਰ ਨੇ ਦੱਸਿਆ ਕਿ ਉਸ ਦੀ ਜੇਬ ਵਿਚ 9 ਹਜਾਰ ਦੇ ਕਰੀਬ ਨਕਦੀ ਤੇ ਡਰਾਇਵਿੰਗ ਲਾਇਸੈਂਸ ਸੀ ਜੋ ਲੁਟੇਰਿਆਂ ਝਪਟ ਲਿਆ। ਲੁੱਟ ਖੋਹ ਦਾ ਸ਼ਿਕਾਰ ਹੋਏ ਦਲਬੀਰ ਸਿੰਘ ਨਿਵਾਸੀ ਦਾਰਾਪੁਰ ਵੈਰੋਂਵਾਲ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਉਸ ਦੀ ਪਿੰਡ ਵੈਰੋਂਵਾਲ ਵਿਖੇ ਕਰਿਆਨਾ ਤੇ ਸਬਜ਼ੀ ਦੀ ਦੁਕਾਨ ਹੈ ਤੇ ਉਹ ਰੋਜ਼ਾਨਾ ਹੀ ਫਤਿਆਬਾਦ ਤੋਂ ਸਮਾਨ ਲੈਣ ਲਈ ਆਉਂਦਾ ਹੈ। ਦੁਕਾਨਦਾਰ ਅਨੁਸਾਰ ਸਵੇਰੇ ਸਾਢੇ ਕੁ ਸੱਤ ਵਜੇਂ ਜਦੋਂ ਸਬਜੀ ਮੰਡੀ ਤੋਂ ਸਮਾਨ ਲੈ ਕੈ ਆਪਣੇ ਮੋਟਰਸਾਈਕਲ ਤੇ ਕਰਿਆਨੇ ਦਾ ਸਮਾਨ ਲੈਣ ਬਜਾਰ ਜਾ ਰਿਹਾ ਸੀ ਤਾਂ ਪੰਜਾਬ ਨੈਸ਼ਨਲ ਬੈਂਕ ਨਜਦੀਕ ਪਹੁੰਚਣ ਤੇ ਪਿਛੋਂ ਆਏ ਪਲਸਰ ਸਵਾਰ ਲੜਕਾ ਤੇ ਲੜਕੀ, ਜਿਨਾਂ੍ਹ ਆਪਣੇ ਮੂੰਹ ਲਪੇਟੇ ਹੋਏ ਸਨ, ਉਸ ਦੀ ਜੇਬ ਨੂੰ ਝਪਟਾ ਮਾਰ ਲਿਆ ਤੇ ਨਾਲ ਹੀ ਲੱਤ ਮਾਰ ਕੇ ਉਸ ਨੂੰ ਡੇਗਣ ਦੀ ਕੋਸ਼ਿਸ਼ ਕੀਤੀ ਅਤੇ ਤੇਜ ਰਫਤਾਰ ਨਾਲ ਫਰਾਰ ਹੋ ਗਏ। ਝਪਟਮਾਰੀ ਦਾ ਸ਼ਿਕਾਰ ਦਲਬੀਰ ਸਿੰਘ ਅਨੁਸਾਰ ਉਸ ਨੇ ਕੁਝ ਦੂਰੀ ਤਕ ਪਿੱਛਾ ਵੀ ਕੀਤਾ ਪੰ੍ਤੂ ਝਪਟਮਾਰ ਤੇਜ ਰਫਤਾਰ ਨਾਲ ਫਰਾਰ ਹੋ ਗਏ। ਉਸ ਨੇ ਦੱਸਿਆ ਕਿ ਜੇਬ ‘ਚ 9 ਹਜਾਰ ਦੇ ਕਰੀਬ ਨਕਦੀ ਤੇ ਡਰਾਇਵਿੰਗ ਲਾਇਸੈਂਸ ਸੀ, ਜੋ ਲੁਟੇਰਿਆਂ ਝਪਟ ਲਿਆ। ਦੁਕਾਨਦਾਰ ਵੱਲੋਂ ਘਟਨਾ ਸਬੰਧੀ ਪੁਲਿਸ ਚੌਂਕੀ ਫਤਿਆਬਾਦ ਵਿਖੇ ਦਰਖਾਸਤ ਦੇ ਦਿੱਤੀ ਗਈ ਹੈ। ਇਸ ਸੰਬਧੀ ਚੌਂਕੀ ਇੰਚਾਰਜ ਬਲਰਾਜ ਸਿੰਘ ਨੇ ਕਿਹਾ ਸੀ.ਸੀ.ਟੀ.ਵੀ. ਫੁਟੇਜ ਦੇ ਅਧਾਰ ਤੇ ਲੁਟੇਰਿਆਂ ਦੀ ਪਛਾਣ ਕਰਕੇ ਕਾਬੂ ਕਰਨ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ।