ਸੇਲ…ਸੇਲ…ਸੇਲ…ਰਾਵਣ ਆਨ ਸੇਲ, ਦੁਸਹਿਰੇ ’ਤੇ ਆਰਡਰ ਨਹੀਂ ਮਿਲਿਆ ਤਾਂ ਜਲੰਧਰ ਦੇ ਕਾਰੀਗਰ ਨੇ ਦਸ਼ਾਨਨ ਸੇਲ ’ਤੇ ਲਗਾਇਆ

ਜਲੰਧਰ : ਸੇਲ…ਸੇਲ…ਸੇਲ…ਰਾਵਣ ਆਨ ਸੇਲ। ਤੁਸੀਂ ਪਹਿਲਾਂ ਕਦੇ ਰਾਵਣ ਨੂੰ ਸੇਲ ’ਤੇ ਲੱਗੇ ਹੋਏ ਨਹੀਂ ਦੇਖਿਆ ਹੋਵੇਗਾ, ਇਥੇ ਜਲੰਧਰ ਦੇ ਸੈਂਟਰਲ ਟਾਊਨ ’ਚ ਇਕ ਕਾਰੀਗਰ ਨੂੰ ਜਦੋਂ ਆਰਡਰ ਘੱਟ ਮਿਲੇ ਤਾਂ ਉਸਨੇ 6-7 ਫੁੱਟ ਦੇ ਰਾਵਣ, ਕੁੰਭਕਰਨ ਅਤੇ ਮੇਘਨਾਥ ਦੇ ਪੁਤਲੇ ਬਣਾ ਕੇ ਸੇਲ ’ਤੇ ਲਗਾ ਦਿੱਤੇ। ਇਨ੍ਹਾਂ ਦੀ ਕੀਮਤ ਵੀ ਬਹੁਤ ਘੱਟ ਰੱਖੀ ਗਈ ਸੀ। ਸਿਰਫ਼ 100 ਰੁਪਏ ਤੋਂ ਲੈ ਕੇ 250 ਰੁਪਏ ਤਕ। ਲੋਕਾਂ, ਖ਼ਾਸ ਕਰ ਬੱਚਿਆਂ ਨੂੰ ਦਸ਼ਾਨਨ, ਕੁੰਭਕਰਨ ਅਤੇ ਮੇਘਨਾਥ ਦੇ ਇਹ ਛੋਟੇ ਪੁਤਲੇ ਖ਼ੂਬ ਪਸੰਦ ਆਏ ਹਨ।

ਦਰਅਸਲ, ਕੋਰੋਨਾ ਮਹਾਮਾਰੀ ਕਾਰਨ ਜਲੰਧਰ ਦੇ ਪੁਤਲੇ ਬਣਾਉਣ ਵਾਲੇ ਕਾਰੀਗਰਾਂ ਨੂੰ ਲਗਾਤਾਰ ਦੂਸਰੇ ਆਰਡਰ ਨਾਂਹ ਦੇ ਬਰਾਬਰ ਮਿਲੇ ਹਨ। ਜਿਥੇ ਕਈ ਕਾਰੀਗਰ ਮਾਯੂਸ ਹੋ ਕੇ ਦੂਸਰੇ ਕੰਮ ਕਰਨ ਲੱਗੇ ਉਥੇ ਹੀ ਪੁਤਲਾ ਬਣਾਉਣ ਵਾਲੇ ਸੁਸ਼ਾਂਤ ਨੇ ਦੂਸਰੇ ਤਰੀਕੇ ’ਤੇ ਕੰਮ ਕੀਤਾ। ਉਨ੍ਹਾਂ ਨੇ ਵੱਡੇ ਪੁਤਲਿਆਂ ਦੀ ਥਾਂ ਛੋਟੇ ਪੁਤਲੇ ਬਣਾਉਣ ’ਤੇ ਧਿਆਨ ਦਿੱਤਾ। ਉਨ੍ਹਾਂ ਨੇ ਨਗਰ ਨਿਗਮ ਦਫ਼ਤਰ ਦੇ ਪਿਛੇ ਸੈਂਟਰਲ ਟਾਊਨ ’ਚ ਰਾਵਣ ਦੇ ਪੁਤਲਿਆਂ ਦੀ ਸੇਲ ਲਗਾਈ ਹੋਈ ਹੈ। ਇਨ੍ਹਾਂ ਨੂੰ ਖ਼ਰੀਦਣ ਨੂੰ ਲੈ ਕੇ ਵਿਸ਼ੇਸ਼ ਤੌਰ ’ਤੇ ਬੱਚਿਆਂ ’ਚ ਖ਼ਾਸ ਕ੍ਰੇਜ਼ ਦੇਖਿਆ ਜਾ ਰਿਹਾ ਹੈ।

ਜਲੰਧਰ ’ਚ ਸੀਮਿਤ ਪੱਧਰ ’ਤੇ ਦੁਸਹਿਰਾ ਸੈਲੀਬ੍ਰੇਸ਼ਨ

ਕੋਰੋਨਾ ਕਾਰਨ ਇਸ ਵਾਰ ਵੀ ਜਲੰਧਰ ’ਚ ਦੁਸਹਿਰਾ ਵੱਡੇ ਪੱਧਰ ’ਤੇ ਨਹੀਂ ਮਨਾਇਆ ਜਾ ਰਿਹਾ। ਸਿਰਫ਼ 6 ਸਥਾਨਾਂ ’ਤੇ ਰਾਵਣ ਦਹਿਨ ਕੀਤਾ ਜਾ ਰਿਹਾ ਹੈ। ਸਭ ਤੋਂ ਵੱਡਾ 60 ਫੁੱਟ ਦਾ ਰਾਵਣ ਆਦਰਸ਼ ਨਗਰ ’ਚ ਸਾੜਿਆ ਜਾਵੇਗਾ। ਲਗਾਤਾਰ ਦੂਸਰੇ ਸਾਲ ਸਾਈਂ ਦਾਸ ਸਕੂਲ ਗਰਾਊਂਡ, ਬਲਟਰਨ ਪਾਰਕ ਅਤੇ ਗਵਰਨਮੈਂਟ ਟ੍ਰੇਨਿੰਗ ਕਾਲਜ ਮੈਦਾਨ ’ਚ ਰਾਵਣ ਦਹਿਨ ਨਹੀਂ ਹੋਵੇਗਾ। ਪਹਿਲਾਂ ਇਥੇ ਵੱਡੇ ਪੱਧਰ ’ਤੇ ਦੁਸਹਿਰਾ ਮਨਾਇਆ ਜਾਂਦਾ ਰਿਹਾ ਹੈ।

ਵੱਡੇ ਕਾਰੀਗਰ ਵਿਕਰੀ ਨਾ ਹੋਣ ਕਾਰਨ ਨਾਰਾਜ਼

ਮਹਾਨਗਰ ’ਚ ਵੱਡੇ ਪੱਧਰ ’ਤੇ ਦੁਸਹਿਰਾ ਸੈਲੀਬ੍ਰੇਸ਼ਨ ਨਾ ਹੋਣ ਕਾਰਨ ਕਈ ਪੁਤਲਾ ਬਣਾਉਣ ਵਾਲੇ ਕਾਰੀਗਰ ਮਾਯੂਸ ਹਨ। ਕਾਰੀਗਰ ਸੰਜੀਵਨ ਲਾਲ ਅਨੁਸਾਰ ਉਨ੍ਹਾਂ ਦਾ ਕਾਰੋਬਾਰ ਲਗਾਤਾਰ ਦੂਸਰੇ ਸਾਲ ਚੌਪਟ ਹੋ ਗਿਆ। ਬਹੁਤ ਘੱਟ ਕਮੇਟੀਆਂ ਨੇ ਆਰਡਰ ਦੇ ਕੇ ਪੁਤਲੇ ਬਣਵਾਏ ਹਨ। ਕੋਰੋਨਾ ਤੋਂ ਪਹਿਲਾਂ ਦੇ ਸਾਲਾਂ ’ਚ ਇਹ 300 ਤਕ ਪੁਤਲੇ ਵੇਚ ਦਿੰਦੇ ਸਨ ਪਰ ਇਸ ਵਾਰ 60 ਫੁੱਟ ਦੇ 100 ਪੁਤਲੇ ਵੀ ਨਹੀਂ ਵਿਕ ਪਾਏ ਹਨ।