ਟਕੈਰਟਰ ਹੇਠ ਆਉਣ ਕਾਰਨ ਚੌਥੀ ਜਮਾਤ ’ਚ ਪੜ੍ਹਦੇ 11 ਸਾਲਾ ਬੱਚੇ ਦੀ ਮੌਤ

ਅਬੋਹਰ : ਨੇੜਲੇ ਪਿੰਡ ਪੰਨੀਵਾਲਾ ਵਿੱਚ ਬੀਤੀ ਸ਼ਾਮ ਇੱਕ ਬੱਚੇ ਦੀ ਟਰੈਕਟਰ ਹੇਠਾਂ ਆਉਣ ਕਾਰਨ ਮੌਤ ਹੋ ਗਈ। ਜਾਣਕਾਰੀ ਅਨੁਸਾਰ ਚੌਥੀ ਜਮਾਤ ’ਚ ਪੜ੍ਹਦਾ ਮੰਗਾ (11 ਸਾਲ) ਪੁੱਤਰ ਸੁਖਦਰਸ਼ਨ ਬੀਤੀ ਸ਼ਾਮ ਆਪਣੇ ਪਿਤਾ ਅਤੇ ਦਾਦੇ ਨਾਲ ਪਿੰਡ ਦੇ ਹੀ ਜ਼ਿਮੀਂਦਾਰ ਰਾਜਿੰਦਰ ਕੁਮਾਰ ਦੇ ਖੇਤ ਵਿੱਚ ਕੰਮ ਕਰ ਰਹੇ ਸਨ। ਖੇਡਦੇ-ਖੇਡਦੇ ਮੰਗੇ ਨੇ ਟਰੈਕਟਰ ਦੇ ਟੂਲ ਬਾਕਸ ਵਿੱਚ ਰੱਖੀ ਚਾਬੀ ਲਾ ਦਿੱਤੀ ਜਿਸ ਕਾਰਨ ਟਰੈਕਟਰ ਸਟਾਰਟ ਹੋ ਕੇ ਖੇਤ ਵਿੱਚ ਹੀ ਬਿਨਾਂ ਪਾਣੀ ਦੀ ਡਿੱਗੀ ਵਿੱਚ ਜਾ ਡਿੱਗਾ ਅਤੇ ਮੰਗੇ ਦੀ ਹੇਠ ਆਉਣ ਕਾਰਨ ਮੌਤ ਹੋ ਗਈ। ਮੰਗਾ 2 ਭੈਣਾਂ ਦਾ ਇੱਕਲੌਤਾ ਭਰਾ ਸੀ।