ਪੰਜਾਬ ‘ਚ ਕੋਲੇ ਦੀ ਕਮੀ ਨਾਲ ਨਹੀਂ, ਕਮਜੋਰ ਮੈਨੇਜਮੈਂਟ ਦੇ ਕਾਰਨ ਆਇਆ ਬਿਜਲੀ ਸੰਕਟ : ਸੁਖਬੀਰ

ਲੁਧਿਆਣਾ : ਸ਼੍ਰੋਮਣੀ ਅਕਾਲੀ ਦਲ ਦੇ ਮੁਖੀ ਤੇ ਸਾਬਕਾ ਉਪ ਮੁੱਖ ਮੰਤਰੀ ਸੁਖਬੀਰ ਬਾਦਲ ਨੇ ਦਾਅਵਾ ਕੀਤਾ ਹੈ ਕਿ ਪੰਜਾਬ ‘ਚ ਬਿਜਲੀ ਦਾ ਸੰਕਟ ਕੋਲੇ ਦੀ ਘਾਟ ਕਾਰਨ ਨਹੀਂ, ਸਗੋਂ ਸਰਕਾਰ ਦੇ ਮਾੜੇ ਪ੍ਰਬੰਧਨ ਕਾਰਨ ਹੋਇਆ ਹੈ। ਪਿਛਲੇ ਪੰਜ ਸਾਲਾਂ ਦੇ ਦੌਰਾਨ ਮੌਜੂਦਾ ਕਾਂਗਰਸ ਸਰਕਾਰ ਨੇ ਕੋਈ ਵੀ ਬਿਜਲੀ ਉਤਪਾਦਨ ਪਲਾਂਟ ਸਥਾਪਤ ਨਹੀਂ ਕੀਤਾ, ਜਦੋਂ ਕਿ ਇਸ ਸਮੇਂ ਦੌਰਾਨ ਮੰਗ ‘ਚ ਬਹੁਤ ਵਾਧਾ ਹੋਇਆ। ਅੱਜ ਪੰਜਾਬੀਆਂ ਨੂੰ ਬਿਜਲੀ ਦੇ ਗੰਭੀਰ ਸੰਕਟ ‘ਚੋਂ ਨਾ ਲੰਘਣਾ ਪੈਂਦਾ ਜੇ ਸਰਕਾਰ ਸਮੇਂ ਸਿਰ ਬਿਜਲੀ ਪੈਦਾ ਕਰਨ ਦੇ ਪ੍ਰਬੰਧ ਕਰਦੀ। ਸੁਖਬੀਰ ਬਾਦਲ ਸ਼ਨਿਚਰਵਾਰ ਨੂੰ ਲੁਧਿਆਣਾ ‘ਚ ਰਾਊਂਡ ਟੇਬਲ ਇੰਡੀਆ ਵੱਲੋਂ ਆਯੋਜਿਤ ਇਕ ਸੰਖੇਪ ਮੀਟਿੰਗ ‘ਚ ਬੋਲ ਰਹੇ ਸਨ।

ਸੁਖਬੀਰ ਬਾਦਲ ਨੇ ਕਿਹਾ ਕਿ ਸੂਬੇ ਦੇੇ ਵਿਕਾਸ ਲਈ ਵਿਜ਼ਨ ਫੈਸਲੇ ਲੈਣ ਦੀ ਸਮਰਥਾ ਤੇ ਆਈਡਿਆਨ ਦੀ ਜ਼ਰੂਰਤ ਹੈ, ਪਰ ਮੌਜੂਦਾ ਸਰਕਾਰ ਇਸ ‘ਚ ਆਯੋਗ ਹੈ। ਸੁਖਬੀਰ ਨੇ ਕਿਹਾ ਕਿ ਪੰਜਾਬ ‘ਚ ਬਣਾਏ ਗਏ ਥਰਮਲ ਪਲਾਂਟ ਨਿੱਜੀ ਨਹੀਂ, ਬਲਕਿ ਸਰਕਾਰ ਦੇ ਹਨ, ਇਨ੍ਹਾਂ ਨਿਵੇਸ਼ ਜ਼ਰੂਰੀ ਨਿੱਜੀ ਕੰਪਨੀਆਂ ਦਾ ਵੀ ਹੈ।