LPU ਦੀ ਰਜਿਸਟਰਾਰ ਡਾ. ਮੋਨਿਕਾ ਗੁਲਾਟੀ ਦਾ ਵੱਡਾ ਖ਼ੁਲਾਸਾ! ਜਾਰੀ ਕੀਤੀ ਕੁੜੀਆਂ ਦੀ ਵੀਡੀਓ
ਜਲੰਧਰ : ਸੱਤ ਸਮੁੰਦਰ ਪਾਰ ਜਾ ਕੇ ਵਸਣ ਦਾ ਪੰਜਾਬੀਆਂ ਦਾ ਕ੍ਰੇਜ਼ ਹਾਈਵੇ ਕੰਢੇ ਲੱਗੇ ਮੀਲ-ਪੱਥਰ ਲਗਾਉਣ ਤਕ ਵੀ ਜਾ ਪਹੁੰਚਿਆ ਹੈ। ਐੱਨਆਈਆਈ ਦੀ ਧਰਤੀ ਦੇ ਤੌਰ ’ਤੇ ਮਸ਼ਹੂਰ ਦੋਆਬਾ ’ਚ ਜਲੰਧਰ-ਦਿੱਲੀ ਨੈਸ਼ਨਲ ਹਾਈਵੇ ਕੰਢੇ ਸਿਡਨੀ, ਬੈਂਕਾਕ, ਦੁਬਈ ਅਤੇ ਲੰਡਨ ਤਕ ਦੀ ਦੂਰੀ ਦੱਸਦੇ ਮੀਲ ਪੱਥਰ ਲੱਗੇ ਹੋਏ ਨਜ਼ਰ ਆਉਣ ਲੱਗੇ ਹਨ। ਨੈਸ਼ਨਲ ਹਾਈਵੇ ’ਤੇ ਜਲੰਧਰ-ਫਗਵਾੜਾ ’ਚ ਧੰਨੋਵਾਲੀ ਪਿੰਡ ਨੇੜੇ ਸਰਵਿਸ ਲੇਨ ਕਿਨਾਰੇ ’ਤੇ ਅਜਿਹਾ ਹੀ ਇਕ ਮੀਲ-ਪੱਥਰ ਲੱਗਾ ਹੋਇਆ ਨਜ਼ਰ ਆਉਂਦਾ ਹੈ। ਉਧਰ, ਨੈਸ਼ਨਲ ਹਾਈਵੇ ਅਥਾਰਿਟੀ ਦੇ ਇਕ ਅਧਿਕਾਰੀ ਨੇ ਕਿਹਾ ਕਿ ਅਜਿਹਾ ਕਰਨਾ ਗ਼ੈਰ-ਕਾਨੂੰਨੀ ਹੈ। ਇਸ ਮੀਲ-ਪੱਥਰ ਨੂੰ ਜਲਦ ਹਟਾਇਆ ਜਾਵੇਗਾ।
ਇਸਦੇ ਇਕ ਪਾਸੇ ਸਿਡਨੀ ਦੀ ਦੂਰੀ 10729 ਅਤੇ ਬੈਂਕਾਕ ਦੀ ਦੂਰੀ 4660 ਦਰਸਾਈ ਗਈ ਹੈ। ਦੂਸਰੇ ਪਾਸੇ ਦੁਬਈ ਦੀ ਦੂਰੀ 2739 ਕਿਲੋਮੀਟਰ ਅਤੇ ਲੰਡਨ ਦੀ ਦੂਰੀ 747 ਦੱਸੀ ਗਈ ਹੈ। ਜਾਹਰ ਹੈ ਕਿ ਅਜਿਹੇ ਮੀਲ-ਪੱਥਰ ਨੈਸ਼ਨਲ ਹਾਈਵੇ ਅਥਾਰਿਟੀ ਆਫ ਇੰਡੀਆ ਵੱਲੋਂ ਤਾਂ ਨਹੀਂ ਲਗਾਏ ਗਏ ਬਲਕਿ ਵਿਦੇਸ਼ ਜਾਣ ਵਾਲਿਆਂ ਨੇ ਨਿੱਜੀ ਤੌਰ ’ਤੇ ਬਣਵਾਏ ਅਤੇ ਲਗਵਾਏ ਹਨ।
ਗ਼ੈਰ-ਕਾਨੂੰਨੀ ਹੈ ਹਾਈਵੇ ’ਤੇ ਅਜਿਹੇ ਬੋਰਡ ਲਗਾਉਣੇ
ਨੈਸ਼ਨਲ ਹਾਈਵੇ ਉੱਪਰ ਅਜਿਹੇ ਕਿਸੇ ਵੀ ਬੋਰਡ, ਮੀਲ-ਪੱਥਰ ਲਗਾਉਣ ਨੂੰ ਗ਼ੈਰ-ਕਾਨੂੰਨੀ ਮੰਨਿਆ ਜਾਂਦਾ ਹੈ। ਅਜਿਹਾ ਕਰਨ ਵਾਲਿਆਂ ਖ਼ਿਲਾਫ਼ ਐੱਨਐੱਚਏਆਈ ਕੋਲ ਕਾਰਵਾਈ ਕਰਨ ਦਾ ਵੀ ਪ੍ਰਬੰਧ ਹੈ। ਹਾਲਾਂਕਿ, ਇਸਦਾ ਹਾਲੇ ਪਤਾ ਨਹੀਂ ਲੱਗਾ ਕਿ ਇਹ ਮੀਲ-ਪੱਥਰ ਕਿਸਨੇ ਲਗਾਏ ਹਨ।
