ਖਰੜ : ਪਿਛਲੇ ਲੰਮੇ ਸਮੇਂ ਰੁਜ਼ਗਾਰ ਲਈ ਸੰਘਰਸ਼ ਕਰਦੇ ਆ ਰਹੇ ਬੇਰੁਜ਼ਾਗਰ ਅਧਿਆਪਕ ਅੱਜ ਤੜਕੇ ਹੀ ਕਰੀਬ 4 ਵਜੇ ਖਰੜ ਵਿਚ ਪਾਣੀ ਵਾਲੀ ਟੈਂਕੀ ‘ਤੇ ਚੜ੍ਹ ਗਏ। ਈਟੀਟੀ ਟੈੱਟ ਪਾਸ ਬੇਰੁਜ਼ਗਾਰ ਅਧਿਆਪਕ ਯੂਨੀਅਨ ਵੱਲੋਂ ਖਰੜ ਟੈਂਕੀ ‘ਤੇ ਅਮਨ ਰਾਣਾ ਤੇ ਪਰਮਪਾਲ ਨੁਕੇਰੀਆ ਚੜ੍ਹ ਗਏ। ਬੇਰੁਜ਼ਗਾਰ ਅਧਿਆਪਕਾਂ ਵੱਲੋਂ ਮੰਗ ਕੀਤੀ ਜਾ ਰਹੀ ਹੈ ਕਿ ਪਿਛਲੇ ਸਾਲ 2364 ਈਟੀਟੀ ਅਧਿਆਪਕਾਂ ਦੀ ਭਰਤੀ ਕੀਤੀ ਜਾ ਰਹੀ ਸੀ, ਉਨ੍ਹਾਂ ਨੂੰ ਆਫਰ ਪੱਤਰ ਦਿੱਤੇ ਜਾਣ, ਨਵੀਂ ਭਰਤੀ ਕੀਤੇ ਜਾ ਰਹੇ 6635+22 ਈਟੀਟੀ ਅਧਿਆਪਕਾਂ ਵਿਚ ਐਸਸੀ ਬੈਕਲਾਗ ਦੀਆਂ 873ਅਸਾਮੀਆਂ ਸ਼ਾਮਲ ਕੀਤੀਆਂ ਜਾਣ ਅਤੇ 3000ਦੇ ਕਰੀਬ ਨਵੀਂ ਪੋਸਟਾਂ ਸ਼ਾਮਲ ਕੀਤੀਆਂ ਜਾਣ ਤਾਂ ਜੋ ਚਾਰ ਸਾਢੇ ਚਾਰ ਤੋਂ ਲੜ ਬੇਰੁਜ਼ਗਾਰਾਂ ਨੂੰ ਰੁਜ਼ਗਾਰ ਮਿਲੇ ਜਿਨ੍ਹਾਂ ਬੇਰੁਜ਼ਗਾਰ ਅਧਿਆਪਕਾਂ ਦੀ ਉਮਰ ਹੱਦ ਲੰਘ ਗਈ ਹੈ ਉਨ੍ਹਾਂ ਨੂੰ ਉਮਰ ਵਿਚ ਛੋਟ ਦਿੱਤੀ ਜਾਵੇ। ਯੂਨੀਅਨ ਵੱਲੋਂ ਐਲਾਨ ਕੀਤਾ ਗਿਆ ਕਿ ਇਹ ਸੰਘਰਸ਼ ਉਦੋਂ ਤਕ ਜਾਰੀ ਰਹੇਗਾ ਜਦੋਂ ਤਕ ਅਧਿਆਪਕਾਂ ਦੀਆਂ ਮੰਗਾਂ ਨਹੀਂ ਮੰਨੀਆਂ ਜਾਂਦੀਆਂ।
