ਲਾਟਰੀ ਦਾ ਝਾਂਸਾ ਦੇ ਕੇ ਪੈਸੇ ਠੱਗਣ ਦੇ ਦੋਸ਼ ‘ਚ ਇਕ ਕਾਬੂ

ਨਡਾਲਾ : ਸੁਭਾਨਪੁਰ ਪੁਲਿਸ ਨੇ ਭੋਲੇ ਭਾਲੇ ਲੋਕਾਂ ਨੂੰ ਲਾਟਰੀ ਦਾ ਝਾਂਸਾ ਦੇ ਕੇ ਪੈਸੇ ਠੱਗਣ ਵਾਲੇ ਇਕ ਵਿਅਕਤੀ ਨੂੰ ਗਿ੍ਫ਼ਤਾਰ ਕਰ ਕੇ ਜ਼ਮਾਨਤ ‘ਤੇ ਰਿਹਾਅ ਕੀਤਾ ਗਿਆ ਹੈ। ਪ੍ਰਰਾਪਤ ਜਾਣਕਾਰੀ ਅਨੁਸਾਰ ਪੁਲਿਸ ਪਾਰਟੀ ਗਸ਼ਤ ਭੈੜੇ ਪੁਰਸ਼ਾਂ ਦੀ ਤਲਾਸ਼ ਦੇ ਸਬੰਧ ‘ਚ ਨੇੜੇ ਹੀ ਪਿੰਡ ਲੱਖਣ ਖੋਲੇ, ਹਮੀਰਾ, ਡੋਗਰਾਵਾਲ, ਰਾਜਪੁਰ ਝੁੱਗੀਆ ਨੂੰ ਜਾ ਰਹੇ ਸੀ ਕਿ ਖਾਸ ਮੁੱਖਬਰ ਨੇ ਇਤਲਾਹ ਦਿੱਤੀ ਕਿ ਭਗਵੰਤ ਸਿੰਘ ਉਰਫ ਵਿੱਕੀ ਪੁੱਤਰ ਰੁਲਦਾ ਸਿੰਘ ਵਾਸੀ ਮਨਸੂਰਵਾਲ ਬੇਟ ਥਾਣਾ ਿਢੱਲਵਾਂ ਭੋਲੇ ਭਾਲੇ ਲੋਕਾਂ ਨੂੰ 11 ਦੀ ਪਰਚੀ ਕੱਟ ਕੇ 1100 ਦੇਣ ਦਾ ਦਾਅਵਾ ਕਰ ਕੇ ਲੋਕਾਂ ਨੂੰ ਠੱਗਦਾ ਹੈ ਜੋ ਅੱਜ ਵੀ ਦਿਆਲਪੁਰ ਅੱਡੇ ‘ਤੇ ਸਥਿਤ ਦੁਕਾਨ ਵਿੱਚ ਮੌਜੂਦ ਹੈ। ਇਸ ਦੌਰਾਨ ਏਐੱਸਆਈ ਸਮੇਤ ਕਰਮਚਾਰੀਆਂ ਨੇ ਮੌਕੇ ‘ਤੇ ਪੁੱਜ ਕੇ ਉਕਤ ਦੋਸ਼ੀ ਨੂੰ ਕਾਬੂ ਕਰ ਕੇ ਉਸ ਕੋਲੋਂ ਗ਼ੈਰ-ਕਾਨੂੰਨੀ ਲਾਟਰੀ ਟਰੇਡ 6, ਲਾਟਰੀ ਪਰਚੀ, 3050 ਰੁਪਏ ਦੀ ਨਕਦੀ, ਲਾਟਰੀ ਟਾਈਮ ਚਾਰਟ, ਕੈਲਕੁਲੇਟਰ, ਮੋਬਾਈਲ ਫੋਨ ਤੇ ਬਾਲ ਪੈਨ ਬਰਾਮਦ ਕਰ ਕੇ ਗੈਂਬਿਲੰਗ ਐਕਟ ਤਹਿਤ ਮਾਮਲਾ ਦਰਜ ਕਰ ਕੇ ਜ਼ਮਾਨਤ ‘ਤੇ ਰਿਹਾਅ ਕਰ ਦਿੱਤਾ ਹੈ।