ਜੇਐੱਨਐੱਨ, ਜਲੰਧਰ : ਬੀਤੇ ਮੰਗਲਵਾਰ ਥਾਣਾ ਜੰਡਿਆਲਾ ‘ਚ ਕੂੜਾ ਸੁੱਟਣ ‘ਤੇ ਹੋਏ ਵਿਵਾਦ ‘ਚ ਹੋਈ ਕੁੱਟਮਾਰ ਦੇ ਮਾਮਲੇ ਦੀ ਰਿਪੋਰਟ ਦਰਜ ਕੀਤੀ। ਕੁੱਟਮਾਰ ‘ਚ ਜ਼ਖ਼ਮੀ ਹੋਏ ਸਾਹਦੀਨ ਪੁੱਤਰ ਕਾਸਮਦੀਨ ਵਾਸੀ ਪਿੰਡ ਚੋਲਾਂਗ ਨੇ ਹਮਲਾਵਰਾਂ ਖ਼ਿਲਾਫ਼ ਦਰਜ ਕਰਵਾਇਆ ਹੈ। ਮਾਮਲੇ ਦੀ ਜਾਣਕਾਰੀ ਦਿੰਦਿਆਂ ਥਾਣਾ ਜੰਡਿਆਲਾ ‘ਚ ਤਾਇਨਾਤ ਤੇ ਮਾਮਲੇ ਦੀ ਤਫਤੀਸ਼ ਕਰਦਿਆਂ ਏਐੱਸਆਈ ਕਸ਼ਮੀਰ ਸਿੰਘ ਨੇ ਦੱਸਿਆ ਕਿ ਮਾਮਲਾ ਬੀਤੇ ਸ਼ਨਿਚਰਵਾਰ 6.30 ਦਾ ਹੈ ਜੋ ਕਿ ਇਕ ਸਾਂਝੀ ਜ਼ਮੀਨ ‘ਤੇ ਕੂੜਾ ਸੁੱਟਣ ਨੂੰ ਲੈ ਕੇ ਵਿਵਾਦ ਹੋਇਆ ਸੀ। ਪੀੜਤ ਬਕਰੀਆਂ ਤੇ ਭੇਡਾਂ ਦਾ ਕਾਰੋਬਾਰ ਕਰਦਾ ਹੈ, ਉਹ ਜਦੋਂ ਕੂੜਾ ਸੁੱਟਣ ਲਈ ਘਰ ਦੇ ਸਾਹਮਣੇ ਖਾਲੀ ਜਗ੍ਹਾ ‘ਤੇ ਗਿਆ ਤਾਂ ਸੋਨੀਆ ਪਤਨੀ ਮੁਹੰਮਦ ਸਦੀਕ ਗਾਲੀ ਗਲੋਚ ਕਰਨ ਲੱਗੀ। ਇਸ ਵਿਚਾਲੇ ਸੋਨੀਆ ਦਾ ਭਰਾ ਆਲਮਦੀਨ ਪੁੱਤਰ ਲਾਲਦੀਨ, ਫਰੀਦ ਪੁੱਤਰ ਕਾਸਮਦੀਨ ਨਾਲ ਦੋ ਅਣਪਛਾਤੇ ਵਿਅਕਤੀ ਆਏ ਤੇ ਸਾਹਦੀਨ ‘ਤੇ ਇੱਟ ਨਾਲ ਵਾਰ ਕਰ ਦਿੱਤਾ ਜੋ ਉਸ ਦੀ ਛਾਤੀ ‘ਤੇ ਜਾ ਲੱਗੀ। ਸਾਹਦੀਨ ਭੱਜ ਕੇ ਘਰ ਜਾ ਵੜਿਆ ਤਾਂ ਹਮਲਾਵਰ ਵੀ ਪਿੱਛੇ-ਪਿੱਛੇ ਉਨ੍ਹਾਂ ਦੇ ਘਰ ‘ਚ ਵੜ ਗਿਆ ਤੇ ਸਾਹਦੀਨ ਨੂੰ ਗੰਭੀਰ ਜ਼ਖ਼ਮੀ ਕਰ ਦਿੱਤਾ ਤੇ ਜਿਸ ਨੂੰ ਜੰਡਿਆਲਾ ਸਿਵਲ ਹਸਪਤਾਲ ‘ਚ ਦਾਖਲ ਕਰਵਾਇਆ। ਡਾਕਟਰਾਂ ਨੇ ਸਾਹਦੀਨ ਨੂੰ ਸਿਵਲ ਹਸਪਤਾਲ ਜਲੰਧਰ ਰੈਫਰ ਕਰ ਦਿੱਤਾ ਹੈ, ਜਿਥੇ ਉਸ ਦਾ ਇਲਾਜ ਚੱਲ ਰਿਹਾ ਹੈ। ਪੀੜਤ ਦੀ ਹਾਲਤ ਸਥਿਰ ਹੋਣ ‘ਤੇ ਪੁਲਿਸ ਨੇ ਬਿਆਨ ਦਰਜ ਕੀਤੇ।
