ਡੀਏਵੀ ਕਾਲਜ ਦੇ ਕੋਲ ਸਕੂਟੀ ਸਵਾਰ ਬਜ਼ੁਰਗ ਦੀ ਦਰਦਨਾਕ ਹਾਦਸੇ ‘ਚ ਮੌਤ, ਪੈਟਰੋਲ ਪੰਪ ਤੋਂ ਬਾਹਰ ਆਉਂਦੇ ਟਰੈਕਟਰ ਨੇ ਮਾਰੀ ਟੱਕਰ

ਜਲੰਧਰ : ਡੀਏਵੀ ਕਾਲਜ ਨੇੜੇ ਸਥਿਤ ਇੰਡੀਅਨ ਆਇਲ ਪੈਟਰੋਲ ਪੰਪ ਨੇੜੇ ਟਰੈਕਟਰ ਦੀ ਟੱਕਰ ਕਾਰਨ ਇਕ ਸਕੂਟੀ ਸਵਾਰ ਦੀ ਦਰਦਨਾਕ ਮੌਤ ਹੋ ਗਈ ਹੈ। ਉਸ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਉਹ ਸਕੂਟੀ ਵਿਚ ਤੇਲ ਭਰ ਕੇ ਪੈਟਰੋਲ ਪੰਪ ਤੋਂ ਬਾਹਰ ਨਿਕਲਿਆ ਹੀ ਸੀ ਕਿ ਟਰੈਕਟਰ ਨੇ ਟੱਕਰ ਮਾਰ ਦਿੱਤੀ। ਮ੍ਰਿਤਕ ਦੀ ਪਛਾਣ ਕਰਨਵੀਰ ਚੋਪੜਾ ਪੁੱਤਰ ਦੇਵੀ ਦਿਆਲ ਚੋਪੜਾ ਗ੍ਰੇਟਰ ਕੈਲਾਸ਼ ਵਜੋਂ ਹੋਈ ਹੈ। ਕਰਨਵੀਰ ਪੈਟਰੋਲ ਭਰ ਕੇ ਜਾ ਰਿਹਾ ਸੀ। ਟਰੈਕਟਰ ਦਾ ਪਿਛਲਾ ਟਾਇਰ ਸਕੂਟੀ ‘ਚ ਫਸ ਗਿਆ। ਇਸ ਨਾਲ ਹੀ ਲੋਕਾਂ ਨੇ ਭੱਜ ਕੇ ਟਰੈਕਟਰ ਚਾਲਕ ਨੂੰ ਫੜ ਕੇ ਪੁਲਿਸ ਹਵਾਲੇ ਕਰ ਦਿੱਤਾ। ਪੁਲਿਸ ਨੇ ਲਾਸ਼ ਨੂੰ ਕਬਜ਼ੇ ‘ਚ ਲੈ ਕੇ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ। ਇਹ ਹਾਦਸਾ ਸੜਕ ਦੇ ਨਿਰਮਾਣ ਕਾਰਨ ਵਾਪਰਿਆ। ਅੱਧੀ ਤੋਂ ਵੱਧ ਸੜਕ ਟੁੱਟ ਚੁੱਕੀ ਹੈ। ਦੱਸਣਯੋਗ ਹੈ ਕਿ ਇੱਥੇ ਪਹਿਲਾਂ ਵੀ ਕਈ ਹਾਦਸੇ ਵਾਪਰ ਚੁੱਕੇ ਹਨ। ਇਸ ਤੋਂ ਪਹਿਲਾਂ ਵੀ ਡੀਏਵੀ ਫਲਾਈਓਵਰ ਨੇੜੇ ਟਰੱਕ ਦੀ ਟੱਕਰ ਨਾਲ ਸਕੂਟੀ ਸਵਾਰ ਲੜਕੀ ਦੀ ਮੌਤ ਹੋ ਗਈ ਸੀ।