ਵੱਡੀ ਖ਼ਬਰ ; ਪੁਲਸ ਨੇ ਹਿਰਾਸਤ ‘ਚ ਲਿਆ ਸੁਖਬੀਰ ਬਾਦਲ ‘ਤੇ ਹਮਲਾ ਕਰਨ ਵਾਲਾ ਹਮਲਾਵਰ
ਚੰਡੀਗਡ਼੍ਹ : ਮਨੀਮਾਜਰਾ ਦੇ ਪਿੱਪਲੀਵਾਲਾ ਟਾਊਨ ਵਿਚ ਰਹਿੰਦੇ ਦਵਾਈਆਂ ਦੇ ਕਾਰੋਬਾਰੀ ਦੇ ਨਾਬਾਲਿਗ ਪੁੱਤਰ ਨੇ ਆਨਲਾਈਨ ਗੇਮ ਪਬਜੀ, ਫ੍ਰੀ ਫਾਇਰ ਤੇ ਕਾਰ ਰੇਸਿੰਗ ਵਿਚ ਗੇਮ ਆਈਡੀ ਖ਼ਰੀਦਣ ਦੇ ਚੱਕਰ ਵਿਚ 17 ਲੱਖ ਰੁਪਏ ਚੋਰੀ ਕੀਤੇ ਤੇ ਗੁਆ ਵੀ ਲਏ। ਮਾਮਲੇ ਵਿਚ ਮੁੰਡੇ ਦੀ ਭੂਆ ਦਾ ਪੁੱਤਰ ਸਮੇਤ ਦੋ ਨਾਬਾਲਿਗ ਦੋਸਤ ਸ਼ਾਮਲ ਸਨ। ਪੈਸੇ ਠੱਗਣ ਦੇ ਦੋਸ਼ ਵਿਚ ਕਾਬੂ ਅਨਸਰ ਦੀ ਪਛਾਣ ਸੂਰਜ ਉਰਫ ਵਿੰਟਰ ਵਾਸੀ ਬਹਿਲਾਨਾ ਵਜੋਂ ਹੋਈ ਹੈ। ਵਪਾਰੀ ਦੇ ਪੁੱਤਰ, ਭੈਣ ਦੇ ਪੁੱਤਰ ਤੇ ਹੋਰ ਦੋਸਤ ਨੂੁੰ ਬਾਲ ਸੁਧਾਰ ਘਰ ਭੇਜ ਦਿੱਤਾ ਗਿਆ। ਜਦਕਿ ਸੂਰਜ ਵਿੰਟਰ ਨੂੰ ਐਤਵਾਰ ਨੂੰ ਡਿਊਟੀ ਮੈਜਿਸਟ੍ਰੇਟ ਅੱਗੇ ਪੇਸ਼ ਕੀਤਾ ਜਾਣਾ ਹੈ।
ਨਾਬਾਲਿਗ ਮੁਲਜ਼ਮਾਂ ਨੇ ਚੋਰੀ ਕੀਤੇ ਪੈਸੇ ਨਾਲ ਆਈਫੋਨ ਆਦਿ ਖ਼ਰੀਦ ਕੇ ਹਵਾਈ ਸਫ਼ਰ ਕੀਤਾ ਸੀ। ਪੁਲਿਸ ਨੇ ਮੁਲਜ਼ਮਾਂ ਦੀ ਨਿਸ਼ਾਨਦੇਹੀ ’ਤੇ 10 ਲੱਖ, 22 ਹਜ਼ਾਰ 500 ਰੁਪਏ ਤੇ ਤਿੰਨ ਆਈਫੋਨ ਬਰਾਮਦ ਕੀਤੇ ਹਨ। 12ਵੀਂ ਪਾਸ ਮੁਲਜ਼ਮ ਸੂਰਜ ਵਿੰਟਰ ਡਾਟਾ ਐਂਟਰੀ ਆਪ੍ਰੇਟਰ ਹੈ ਤੇ ਆਨਲਾਈਨ ਗੇਮ ਖੇਡਣ ਲਈ ਉਕਸਾਉਂਦਾ ਸੀ। 12 ਜਨਵਰੀ ਨੂੰ ਵਪਾਰੀ ਹੁਕਮ ਚੰਦ ਦੀ ਸ਼ਿਕਾਇਤ ’ਤੇ ਮਨੀਮਾਜਰਾ ਥਾਣੇ ਦੀ ਪੁਲਿਸ ਨੇ ਕੇਸ ਦਰਜ ਕੀਤਾ ਸੀ।
ਸ਼ਿਕਾਇਤਕਰਤਾ ਨੇ ਦੱਸਿਆ ਕਿ ਘਰ ਦੇ ਬੈੱਡ ਵਿਚ 19 ਲੱਖ ਰੁਪਏ ਰੱਖੇ ਸਨ ਪਰ 17 ਲੱਖ ਚੋਰੀ ਹੋਏ ਸਨ। ਇਸ ਮਗਰੋਂ ਐੱਸਐੱਚਓ ਨੀਰਜ ਸਰਨਾ ਤੇ ਹੋਰ ਅਫ਼ਸਰਾਂ ਦੀ ਟੀਮ ਗਠਤ ਕੀਤੀ ਗਈ। ਜਾਂਚ ਮੁਤਾਬਕ ਵਪਾਰੀ ਦੇ ਪੁੱਤਰ ਨੇ ਪਬਜੀ, ਫ੍ਰੀ ਫਾਇਰ ਤੇ ਕਾਰ ਰੇਸਿੰਗ ਆਦਿ ਗੇਮਾਂ ਆਨਲਾਈਨ ਖੇਡਣ ਦੌਰਾਨ ਆਈਡੀ ਬਣਾਉਣ ਲਈ ਚੋਰੀ ਕੀਤੀ ਸੀ।
