ਪਬਲਿਕ ਪ੍ਰਰਾਪਰਟੀ ‘ਤੇ ਰਾਜਨੀਤਿਕ ਪੋਸਟਰ ਲਾਉਣ ‘ਤੇ ਅਣਪਛਾਤਿਆਂ ਖ਼ਿਲਾਫ਼ ਮਾਮਲਾ ਦਰਜ

ਰਾਜਪੁਰਾ : ਥਾਣਾ ਖੇੜੀ ਗੰਡਿਆ ਪੁਲਿਸ ਨੇ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਪਬਲਿਕ ਪ੍ਰਰਾਪਰਟੀ ‘ਤੇ ਰਾਜਨੀਤਿਕ ਪੋਸਟਰ ਲਾਉਣ ਦੇ ਚੱਲਦਿਆਂ ਮਾਮਲਾ ਦਰਜ ਕੀਤਾ ਹੈ। ਥਾਣਾ ਸਿਟੀ ਪੁਲਿਸ ਕੋਲ ਮਨਜੀਤ ਸਿੰਘ ਰਿਟਰਨਿੰਗ ਅਫਸਰ-ਕਮ-ਸਹਾਇਕ ਆਬਕਾਰੀ ਅਤੇ ਕਰ ਕਮਿਸ਼ਨਰ ਪਟਿਆਲਾ ਨੇ ਦੱਸਿਆ ਕਿ ਉਨਾਂ੍ਹ ਨੂੰ ਸ਼ਿਕਾਇਤ ਪ੍ਰਰਾਪਤ ਹੋਈ ਕਿ ਪਿੰਡ ਭੋਗਲਾ ਦੀ ਸ਼ਮਸ਼ਾਨਘਾਟ ਦੀ ਕੰਧ ‘ਤੇ ਹਲਕਾ ਘਨੌਰ ਦੇ ਵਿਧਾਇਕ ਮਦਨ ਲਾਲ ਜਲਾਲਪੁਰ ਦੇ ਪੋਸਟਰ ਲਾਏ ਹੋਏ ਹਨ। ਜਿਸ ‘ਤੇ ਜਦੋਂ ਐੱਫਐੱਸਟੀ ਟੀਮ ਨੂੰ ਮੌਕੇ ‘ਤੇ ਟੀਮ ਜਾਂਚ ਪੜਤਾਲ ਕਰਨ ਪਹੁੰਚੀ ਤਾਂ ਦੇਖਿਆ ਕਿ ਪੋਸਟਰ ‘ਤੇ ਮਦਨ ਲਾਲ ਜਲਾਲਪੁਰ ਦੀ ਫੋਟੋ ਲੱਗੀ ਹੈ। ਜਿਸ ‘ਤੇ ਇਹ ਪੋਸਟਰ ਮੇਜਰ ਪਿੰ੍ਟਰਜ਼ ਫੈਕਟਰੀ ਏਰੀਆ ਪਟਿਆਲਾ ਅਤੇ ਪਬਲਿਸ਼ਰ ਗੁਰਦੀਪ ਸਿੰਘ ਉਂਟਸਰ ਲਿਖਿਆ ਹੋਇਆ ਹੈ। ਜਿਸ ‘ਤੇ ਬੈਨਰ ਪਬਲਿਕ ਪ੍ਰਰਾਪਰਟੀ ‘ਤੇ ਲਾਉਣ ਸਬੰਧੀ ਮਦਨ ਲਾਲ ਤੇ ਗੁਰਦੀਪ ਸਿੰਘ ਨੂੰ ਸਪਸ਼ਟੀਕਰਨ ਸਬੰਧੀ ਨੋਟਿਸ ਭੇਜਿਆ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਸਾਡੇ ਵੱਲੋਂ ਕਿਸੇ ਵੀ ਪਬਲਿਕ ਪ੍ਰਰਾਪਰਟੀ ‘ਤੇ ਬੈਨਰ ਨਹੀਂ ਲਾਇਆ ਗਿਆ ਜਦ ਕਿ ਹਲਕੇ ‘ਚ ਸਿਰਫ ਪ੍ਰਰਾਈਵੇਟ ਪ੍ਰਰਾਪਰਟੀ ‘ਤੇ ਹੀ ਪੋਸਟਰ ਲਗਾਏ ਹਨ। ਜੇਕਰ ਇੱਥੇ ਕਿਸੇ ਵਲੋਂ ਪੋਸਟਰ ਲਗਾਏ ਹਨ ਤਾਂ ਕਿਸੇ ਦੀ ਸ਼ਰਾਰਤ ਲੱਗਦੀ ਹੈ। ਜਿਸ ‘ਤੇ ਥਾਣਾ ਖੇੜੀ ਗੰਡਿਆ ਪੁਲਿਸ ਨੇ ਉਕਤ ਮਾਮਲੇ ‘ਚ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।