ਵੱਡੀ ਖ਼ਬਰ ; ਪੁਲਸ ਨੇ ਹਿਰਾਸਤ ‘ਚ ਲਿਆ ਸੁਖਬੀਰ ਬਾਦਲ ‘ਤੇ ਹਮਲਾ ਕਰਨ ਵਾਲਾ ਹਮਲਾਵਰ
ਫਿਰੋਜ਼ਪੁਰ : ਜ਼ਿਲ੍ਹੇ ਦੇ ਕਸਬਾ ਮੱਲਾਂਵਾਲਾ ਵਿੱਖੇ ਲੁੱਟ ਦੀ ਇੱਕ ਵੱਡੀ ਵਾਰਦਾਤ ਉਸ ਵੇਲੇ ਨਾਕਾਮਯਾਬ ਹੋ ਗਈ ਜਦੋਂ ਇਕ ਹੁਸ਼ਿਆਰ ਦੁਕਾਨਦਾਰ ਵੱਲੋਂ ਪੌੜੀਆਂ ਨੂੰ ਜਿੰਦਰਾ ਮਾਰ ਕੇ ਫਾਈਨੈਂਸ ਕੰਪਨੀ ਲੁੱਟਣ ਦੇ ਇਰਾਦੇ ਨਾਲ ਚੁਬਾਰੇ ਚੜ੍ਹੇ ਹਥਿਆਰਬੰਦ ਲੁਟੇਰਿਆਂ ਨੂੰ ਭੱਜਣ ਲਈ ਮਜਬੂਰ ਕਰ ਦਿੱਤਾ। ਇੰਨਾ ਹੀ ਨਹੀਂ ਉਕਤ ਦੁਕਾਨਦਾਰ ਵੱਲੋਂ ਰੌਲਾ ਪਾਉਣ ‘ਤੇ ਇਕੱਠੇ ਹੋਏ ਆਸ-ਪਾਸ ਦੇ ਲੋਕਾਂ ਦੀ ਮਦਦ ਨਾਲ ਇੱਕ ਲੁਟੇਰੇ ਨੂੰ ਕਾਬੂ ਕਰ ਲਿਆ ਗਿਆ, ਜਦਕਿ ਉਸ ਦੇ ਤਿੰਨ ਸਾਥੀ ਫਰਾਰ ਹੋਣ ਵਿਚ ਕਾਮਯਾਬ ਹੋ ਗਏ।
ਇਸ ਸਬੰਧੀ ਵਧੇਰੇ ਜਾਣਕਾਰੀ ਦਿੰਦਿਆਂ ਮੱਲਾਂਵਾਲਾ ਫਿਰੋਜ਼ਪੁਰ ਰੋਡ ‘ਤੇ ਸਥਿੱਤ ਇਕ ਡਬਲ ਸਟੋਰੀ ਮਾਰਕੀਟ ਦੇ ਦੁਕਾਨਦਾਰ ਸੁਖਰਾਜ ਸਿੰਘ ਨੇ ਦੱਸਿਆ ਕਿ ਹਰ ਰੋਜ਼ ਦੀ ਤਰ੍ਹਾਂ ਵੀਰਵਾਰ ਸਵੇਰੇ ਉਹ ਆਪਣੀ ਪਾਈਪਾਂ ਵਾਲੀ ਦੁਕਾਨ ‘ਤੇ ਆਪਣੇ ਕੰਮ ‘ਚ ਲੱਗਿਆ ਹੋਇਆ ਸੀ । ਸਵੇਰੇ ਅਚਾਨਕ ਉਨ੍ਹਾਂ ਦੀ ਦੁਕਾਨ ਦੇ ਅੱਗੇ ਇਕ ਸਵਿਫਟ ਕਾਰ ਆ ਕੇ ਰੁਕੀ । ਸੁਖਰਾਜ ਨੇ ਦੱਸਿਆ ਕਿ ਉਸ ਵੇਲੇ ਉਸ ਦੀ ਹੈਰਾਨੀ ਦੀ ਹੱਦ ਨਾ ਰਹੀ ਜਦੋਂ ਕਾਰ ‘ਚ ਸਵਾਰ ਚਾਰੋਂ ਲੋਕ ਕਾਰ ‘ਚੋਂ ਉਤਰ ਕੇ ਪੌੜੀਆਂ ਰਾਹੀਂ ਉਨ੍ਹਾਂ ਦੀ ਦੁਕਾਨ ਦੇ ਉੱਪਰ ਬਣੇ ਦਫ਼ਤਰ ‘ਚ ਚਲੇ ਗਏ ਪਰ ਉਹ ਆਪਣੀ ਕਾਰ ਸਟਾਰਟ ਹੀ ਛੱਡ ਗਏ । ਸ਼ੱਕ ਪੈਣ ‘ਤੇ ਸੁਖਰਾਜ ਨੇ ਪੌੜੀਆਂ ਦਾ ਦਰਵਾਜ਼ਾ ਬੰਦ ਕਰ ਦਿੱਤਾ ਤੇ ਆਪਣੇ ਪਿਤਾ ਨੂੰ ਫੋਨ ਕਰਕੇ ਦੱਸ ਕਿ ਚੁਬਾਰੇ ‘ਚ ਸ਼ੱਕੀ ਬੰਦੇ ਗਏ ਹਨ। ਇਸ ਤੇ ਸੁਖਰਾਜ ਦੇ ਪਿਤਾ ਨੇ ਉਸ ਨੂੰ ਆਸ-ਪਾਸ ਦੇ ਦੁਕਾਨਦਾਰ ਇਕੱਠੇ ਕਰਨ ਲਈ ਆਖਿਆ। ਆਸ-ਪਾਸ ਦੇ ਦੁਕਾਨਦਾਰ ਤੇ ਹੋਰ ਲੋਕਾਂ ਦੇ ਇਕੱਠੇ ਹੋਣ ਮਗਰੋਂ ਜਦੋਂ ਉਨ੍ਹਾਂ ਚੋਰ-ਚੋਰ ਦਾ ਰੌਲਾ ਪਾਇਆ ਤਾਂ ਥੱਲੇ ਰੌਲਾ ਪੈਂਦਾ ਸੁਣ ਕੇ ਲੁਟੇਰਿਆਂ ਨੇ ਚੁਬਾਰੇ ਦੀ ਛੱਤ ਉਪਰੋਂ ਦੀ ਛਾਲਾਂ ਮਾਰ ਕੇ ਭੱਜਣ ਦੀ ਕੋਸ਼ਿਸ਼ ਕੀਤੀ ਤਾਂ ਇਕੱਠੇ ਹੋਏ ਲੋਕਾਂ ਨੇ ਇਕ ਲੁਟੇਰੇ ਨੂੰ ਪਿਸਟਲ ਸਮੇਤ ਕਾਬੂ ਕਰਕੇ ਪੁਲੀਸ ਹਵਾਲੇ ਕਰ ਦਿੱਤਾ। ਸੁਖਰਾਜ ਨੇ ਦੱਸਿਆ ਕਿ ਜਦੋਂ ਬਾਕੀ ਤਿੰਨ ਜਣੇ ਕਾਰ ‘ਚ ਸਵਾਰ ਹੋ ਕੇ ਭੱਜਣ ਲੱਗੇ ਤਾਂ ਉਸ ਨੇ ਕਾਰ ਦੀ ਬਾਰੀ ਖੋਲ੍ਹ ਕੇ ਇਕ ਲੁਟੇਰੇ ਨੂੰ ਬਾਹਰ ਖਿੱਚਣ ਦੀ ਕੋਸ਼ਿਸ਼ ਕੀਤੀ ਤਾਂ ਡਰਾਈਵਰ ਸਾਈਡ ‘ਤੇ ਬੈਠੇ ਇਕ ਲੁਟੇਰੇ ਨੇ ਪਿਸਤੌਲ ਨਾਲ ਉਸ ‘ਤੇ ਗੋਲੀ ਚਲਾ ਦਿੱਤੀ ਜੋ ਉਸ ਦੀ ਸੱਜੀ ਬਾਂਹ ਕੋਲੋਂ ਕੱਪੜਿਆਂ ਦੇ ਆਰ ਪਾਰ ਹੋ ਗਈ।
ਭਾਰਤ ਫਾਇਨਾਂਸ ਲਿਮਟਿਡ ਕੰਪਨੀ ਨੂੰ ਲੁੱਟਣ ਆਏ ਸਨ ਲੁਟੇਰੇ
ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਭਾਰਤ ਫਾਈਨਾਂਸ ਲਿਮਟਿਡ ਕੰਪਨੀ ਦੇ ਬਰਾਂਚ ਮੈਨੇਜਰ ਸੁਰੇਸ਼ ਸਿੰਘ ਨੇ ਦੱਸਿਆ ਕਿ ਵੀਰਵਾਰ ਸਵੇਰੇ 9 ਵਜੇ ਦੇ ਕਰੀਬ ਚਾਰ ਨਕਾਬਪੋਸ਼ ਵਿਅਕਤੀ ਉਨ੍ਹਾਂ ਦੇ ਦਫ਼ਤਰ ਆਏ ਤੇ ਦੋ ਲੁਟੇਰਿਆਂ ਨੇ ਉਸ ਦੇ ਸਿਰ ਦੇ ਦੋਵੇਂ ਪਾਸੇ ਪਿਸਤੌਲ ਰੱਖ ਕੇ ਕੈਸ਼ ਵਾਲੀ ਅਲਮਾਰੀ ਦੀਆਂ ਚਾਬੀਆਂ ਮੰਗੀਆਂ ਹੀ ਸੀ ਕਿ ਇੰਨੀ ਦੇਰ ਨੂੰ ਥੱਲੇ ਚੋਰ-ਚੋਰ ਦਾ ਰੌਲਾ ਪੈ ਗਿਆ । ਰੌਲਾ ਸੁਣ ਕੇ ਲੁਟੇਰੇ ਛੱਤਾਂ ਉੱਪਰ ਦੀ ਛਾਲਾਂ ਮਾਰ ਕੇ ਹਥਿਆਰਾਂ ਸਮੇਤ ਗੱਡੀ ਲੈ ਕੇ ਭੱਜ ਗਏ । ਘਟਨਾ ਦੀ ਜਾਣਕਾਰੀ ਮਿਲਦਿਆਂ ਫ਼ਿਰੋਜ਼ਪੁਰ ਦੇ ਜ਼ਿਲ੍ਹਾ ਪੁਲੀਸ ਮੁਖੀ ਡਾ. ਨਰਿੰਦਰ ਭਾਰਗਵ ਵੱਡੇ ਪੁਲੀਸ ਬਲ ਸਮੇਤ ਮੱਲਾਂਵਾਲਾ ਪਹੁੰਚ ਗਏ। ਪੁਲੀਸ ਵੱਲੋਂ ਇਲਾਕੇ ‘ਚ ਨਾਕਾਬੰਦੀ ਕਰਕੇ ਲੁਟੇਰਿਆਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਗਈ ਹੈ।
