ਪੰਜਾਬੀ ਆ ਗਏ ਓਏ…! ਪੰਜਾਬ ਅੱਗੇ ਲਖਨਊ ਨੇ ਵੀ ਟੇਕੇ ਗੋਡੇ, ਦਰਜ ਕੀਤੀ ਸੀਰੀਜ਼ ਦੀ 5ਵੀਂ ਜਿੱਤ
ਕਲਾਨੌਰ : BSF ਦੇ ਸੈਕਟਰ ਗੁਰਦਾਸਪੁਰ ਦੀ ਬੀਓਪੀ ਪਹਾੜੀਪੁਰ ਦੇ ਦੇ ਜਵਾਨਾਂ ਵੱਲੋਂ Pakistan ਵਾਲੇ ਪਾਸੇ ਤੋਂ ਉੱਡਦੇ ਆਏ ਇਕ ਗੁਬਾਰੇ ਜਿਸ ‘ਤੇ ਲਿਖਿਆ ਹੋਇਆ ਸੀ ‘ਮੋਦੀ ਸਾਡੇ ਨਾਲ ਜੰਗ ਕਰ’, ਨੂੰ ਬਰਾਮਦ ਕਰਨ ਵਿਚ ਸਫਲਤਾ ਹਾਸਲ ਕੀਤੀ ਹੈ। ਇਸ ਸਬੰਧੀ ਬੀਐਸਐਫ ਦੇ ਡੀਆਈਜੀ ਪ੍ਰਭਾਕਰ ਜੋਸ਼ੀ ਨੇ ਦੱਸਿਆ ਕਿ ਬੀਐਸਐਫ਼ ਸੈਕਟਰ ਗੁਰਦਾਸਪੁਰ ਅਧੀਨ ਆਉਂਦੀ ਓਪੀ ਨੰਬਰ 3 ਦੇ ਏਓਆਰ ਦੇ ਵਿਚਕਾਰ ਪਾਕਿ ਵਾਲੇ ਪਾਸੇ ਤੋਂ ਹਵਾ ਵਿੱਚ ਇੱਕ ਗੁਬਾਰੇ ਵਰਗੀ ਵਸਤੂ ਉੱਡਦੀ ਹੋਈ ਜਵਾਨਾਂ ਨੇ ਦੇਖੀ।
ਉਨ੍ਹਾਂ ਦੱਸਿਆ ਕਿ ਇਸ ਨੂੰ ਸਭ ਤੋਂ ਪਹਿਲਾਂ ਓਪੀ ਨੰਬਰ 3 ਬੀਓਪੀ ਪਹਾੜੀਪੁਰ ਦੇ ਐਚਸੀ ਰਾਮਲਾਲ ਅਤੇ ਸੀਟੀ ਦੀਪਕ ਕੁਮਾਰ ਨੇ ਦੇਖਿਆ। ਇਸ ਉਪਰੰਤ ਕੰਪਨੀ ਕਮਾਂਡਰ ਰਾਜੀਵ ਰੰਜਨ, ਏਸੀ ਏ ਅਤੇ ਸੀਟੀ ਵਿਜੇ ਕੁਮਾਰ ਪਾਂਡੇ ਵੀ ਮੌਕੇ ਤੇ ਪਹੁੰਚੇ । ਉਨ੍ਹਾਂ ਦੱਸਿਆ ਕਿ ਇਸ ਮੌਕੇ ਸੀਟੀ ਵਿਜੇ ਕੁਮਾਰ ਪਾਂਡੇ ਵੱਲੋਂ ਖੋਲ੍ਹਿਆ ਗਿਆ ਗੁਬਾਰਾ ਖਾਲੀ ਪਾਇਆ ਗਿਆ। ਇਸ ਤੇ ਉਰਦੂ ਵਿੱਚ ਹੇਠ ਲਿਖੀਆਂ ਲਾਈਨਾਂ ਲਿਖੀਆਂ ਗਈਆਂ ਸਨ ਜਿਸ ‘ਚ ਲਿਖਿਆ ਹੋਇਆ ਸੀ ਕਿ “ਮੋਦੀ ਮੋਦੀ___ਮਾਰਾ’ *ਮੋਦੀ ਸਾਡੇ ਨਾਲ ਜੰਗ ਕਰ” । ਡੀਆਈਜੀ ਪ੍ਰਭਾਕਰ ਜੋਸ਼ੀ ਨੇ ਦੱਸਿਆ ਕਿ ਬੀ ਐਸ ਐਫ ਜਵਾਨਾਂ ਵੱਲੋਂ ਗੁਬਾਰੇ ਨੂੰ ਆਪਣੇ ਕਬਜ਼ੇ ਵਿੱਚ ਲੈ ਲਿਆ ਹੈ ਅਤੇ ਇਲਾਕੇ ਦੀ ਛਾਣਬੀਣ ਕੀਤੀ ਜਾ ਰਹੀ ਹੈ ।
