CNG ਫਿਰ ਹੋਈ ਮਹਿੰਗੀ, ਅੱਜ ਵੀ ਵਧੀ 2.5 ਰੁਪਏ ਕੀਮਤ; ਜਾਣੋ ਆਪਣੇ ਸ਼ਹਿਰ ਦੀ ਕੀਮਤ

ਨਵੀਂ ਦਿੱਲੀ: CNG Price Hike: ਪਿਛਲੇ ਕੁਝ ਦਿਨਾਂ ਤੋਂ ਪੈਟਰੋਲ ਤੇ ਡੀਜ਼ਲ ਦੀਆਂ ਵਧਦੀਆਂ ਕੀਮਤਾਂ ਨੇ ਵੀਰਵਾਰ ਨੂੰ ਬ੍ਰੇਕ ਲਗਾ ਦਿੱਤੀ ਪਰ CNG ਦੀਆਂ ਕੀਮਤਾਂ ਵਧਣ ਤੋਂ ਨਹੀਂ ਰੁਕੀਆਂ। ਵੀਰਵਾਰ ਨੂੰ ਇੰਦਰਪ੍ਰਸਥ ਗੈਸ ਲਿਮਿਟੇਡ (IGL) ਨੇ CNG ਦੀ ਕੀਮਤ 2.5 ਰੁਪਏ ਵਧਾ ਦਿੱਤੀ ਹੈ। IGL ਨੇ ਹੁਣ ਦਿੱਲੀ ‘ਚ CNG ਦੀ ਕੀਮਤ 2.5 ਰੁਪਏ ਪ੍ਰਤੀ ਕਿਲੋਗ੍ਰਾਮ ਵਧਾ ਕੇ 69.11 ਰੁਪਏ ਪ੍ਰਤੀ ਕਿਲੋਗ੍ਰਾਮ ਕਰ ਦਿੱਤੀ ਹੈ। ਇਸ ਦੇ ਨਾਲ ਹੀ ਗਾਜ਼ੀਆਬਾਦ, ਨੋਇਡਾ ਤੇ ਗ੍ਰੇਟਰ ਨੋਇਡਾ ‘ਚ ਸੀਐਨਜੀ ਦੀ ਕੀਮਤ 71.67 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੋ ਗਈ ਹੈ। ਗੁਰੂਗ੍ਰਾਮ ‘ਚ ਇਸ ਦੀ ਕੀਮਤ 77.44 ਰੁਪਏ ਪ੍ਰਤੀ ਕਿਲੋ ਹੋ ਗਈ ਹੈ।

ਹੋਰ ਸ਼ਹਿਰਾਂ ‘ਚ ਸੀਐਨਜੀ ਦੀਆਂ ਕੀਮਤਾਂ?

ਮੁਜ਼ੱਫਰਨਗਰ, ਮੇਰਠ ਤੇ ਸ਼ਾਮਲੀ – 76.34 ਰੁਪਏ ਪ੍ਰਤੀ ਕਿਲੋਗ੍ਰਾਮ

ਰੇਵਾੜੀ – 79.57 ਰੁਪਏ ਪ੍ਰਤੀ ਕਿਲੋਗ੍ਰਾਮ

ਕਰਨਾਲ ਤੇ ਕੈਥਲ – 77.77 ਰੁਪਏ ਪ੍ਰਤੀ ਕਿਲੋਗ੍ਰਾਮ

ਕਾਨਪੁਰ, ਹਮੀਰਪੁਰ ਅਤੇ ਫਤਿਹਪੁਰ – 80.90 ਰੁਪਏ ਪ੍ਰਤੀ ਕਿਲੋਗ੍ਰਾਮ

ਅਜਮੇਰ, ਪਾਲੀ ਤੇ ਰਾਜਸਮੰਦ – 79.38 ਰੁਪਏ ਪ੍ਰਤੀ ਕਿਲੋਗ੍ਰਾਮ

ਜੇਕਰ ਧਿਆਨ ਦਿਓ ਤਾਂ ਇਨ੍ਹਾਂ ਸ਼ਹਿਰਾਂ ‘ਚ ਸਭ ਤੋਂ ਸਸਤੀ CNG ਦਿੱਲੀ ‘ਚ ਹੈ ਜਦਕਿ ਸਭ ਤੋਂ ਮਹਿੰਗੀ CNG ਕਾਨਪੁਰ, ਹਮੀਰਪੁਰ ਤੇ ਫਤਿਹਪੁਰ ‘ਚ ਹੈ। ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਬੁੱਧਵਾਰ ਨੂੰ ਵੀ ਸੀਐਨਜੀ ਦੀਆਂ ਕੀਮਤਾਂ ਵਿੱਚ 2.5 ਰੁਪਏ ਦਾ ਵਾਧਾ ਕੀਤਾ ਗਿਆ ਸੀ। ਇਸ ਮਹੀਨੇ ਦੇ ਸ਼ੁਰੂ ‘ਚ ਵੀ ਕੀਮਤਾਂ ‘ਚ ਵਾਧਾ ਕੀਤਾ ਗਿਆ ਸੀ। ਅਜਿਹੇ ‘ਚ ਮਾਰਚ ਮਹੀਨੇ ‘ਚ CNG ਦੀ ਕੀਮਤ ‘ਚ ਕੁੱਲ 9.1 ਰੁਪਏ ਦਾ ਵਾਧਾ ਹੋਇਆ ਹੈ।