ਵੱਡੀ ਖ਼ਬਰ ; ਪੁਲਸ ਨੇ ਹਿਰਾਸਤ ‘ਚ ਲਿਆ ਸੁਖਬੀਰ ਬਾਦਲ ‘ਤੇ ਹਮਲਾ ਕਰਨ ਵਾਲਾ ਹਮਲਾਵਰ
ਬਠਿੰਡਾ : ਸੀਆਈਏ ਸਟਾਫ ਬਠਿੰਡਾ ਦੇ ਏਐੱਸਆਈ ਵੱਲੋਂ ਜਬਰ ਜਨਾਹ ਦਾ ਸ਼ਿਕਾਰ ਬਣਾਈ ਪੀਡ਼ਤ ਔਰਤ ਤੇ ਉਸ ਦੇ ਗਵਾਹ ਨੂੰ ਖ਼ਤਰਨਾਕ ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਨੇ ਨਤੀਜੇ ਭੁਗਤਣ ਦੀ ਧਮਕੀ ਦਿੱਤੀ ਹੈ। ਜਬਰ-ਜਨਾਹ ਦੇ ਮਾਮਲੇ ਵਿਚ ਦੋਵਾਂ ਗਵਾਹਾਂ ਦੀ 25 ਅਪ੍ਰੈਲ ਨੂੰ ਅਦਾਲਤ ਵਿਚ ਗਵਾਹੀ ਹੋਣੀ ਹੈ। ਦੋਸ਼ ਹਨ ਕਿ ਬਿਸ਼ਨੋਈ ਨੇ ਪਹਿਲਾਂ ਵਟਸਐਪ ਮੈਸੇਜ ਭੇਜੇ ਤੇ ਫਿਰ ਵੀਡੀਓ ਕਾਲ ਕਰ ਕੇ ਗਵਾਹੀ ਨਾ ਦੇਣ ਲਈ ਆਖਿਆ ਹੈ।
ਜ਼ਿਕਰਯੋਗ ਹੈ ਕਿ ਜਬਰ ਜਨਾਹ ਦਾ ਸ਼ਿਕਾਰ ਬਣਾਈ ਗਈ ਔਰਤ ਦੇ ਪੁੱਤਰ ਖ਼ਿਲਾਫ਼ ਸੀਆਈਏ ਸਟਾਫ ਬਠਿੰਡਾ ਦੀ ਪੁਲਿਸ ਨੇ 6 ਮਈ 2021 ਨੂੰ ਨਸ਼ਾ ਤਸਕਰੀ ਦਾ ਮਾਮਲਾ ਦਰਜ ਕੀਤਾ ਸੀ। ਮੁੰਡੇ ਨੂੰ ਕੇਸ ਵਿੱਚੋਂ ਕਢਵਾਉਣ ਦੇ ਇਵਜ਼ ਵਿਚ ਸੀਆਈਏ ਸਟਾਫ਼ ਦੇ ਏਐੱਸਆਈ ਗੁਰਵਿੰਦਰ ਸਿੰਘ ਨੇ 11 ਮਈ 2021 ਦੀ ਰਾਤ ਨੂੰ ਜਬਰ ਜਨਾਹ ਕੀਤਾ ਸੀ। ਪੀਡ਼ਤ ਔਰਤ ਦੇ ਰਿਸ਼ਤੇਦਾਰ ਭੋਲਾ ਸਿੰਘ ਮਾਨ ਨੇ ਪਿੰਡ ਵਾਸੀਆਂ ਦੇ ਸਹਿਯੋਗ ਨਾਲ ਏਐੱਸਆਈ ਨੂੰ ਜਬਰ ਜਨਾਹ ਕਰਦਿਆਂ ਫਡ਼ ਲਿਆ ਸੀ। 12 ਮਈ ਨੂੰ ਥਾਣਾ ਨਥਾਣਾ ਦੀ ਪੁਲਿਸ ਨੇ ਏਐੱਸਆਈ ਗੁਰਵਿੰਦਰ ਸਿੰਘ ਖ਼ਿਲਾਫ਼ ਜਬਰ ਜਨਾਹ ਦੀਆਂ ਧਾਰਾਵਾਂ ਤਹਿਤ ਕੇਸ ਦਰਜ ਕਰ ਲਿਆ ਸੀ। ਹੁਣ ਇਹ ਮਾਮਲਾ ਅਦਾਲਤ ਵਿਚ ਹੈ। ਇਸ ਮਾਮਲੇ ਵਿਚ 25 ਅਪ੍ਰੈਲ ਨੂੰ ਪੀਡ਼ਤ ਔਰਤ ਤੇ ਗਵਾਹਾਂ ਨੇ ਬਿਆਨ ਦੇਣੇ ਹਨ। ਗਵਾਹ ਭੋਲਾ ਸਿੰਘ ਮਾਨ ਨੇ ਦੱਸਿਆ ਕਿ ਜਬਰ ਜਨਾਹ ਕਰਨ ਵਾਲੇ ਏਐੱਸਆਈ ਗੁਰਵਿੰਦਰ ਸਿੰਘ ਦੇ ਭਰਾ ਕੁਲਵਿੰਦਰ ਸਿੰਘ ਨੇ ਫਾਜ਼ਿਲਕਾ ਪੁਲਿਸ ਨੂੰ ਅਫੀਮ ਵੇਚਣ ਦੀ ਗ਼ਲਤ ਇਤਲਾਹ ਦੇ ਕੇ ਉਨ੍ਹਾਂ ਨੂੰ ਗ੍ਰਿਫਤਾਰ ਕਰਵਾ ਦਿੱਤਾ ਸੀ। ਹੁਣ ਪੁਲਿਸ ਲਗਾਤਾਰ ਰਾਜ਼ੀਨਾਮਾ ਕਰਨ ਲਈ ਦਬਾਅ ਪਾ ਰਹੀ ਹੈ।
ਉਨ੍ਹਾਂ ਅੱਗੇ ਦੱਸਿਆ ਕਿ ਵਿਦੇਸ਼ ਦੇ ਨੰਬਰਾਂ ਤੋਂ ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਦਾ ਨਾਂ ਲੈ ਕੇ ਵਟਸਐਪ ਮੈਸੇਜ ਕੀਤੇ ਗਏ ਹਨ। ਇਸ ਤੋਂ ਬਾਅਦ ਵਟਸਐਪ ਕਾਲ ’ਤੇ ਧਮਕੀ ਦਿੱਤੀ ਗਈ। ਪੀਡ਼ਤ ਔਰਤ ਨੂੰ ਵੀਡੀਓ ਕਾਲ ਕਰ ਕੇ ਇਕ ਜਣੇ ਨੇ ਕਿਹਾ ਕਿ ਉਹ ਦੇਖ ਲਵੇ ਕਿ ‘ਅਸਲੀ’ ਲਾਰੈਂਸ ਬਿਸ਼ਨੋਈ ਗੱਲ ਕਰ ਰਿਹਾ ਹੈ। ਜੇ ਰਾਜ਼ੀਨਾਮਾ ਨਾ ਕੀਤਾ ਤਾਂ ਪਰਿਵਾਰ ਸਮੇਤ ਮਾਡ਼ੇ ਨਤੀਜੇ ਭੁਗਤਣੇ ਪੈਣਗੇ। ਇਸ ਮਾਮਲੇ ਸਬੰਧੀ ਪੁਲਿਸ ਅਧਿਕਾਰੀਆਂ ਦੇ ਧਿਆਨ ਵਿਚ ਲਿਆਂਦਾ ਗਿਆ ਹੈ।
