ਪਤਨੀ ਦੇ ਰਵੱਈਏ ਤੋਂ ਦੁਖੀ ਹੋ ਜ਼ਹਿਰ ਨਿਗਲ ਕੇ ਤੋੜਿਆ ਦਮ , ਪਤਨੀ ਤੇ ਉਸ ਦਾ ਦੋਸਤ ਨਾਮਜ਼ਦ

ਅੰਮਿ੍ਤਸਰ : ਥਾਣਾ ਕੰਬੋਅ ਅਧੀਨ ਪੈਂਦੇ ਪਿੰਡ ਉਠੀਆ ਦੇ ਵਸਨੀਕ ਨੇ ਪਤਨੀ ਦੇ ਰਵੱਈਏ ਤੋਂ ਦੁਖੀ ਹੋ ਕੇ ਜ਼ਹਿਰੀਲੀ ਵਸਤੂ ਖਾ ਕੇ ਖ਼ੁਦਕੁਸ਼ੀ ਕਰ ਲਈ। ਥਾਣਾ ਕੰਬੋਅ ‘ਚ ਦਰਜ ਕਰਵਾਏ ਬਿਆਨਾਂ ‘ਚ ਲਖਬੀਰ ਸਿੰਘ ਨੇ ਦੱਸਿਆ ਕਿ ਉਨਾਂ੍ਹ ਦੇ ਪੁੱਤਰ ਗੁਰਪ੍ਰਰੀਤ ਸਿੰਘ (24 ਸਾਲ) ਦਾ ਵਿਆਹ 4 ਸਾਲ ਪਹਿਲਾਂ ਨਿਜ਼ਾਮਪੁਰਾ ਵਾਸੀ ਕੁੜੀ ਨਾਲ ਹੋਇਆ ਸੀ, ਇਨ੍ਹਾਂ ਦੇ ਘਰ ਇਕ ਪੁੱਤਰ ਹੋਇਆ ਸੀ।

ਉਨ੍ਹਾਂ ਦੱਸਿਆ ਕਿ ਨੂੰਹ ਦੇ ਰਿੰਕੂ ਨਿਜ਼ਾਮਪੁਰਾ ਨਾਲ ਸਬੰਧ ਬਣ ਗਏ ਸਨ। ਇਸ ਕਾਰਨ ਗੁਰਪ੍ਰਰੀਤ ਸਿੰਘ ਕਈ ਵਾਰ ਰੋਕ ਚੁੱਕਾ ਸੀ। ਸ਼ੁੱਕਰਵਾਰ ਨੂੰ ਸਵੇਰੇ ਉਨ੍ਹਾਂ ਦੀ ਨੂੰਹ ਘਰੋਂ ਚਲੀ ਗਈ। ਜਦੋਂ ਉਨ੍ਹਾਂ ਦੇ ਪੁੱਤਰ ਨੇ ਪੁੱਿਛਆ ਕਿ ਉਹ ਕਿੱਥੇ ਚੱਲੀ ਹੈ ਤਾਂ ਉਸ ਦਾ ਜਵਾਬ ਸੀ ਕਿ ਹੁਣ ਰਿੰਕੂ ਦੇ ਘਰ ਰਹਿਣਾ ਹੈ। ਇਸ ‘ਤੇ ਗੁਰਪ੍ਰਰੀਤ ਨੇ ਮਮਤਾ ਦੇ ਸਾਹਮਣੇ ਕੋਈ ਜ਼ਹਿਰੀਲੀ ਚੀਜ਼ ਖਾ ਲਈ ਤੇ ਕਮਰੇ ਵਿੱਚੋਂ ਉਲਟੀਆਂ ਕਰਦਾ ਬਾਹਰ ਆ ਗਿਆ। ਉਨ੍ਹਾਂ ਨੇ ਆਪਣੇ ਪੁੱਤਰ ਨੂੰ ਇਲਾਜ ਲਈ ਹਸਪਤਾਲ ਵਿਚ ਦਾਖ਼ਲ ਕਰਵਾਇਆ, ਜਿੱਥੇ ਇਲਾਜ ਦੌਰਾਨ ਉਸ ਨੇ ਦਮ ਤੋੜ ਦਿੱਤਾ। ਥਾਣਾ ਕੰਬੋਅ ਦੀ ਪੁਲਿਸ ਨੇ ਮਿ੍ਤਕ ਦੇ ਪਿਤਾ ਦੇ ਬਿਆਨਾਂ ‘ਤੇ ਮਮਤਾ ਤੇ ਰਿੰਕੂ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ।