ਵੱਡੀ ਖ਼ਬਰ ; ਪੁਲਸ ਨੇ ਹਿਰਾਸਤ ‘ਚ ਲਿਆ ਸੁਖਬੀਰ ਬਾਦਲ ‘ਤੇ ਹਮਲਾ ਕਰਨ ਵਾਲਾ ਹਮਲਾਵਰ
ਜਗਰਾਉਂ : ਮਹੀਨਾ ਕੁ ਪਹਿਲਾਂ ਸਿੱਧਵਾਂ ਬੇਟ ਵਿਖੇ ਇਕ ਇਲੈਕਟ੍ਰਾਨਿਕ ਦੀ ਦੁਕਾਨ ‘ਤੇ ਹੋਈ ਚੋਰੀ ਦੇ ਮਾਮਲੇ ‘ਚ ਮੁਕੱਦਮਾ ਦਰਜ ਕਰ ਕੇ ਮੁਜਰਮਾਂ ਨੂੰ ਗ੍ਰਿਫ਼ਤਾਰ ਕਰ ਕੇ ਜੇਲ੍ਹ ਛੱਡ ਕੇ ਆਉਣ ਬਦਲੇ ਆਏ ਖਰਚ ਲਈ ਤੇਲ-ਪਾਣੀ ਮੰਗਦੇ ਸਬ ਇੰਸਪੈਕਟਰ ਦੀ ਇਕ ਵੀਡੀਓ ਵਾਇਰਲ ਹੋਈ ਹੈ। ਇਹ ਵੀਡੀਓ ਪੀੜਤ ਦੁਕਾਨਦਾਰ ਨੇ ਸਬ-ਇੰਸਪੈਕਟਰ ਵੱਲੋਂ ਵਾਰ-ਵਾਰ ਦੁਕਾਨ ‘ਤੇ ਆ ਕੇ ਤੰਗ ਕਰਨ ਤੋਂ ਦੁਖੀ ਹੋ ਕੇ ਵਾਇਰਲ ਕੀਤੀ ਹੈ। ਇਸ ਪੂਰੇ ਮਾਮਲੇ ਸਬੰਧੀ ਸਿੱਧਵਾਂ ਬੇਟ ਦੇ ਕਿਸ਼ਨਪੁਰਾ ਚੌਕ ਸਥਿਤ ਸਰਦਾਰ ਗਿਫਟ ਸ਼ਾਪ ਦੇ ਮਾਲਕ ਸਾਜਨ ਕੁਮਾਰ ਨੇ ਦੱਸਿਆ ਕਿ ਮਹੀਨਾ ਕੁ ਪਹਿਲਾਂ ਉਨ੍ਹਾਂ ਦੀ ਦੁਕਾਨ ‘ਤੇ ਚੋਰ ਚੋਰੀ ਕਰਨ ਆਏ ਪਰ ਦੁਕਾਨ ਵਿੱਚ ਅਲਰਟ ਸਾਇਰਨ ਲੱਗੇ ਹੋਣ ਕਰਕੇ ਚੋਰ ਚੋਰੀ ਕਰਨ ‘ਚ ਅਸਫਲ ਰਹੇ। ਉਨ੍ਹਾਂ ਅਗਲੇ ਦਿਨ ਇਸ ਪੂਰੇ ਮਾਮਲੇ ਦੀ ਸਿੱਧਵਾਂ ਬੇਟ ਪੁਲਿਸ ਨੂੰ ਸ਼ਿਕਾਇਤ ਕੀਤੀ ਪਰ ਕੋਈ ਕਾਰਵਾਈ ਨਾ ਹੋਈ। ਇਸ ‘ਤੇ ਉਨ੍ਹਾਂ ਖੁਦ ਹੀ ਸੀਸੀਟੀਵੀ ਫੁਟੇਜ ਖੰਘਾਲਦਿਆਂ ਚੋਰੀ ਕਰਨ ਆਏ ਚੋਰਾਂ ਨੂੰ ਜਾ ਲੱਭਿਆ ਤੇ ਫੜ ਕੇ ਦੁਕਾਨ ‘ਤੇ ਲੈ ਆਏ। ਇਸ ਤੋਂ ਬਾਅਦ ਪੁਲਿਸ ਨੂੰ ਸੂਚਿਤ ਕੀਤਾ ਤਾਂ ਉਹ ਇਨ੍ਹਾਂ ਵਿਅਕਤੀਆਂ ਨੂੰ ਗ੍ਰਿਫਤਾਰ ਕਰ ਕੇ ਥਾਣੇ ਲੈ ਗਈ।
ਗ੍ਰਿਫਤਾਰ ਕਰਨ ਆਈ ਪੁਲਿਸ ਟੀਮ ‘ਚ ਸ਼ਾਮਲ ਸਬ ਇੰਸਪੈਕਟਰ ਸੁਖਵਿੰਦਰ ਸਿੰਘ ਨੇ ਉਸ ਸਮੇਂ ਉਨ੍ਹਾਂ ਦੀ ਦੁਕਾਨ ਤੋਂ ਗ੍ਰਿਫ਼ਤਾਰ ਕੀਤੇ ਮੁਜਰਮਾਂ ਦੇ ਮੋਬਾਈਲ, ਪਰਸ ਤੇ ਹੋਰ ਸਾਮਾਨ ਵੀ ਫੜ ਲਿਆ। ਉਸੇ ਦਿਨ ਤੋਂ ਸਬ ਇੰਸਪੈਕਟਰ ਸੁਖਵਿੰਦਰ ਸਿੰਘ ਕਈ ਵਾਰ ਉਨ੍ਹਾਂ ਦੀ ਦੁਕਾਨ ‘ਤੇ ਆ ਕੇ ਚੋਰਾਂ ਨੂੰ ਗ੍ਰਿਫਤਾਰ ਕਰ ਕੇ ਪਰਚਾ ਦੇਣ ਅਤੇ ਉਨ੍ਹਾਂ ਨੂੰ ਜੇਲ੍ਹ ਛੱਡ ਕੇ ਆਉਣ ਤੇ ਹੋਏ ਖਰਚੇ ਦਾ ਤੇਲ ਪਾਣੀ ਮੰਗ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਇਹ ਸਾਰਾ ਤਾਂ ਸਰਕਾਰੀ ਖ਼ਰਚ ਹੁੰਦਾ ਹੈ। ਉਨ੍ਹਾਂ ਨੇ ਤਾਂ ਬਲਕਿ ਚੋਰਾਂ ਨੂੰ ਫੜ ਕੇ ਪੁਲਿਸ ਹਵਾਲੇ ਕੀਤਾ। ਉਲਟਾ ਉਹ ਖਰਚਾ ਕਿੱਥੋਂ ਭਰਨ। ਦੂਜੇ ਪਾਸੇ 21 ਦਿਨਾਂ ਬਾਅਦ ਗ੍ਰਿਫ਼ਤਾਰ ਵਿਅਕਤੀਆਂ ਦੀ ਜ਼ਮਾਨਤ ਹੋ ਗਈ ਤੇ ਉਹ ਦੁਕਾਨ ‘ਤੇ ਆ ਕੇ ਆਪਣੇ ਮੋਬਾਈਲ ਤੇ ਪਰਸ ਮੰਗਣ ਲੱਗੇ। ਉਨ੍ਹਾਂ ਕਿਹਾ ਕਿ ਉਹ ਤਾਂ ਸਬ ਇੰਸਪੈਕਟਰ ਸੁਖਵਿੰਦਰ ਸਿੰਘ ਲੈ ਗਿਆ ਸੀ ਪਰ ਇਸ ‘ਤੇ ਵੀ ਸਬ-ਇੰਸਪੈਕਟਰ ਮੁੱਕਰ ਗਿਆ। ਉਨ੍ਹਾਂ ਜਦੋਂ ਵੀਡੀਓ ਦਿਖਾਈ ਤਾਂ ਸਬ-ਇੰਸਪੈਕਟਰ ਵੱਲੋਂ ਉਕਤ ਮਾਮਲੇ ‘ਚ ਵੀ ਝੂਠ ਬੋਲਣ ਦਾ ਖੁਲਾਸਾ ਹੋਇਆ। ਦੁਕਾਨਦਾਰ ਸਾਜਨ ਵੱਲੋਂ ਸਬ-ਇੰਸਪੈਕਟਰ ਵੱਲੋਂ ਤੇਲ-ਪਾਣੀ ਲਈ ਵੱਢੀ ਮੰਗਣ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਕਰ ਦਿੱਤੀ ਗਈ। ਇਸ ਸਬੰਧੀ ਜਦੋਂ ਸਬ ਇੰਸਪੈਕਟਰ ਸੁਖਵਿੰਦਰ ਸਿੰਘ ਨਾਲ ਸੰਪਰਕ ਕੀਤਾ ਤਾਂ ਉਨ੍ਹਾਂ ਮੰਨਿਆ ਕਿ ਉਨ੍ਹਾਂ ਨੇ ਤੇਲ-ਪਾਣੀ ਮੰਗਿਆ ਹੈ ਪਰ ਇਹ ਹਾਸੇ-ਮਜ਼ਾਕ ਵਿੱਚ ਮੰਗਿਆ ਸੀ, ਕਿਉਂਕਿ ਉਨ੍ਹਾਂ ਦਾ ਉਕਤ ਦੁਕਾਨਦਾਰ ਕੋਲ ਅਕਸਰ ਆਉਣਾ-ਜਾਣਾ ਰਹਿੰਦਾ ਸੀ। ਇਸੇ ਲਈ ਉਨ੍ਹਾਂ ਨੇ ਹਾਸੇ-ਹਾਸੇ ‘ਚ ਕਿਹਾ ਸੀ ਤੇ ਹਕੀਕਤ ‘ਚ ਉਨ੍ਹਾਂ ਦਾ ਇਸ ਮੁਕੱਦਮੇ ‘ਚ ਚਾਰ ਹਜ਼ਾਰ ਦੇ ਕਰੀਬ ਰੁਪਿਆ ਜੇਬ ‘ਚੋਂ ਖ਼ਰਚ ਵੀ ਹੋ ਚੁੱਕਾ ਹੈ।
