ਪੰਜਾਬੀ ਆ ਗਏ ਓਏ…! ਪੰਜਾਬ ਅੱਗੇ ਲਖਨਊ ਨੇ ਵੀ ਟੇਕੇ ਗੋਡੇ, ਦਰਜ ਕੀਤੀ ਸੀਰੀਜ਼ ਦੀ 5ਵੀਂ ਜਿੱਤ
ਫਿਰੋਜ਼ਪੁਰ : ਗੁਰੂਹਰਸਹਾਏ ਵਿੱਚ ਸਰਕਾਰੀ ਗੁਦਾਮਾਂ ਵਿੱਚੋਂ 2,55,24,415 ਰੁਪਏ ਦੀ ਕਣਕ ਮੰਡੀ ਦੇ ਬਾਹਰ ਵੇਚਣ ਦੇ ਵੱਡੇ ਘਪਲੇ ਦਾ ਪਰਦਾਫਾਸ਼ ਹੋਇਆ ਹੈ। ਸਿਰਫ਼ ਦੋ ਮਹੀਨਿਆਂ ਵਿੱਚ ਹੀ ਦੋ ਖੇਤੀਬਾੜੀ ਅਫ਼ਸਰਾਂ ਨੇ ਮਾਰਕਫੈੱਡ ਦੀ ਕਰੋੜਾਂ ਰੁਪਏ ਦੀ ਕਣਕ ਖੁਰਦ ਬੁਰਦ ਕਰ ਦਿੱਤੀ। ਮਾਰਕਫੈੱਡ ਦੇ ਡਿਵੀਜ਼ਨਲ ਮੈਨੇਜਰ ਬਲਦੀਪ ਸਿੰਘ ਨੇ ਦੱਸਿਆ ਕਿ ਫਿਜ਼ੀਕਲ ਵੈਰੀਫਿਕੇਸ਼ਨ ਕਰਨ ’ਤੇ ਗੁਦਾਮਾਂ ਵਿੱਚ ਬਣੇ ਚੱਕਿਆਂ ਵਿੱਚੋਂ ਕਣਕ ਦੀਆਂ ਬੋਰੀਆਂ ਗਾਇਬ ਸਨ। ਜਾਂਚ ਕਰਨ ‘ਤੇ ਪਤਾ ਲੱਗਾ ਕਿ 19267 ਬੋਰੀਆਂ ਘੱਟ ਹਨ। ਦੋਸ਼ੀ ਖੇਤੀਬਾੜੀ ਅਫਸਰ ਅਤੇ ਉਨ੍ਹਾਂ ਦੇ ਦੋ ਹੋਰ ਸਾਥੀਆਂ- ਅੰਕੁਸ਼ ਨਰੂਲਾ ਅਤੇ ਤੀਰਥ ਰਾਮ ਖਿਲਾਫ ਭ੍ਰਿਸ਼ਟਾਚਾਰ ਐਕਟ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ।
ਦੂਜੇ ਪਾਸੇ, ਮਾਰਕਫੈੱਡ ਦੀ ਸ਼ਿਕਾਇਤ ਤੋਂ ਬਾਅਦ ਵਿਭਾਗ ਵੱਲੋਂ ਦੋਵੇਂ ਖੇਤੀਬਾੜੀ ਅਫ਼ਸਰਾਂ ਲਵਪ੍ਰੀਤ ਸਿੰਘ ਅਤੇ ਸੁਰਿੰਦਰ ਕੁਮਾਰ ਨੂੰ ਮੁਅੱਤਲ ਕਰ ਦਿੱਤਾ ਗਿਆ ਹੈ। ਮਾਰਕਫੈੱਡ ਫਿਰੋਜ਼ਪੁਰ ਦੇ ਸਾਬਕਾ ਡੀਐੱਮ ਸਚਿਨ ਕੁਮਾਰ ਦੀ ਸ਼ਿਕਾਇਤ ’ਤੇ ਚਾਰਾਂ ਖ਼ਿਲਾਫ਼ ਥਾਣਾ ਗੁਰੂਹਰਸਹਾਏ ਵਿੱਚ ਕੇਸ ਦਰਜ ਕੀਤਾ ਗਿਆ ਹੈ। ਫਿਲਹਾਲ ਦੋਸ਼ੀ ਫਰਾਰ ਹਨ।
ਤਸਦੀਕ ਜਾਂਚ ਵਿੱਚ ਫੜੀ ਗਈ ਵੱਡੀ ਗੜਬੜੀ
ਸਚਿਨ ਕੁਮਾਰ ਨੇ ਦੱਸਿਆ ਕਿ 23 ਮਈ ਨੂੰ ਜਦੋਂ ਮਾਰਕਫੈੱਡ ਦੀ ਤਕਨੀਕੀ ਟੀਮ ਵੈਰੀਫਿਕੇਸ਼ਨ ਲਈ ਆਈ ਤਾਂ ਵੈਰੀਫਿਕੇਸ਼ਨ ਵਿੱਚ ਤਰੁੱਟੀ ਪਾਈ ਗਈ। ਨਿਯਮਾਂ ਅਨੁਸਾਰ ਤਿੰਨ ਮੈਂਬਰੀ ਜਾਂਚ ਕਮੇਟੀ ਬਣਾ ਕੇ ਤੁਰੰਤ ਪੁਲਿਸ ਨੂੰ ਸੂਚਿਤ ਕੀਤਾ ਗਿਆ। ਲਵਪ੍ਰੀਤ ਸਿੰਘ ਬਰਾਂਚ ਮੈਨੇਜਰ ਅਤੇ ਸੁਰਿੰਦਰ ਕੁਮਾਰ ਚੌਕੀ ਇੰਚਾਰਜ ਸਨ। ਦੋਵਾਂ ਦੇ ਗੁਦਾਮਾਂ ‘ਤੇ ਤਾਲੇ ਲੱਗੇ ਹੋਏ ਸਨ, ਜਿਸ ਕਾਰਨ ਮਾਲ ਦੀ ਸਾਰੀ ਜ਼ਿੰਮੇਵਾਰੀ ਉਨ੍ਹਾਂ ਦੀ ਸੀ।
ਗੁਦਾਮਾਂ ਵਿੱਚੋਂ 9634 ਕੁਇੰਟਲ ਕਣਕ ਗਾਇਬ ਮਿਲੀ
ਮਾਰਕਫੈੱਡ ਫਿਰੋਜ਼ਪੁਰ ਦੇ ਡੀ.ਐੱਮ ਬਲਦੀਪ ਸਿੰਘ ਨੇ ਦੱਸਿਆ ਕਿ ਪੁਲਿਸ ਕੋਲ ਸ਼ਿਕਾਇਤ ਤੋਂ ਬਾਅਦ ਜਾਂਚ ਡੀ.ਐੱਸ.ਪੀ. ਇਸ ਤੋਂ ਪਹਿਲਾਂ 31 ਮਾਰਚ ਨੂੰ ਜਦੋਂ ਗੁਦਾਮਾਂ ਦੀ ਫਿਜ਼ੀਕਲ ਵੈਰੀਫਿਕੇਸ਼ਨ ਕੀਤੀ ਗਈ ਤਾਂ ਸਭ ਕੁਝ ਠੀਕ ਸੀ, ਪਰ ਜਦੋਂ 23 ਮਈ ਨੂੰ ਪੜਤਾਲ ਕੀਤੀ ਗਈ ਤਾਂ ਰਿਕਾਰਡ ਰਜਿਸਟਰ ਅਨੁਸਾਰ ਮਾਲ ਗੁਦਾਮਾਂ ਵਿੱਚ ਨਹੀਂ ਸੀ। ਦੋ ਗੁਦਾਮਾਂ ਵਿੱਚੋਂ 9634 ਕੁਇੰਟਲ ਕਣਕ ਗਾਇਬ ਸੀ। ਜ਼ਾਹਿਰ ਹੈ ਕਿ ਮੁਲਜ਼ਮ ਸਰਕਾਰੀ ਕਣਕ ਨੂੰ ਬਾਹਰ ਮੰਡੀ ਵਿੱਚ ਵੇਚਦੇ ਸਨ। ਮਾਰਕਫੈੱਡ ਵੱਲੋਂ ਪੁਲਿਸ ਕੇਸ ਦੇ ਨਾਲ-ਨਾਲ ਵਿਭਾਗੀ ਕਾਰਵਾਈ ਵੀ ਕੀਤੀ ਜਾ ਰਹੀ ਹੈ।
