ਭੋਗਪੁਰ : ਪਿੰਡ ਬੜਚੂਹੀ ਵਿਖੇ ਸਵ. ਬਾਬਾ ਸੁਰਜੀਤ ਨਾਥ ਜੀ ਦੀ ਗੱਦੀ ‘ਤੇ ਗੱਦੀਨਸ਼ੀਨ ਬਾਬਾ ਹਰਵਿੰਦਰ ਨਾਥ ਵੱਲੋਂ ਸਾਲਾਨਾ ਸਿੱਧ ਬਾਬਾ ਬਾਲਕ ਨਾਥ ਜੀ ਦਾ ਭੰਡਾਰਾ ਕਰਵਾਇਆ ਗਿਆ ਤੇ ਬਾਅਦ ਦੁਪਹਿਰ ਸਵ. ਮਹਿੰਗਾ ਇੰਘ ਯਾਦਗਾਰੀ 21ਵਾਂ ਕੁਸ਼ਤੀ ਦੰਗਲ ਕਰਵਾਇਆ ਗਿਆ। ਇਸ ਵਿਚ ਪੰਜਾਬ ਦੇ ਵੱਖ-ਵੱਖ ਅਖਾੜਿਆਂ ਦੇ ਪਹਿਲਵਾਨਾਂ ਦੀਆਂ 80 ਕੁਸ਼ਤੀਆਂ ਕਰਵਾਈਆਂ ਗਈਆਂ, ਜਿਸ ਵਿਚ ਅਖਾੜਾ ਹੁਸ਼ਿਆਰਪੁਰ, ਅਖਾੜਾ ਕੋਹਾਲੀ ਅੰਮਿ੍ਤਸਰ, ਅਖਾੜਾ ਜੰਡੂ ਸਿੰਘਾ, ਅਖਾੜਾ ਡੁਮੇਲੀ, ਅਖਾੜਾ ਕਮਾਈ ਦੇਵੀ, ਅਖਾੜਾ ਭੋਗਪੁਰ ਤੇ ਅਖਾੜਾ ਕਰਾੜੀ ਦੇ ਪਹਿਲਵਾਨਾਂ ਨੇ ਕੁਸ਼ਤੀ ਦੇ ਜੌਹਰ ਵਿਖਾਏ। ਛੋਟੇ ਪਟਕੇ ਦੀ ਕੰਗਣ ਵਾਲੀ ਕੁਸ਼ਤੀ ਰੋਬਨ ਪਹਿਲਵਾਨ ਕੋਹਾਲੀ ਤੇ ਬਿੱਲੂ ਪਹਿਲਵਾਨ ਹੁਸ਼ਿਆਰਪੁਰ ਵਿਚਕਾਰ ਹੋਈ ਤੇ ਰੋਬਿਨ ਪਹਿਲਵਾਨ ਜੇਤੂ ਰਿਹਾ। ਵੱਡੇ ਪਟਕੇ ਦੀ ਗੁਰਜ ਵਾਲੀ ਕੁਸ਼ਤੀ ਗਨੀ ਪਹਿਲਵਾਨ ਤੇ ਬੱਗਾ ਕੁਹਾਲੀ ਵਿਚਕਾਰ ਹੋਈ ਤੇ ਗਨੀ ਪਹਿਲਵਾਨ ਹੁਸ਼ਿਆਰਪੁਰ ਜੇਤੂ ਰਿਹਾ। ਆਸ਼ੀਸ਼ ਪਹਿਲਵਾਨ ਕਮਾਈ ਦੇਵੀ ਨੇ ਧੀਰਾ ਜਲੰਧਰ ਨੂੰ ਚਿੱਤ ਕੀਤਾ, ਸੁਰਜੀਤ ਬੁੱਟਰ ਅਖਾੜਾ ਭੋਗਪੁਰ ਨੇ ਜਸਵੀਰ ਪਠਾਨਕੋਟ ਨੂੰ ਚਿੱਤ ਕੀਤਾ। ਹਰਮਨ ਲੜੋਈ ਅਖਾੜਾ ਭੋਗਪੁਰ ਤੇ ਸੰਨੀ ਕਾਲਾ ਸੰਿਘਆ ਦੀ ਕੁਸ਼ਤੀ ਬਰਾਬਰ ਰਹੀ। ਇਸ ਮੌਕੇ ਮੁੱਖ ਮਹਿਮਾਨ ਵਜੋਂ ਸੀਨੀਅਰ ਕਾਂਗਰਸੀ ਆਗੂ ਰਾਕੇਸ਼ ਮਹਿਤਾ, ਵਿੱਕੀ ਭੋਗਪੁਰ ਤੇ ਮੋਹਨ ਸਿੰਘ ਬੁੱਟਰ ਨੇ ਇਨਾਮਾਂ ਦੀ ਵੰਡ ਕੀਤੀ। ਮੈਚ ਰੈਫਰੀ ਦੀ ਭੂਮਿਕਾ ਭੋਗਪੁਰ ਸਕੂਲ ਦੇ ਲੈਕਚਰਾਰ ਸੋਮਪਾਲ ਤੇ ਨਰਿੰਦਰ ਸਿੰਘ ਡੀਪੀ ਵੱਲੋਂ ਨਿਭਾਈ ਗਈ। ਇਸ ਮੌਕੇ ਅਮਰੀਕ ਸਿੰਘ ਮੀਕਾ, ਇੰਸਪੈਕਟਰ ਬਲਜਿੰਦਰ ਸਿੰਘ, ਜਗਦੀਸ਼ ਸਿੰਘ, ਸੰਤੋਖ ਸਿੰਘ ਦਾਤਾ, ਨਵਜੋਤ, ਮਿੰਟੂ ਹਿੰਮਤਪੁਰ, ਟਹਿਲ ਸਿੰਘ, ਗੋਲਡੀ ਜਰਮਨੀ, ਜੱਗਾ ਖੋਜਪੁਰ, ਬਾਬਾ ਗੁਰਪ੍ਰਰੀਤ, ਬਿੱਲਾ ਯੂਐੱਸਏ, ਸੋਨੀ ਯੂਐੱਸਏ ਨਿਰਮਲ ਸਿੰਘ, ਬਲਦੇਵ ਸਿੰਘ, ਉਸਤਾਦ ਰਜਿੰਦਰ ਸਿੰਘ, ਸੰਤੋਖ ਸਿੰਘ, ਬੰਟੀ, ਗੁਰਪ੍ਰਰੀਤ ਸਿੰਘ, ਸੋਨੂੰ ਆਦਿ ਮੌਜੂਦ ਸਨ।
