ਪਰਲਜ਼ ਹੌਸਪਿਟਲ ਨਰਸ ਹੱਤਿਆਕਾਂਡ : ਸਿਰਫਿਰੇ ਆਸ਼ਕ ਨੇ ਕੀਤੀ ਹੱਤਿਆ, ਸਹੇਲੀ ‘ਤੇ ਵੀ ਚਾਕੂ ਨਾਲ ਕੀਤੇ ਸੀ 28 ਵਾਰ, ਗ੍ਰਿਫ਼ਤਾਰ

ਜਲੰਧਰ : ਜਲੰਧਰ ਦੇ ਪਰਲ ਹਸਪਤਾਲ ‘ਚ ਕੰਮ ਕਰਦੀ ਨਰਸ ਦੀ ਹੱਤਿਆ ਦੇ ਮਾਮਲੇ ‘ਚ ਪੁਲਿਸ ਨੇ ਮੁਲਜ਼ਮ ਨੂੰ ਗ੍ਰਿਫਤਾਰ ਕੀਤਾ ਹੈ। ਜਾਣਕਾਰੀ ਮੁਤਾਬਕ ਇਕਪਾਸੜ ਪਿਆਰ ‘ਚ ਅਸਫਲ ਰਹਿਣ ਤੋਂ ਬਾਅਦ ਪਾਗਲ ਪ੍ਰੇਮੀ ਨੇ ਬੁੱਧਵਾਰ ਦੇਰ ਰਾਤ ਗ੍ਰੀਨ ਮਾਡਲ ਟਾਊਨ ਨੇੜੇ ਸਥਿਤ ਪਰਲ ਹਸਪਤਾਲ ਦੀ ਨਰਸ ਦੀ ਪਿੱਠ ‘ਤੇ ਤਿੰਨ ਚਾਕੂਆਂ ਨਾਲ ਵਾਰ ਕਰ ਕੇ ਹੱਤਿਆ ਕਰ ਦਿੱਤੀ ਸੀ। ਨਰਸ ਨੂੰ ਬਚਾਉਣ ਆਈ ਉਸ ਦੀ ਸਹੇਲੀ ‘ਤੇ ਵੀ ਚਾਕੂ ਨਾਲ 28 ਵਾਰ ਕੀਤੇ ਸੀ।

ਸਹੇਲੀ ਦੀ ਹਾਲਤ ਅਜੇ ਵੀ ਨਾਜ਼ੁਕ ਹੈ। ਇਹ ਘਟਨਾ ਬੁੱਧਵਾਰ ਰਾਤ ਦੋ ਵਜੇ ਪਰਲ ਹਸਪਤਾਲ ਦੀ ਛੱਤ ‘ਤੇ ਬਣੇ ਹੋਸਟਲ ‘ਚ ਵਾਪਰੀ। ਮ੍ਰਿਤਕਾ ਦੀ ਪਛਾਣ ਬਲਜਿੰਦਰ ਕੌਰ ਵਾਸੀ ਜੋਤੀ ਤੇ ਉਸ ਦੀ ਸਹੇਲੀ ਜਿਓਤੀ ਵਜੋਂ ਹੋਈ ਹੈ। ਉਧਰ, ਪੁਲਿਸ ਨੇ 24 ਘੰਟਿਆਂ ‘ਚ ਮਾਮਲੇ ਨੂੰ ਟਰੇਸ ਕਰਦੇ ਹੋਏ ਮੁਲਜ਼ਮ ਗੋਰੂ ਨੂੰ ਮੰਡੀ ਗੋਬਿੰਦਗੜ੍ਹ ਤੋਂ ਚੁੱਕ ਲਿਆ ਤੇ ਦੇਰ ਰਾਤ ਉਸ ਦੀ ਗ੍ਰਿਫ਼ਤਾਰੀ ਦਿਖਾ ਦਿੱਤੀ ਸੀ।