ਭੋਗਪੁਰ : ਦੋਆਬਾ ਕਿਸਾਨ ਵੈਲਫੇਅਰ ਕਮੇਟੀ (ਰਜਿ) ਪੰਜਾਬ ਦੇ ਸੂਬਾ ਪ੍ਰਧਾਨ ਹਰਸੁਲਿੰਦਰ ਸਿੰਘ ਢਿੱਲੋ ਦੀ ਅਗਵਾਈ ਹੇਠ ਬਲਾਕ ਭੋਗਪੁਰ ਦੇ 8 ਪਿੰਡਾਂ ਦੇ ਕਿਸਾਨਾਂ ਨਾਲ ਵਿਸ਼ਾਲ ਮੀਟਿੰਗ ਕੀਤੀ ਗਈ । ਮੀਟਿੰਗ ਦੋਰਾਨ ਬਲਾਕ ਭੋਗਪੁਰ ਦੇ ਵੱਖ-ਵੱਖ ਪਿੰਡਾਂ ਦਾਰਾਪੁਰ, ਮਾਣਕਰਾਏ, ਖੋਜਕੀਪੁਰ, ਕੋਟਲੀ, ਕੋਹਜਾ, ਨੰਗਲ ਸਲਾਲਾ, ਨੰਗਲ ਫੀਦਾ ਦੀਆਂ ਇਕਾਈਆਂ ਦਾ ਗਠਨ ਕਰਦਿਆਂ ਪ੍ਰਧਾਨ ਨਿਯੁਕਤ ਕੀਤੇ ਗਏ । ਜਾਣਕਾਰੀ ਦਿੰਦਿਆ ਪ੍ਰਧਾਨ ਹਰਸੁਲਿੰਦਰ ਸਿੰਘ ਢਿੱਲੋ ਨੇ ਕਿਹਾ ਕਿ ਜਸਵੀਰ ਸਿੰਘ ਨੂੰ ਪਿੰਡ ਦਾਰਾਪੁਰ, ਦੀਦਾਰ ਸਿੰਘ ਨੂੰ ਪਿੰਡ ਮਾਣਕਰਾਏ, ਮਹਿੰਦਰ ਸਿੰਘ ਨੂੰ ਪਿੰਡ ਖੋਜਕੀਪੁਰ, ਤਜਿੰਦਰ ਸਿੰਘ ਨੂੰ ਪਿੰਡ ਕੋਟਲੀ, ਇਕਬਾਲ ਸਿੰਘ ਨੂੰ ਪਿੰਡ ਕੋਹਜਾ, ਰਵਿੰਦਰ ਸਿੰਘ ਲਾਲੀ ਨੂੰ ਪਿੰਡ ਸਲਾਲਾ ਤੇ ਪਰਮਜੀਤ ਸਿੰਘ ਪੰਮਾ ਨੂੰ ਪਿੰਡ ਨੰਗਲ ਫੀਦਾ ਦਾ ਪ੍ਰਧਾਨ ਅਤੇ ਜਸਕਰਨ ਸਿੰਘ ਨੂੰ ਪਿੰਡ ਖੋਜਕੀਪੁਰ ਦਾ ਯੂਥ ਪ੍ਰਧਾਨ ਨਿਯੁਕਤ ਕੀਤਾ ਹੈ । ਇਸ ਮੌਕੇ ਸੰਬੋਧਨ ਕਰਦਿਆਂ ਹਰਸੁਲਿੰਦਰ ਸਿੰਘ ਢਿੱਲੋ ਨੇ ਸੂਬਾ ਸਰਕਾਰ ਨੂੰ ਚੇਤਾਵਨੀ ਦਿੰਦਿਆ ਕਿਹਾ ਕਿ ਸਹਿਕਾਰੀ ਖੰਡ ਮਿੱਲ ਭੋਗਪੁਰ ਦਾ ਪਲਾਂਟ ਜੇਕਰ ਤਹਿ ਸਮੇਂ ਤੇ ਨਾ ਚਲਾਇਆ ਗਿਆ ਤਾਂ ਸੰਯੁਕਤ ਕਿਸਾਨ ਮੋਰਚਾ (ਗੈਰ ਸਿਆਸੀ) ਦੀ ਅਗਵਾਈ ਹੇਠ ਗੰਨਾ ਕਾਸ਼ਤਕਾਰ ਕਿਸਾਨਾਂ ਨੂੰ ਦਿੱਲੀ ਦੀ ਤਰਜ ਤੇ ਇੱਕ ਵਾਰ ਫਿਰ ਤੋਂ ਅੰਦੋਲਨ ਕਰਨ ਲਈ ਮਜਬੂਰ ਹੋਣਾ ਪਵੇਗਾ, ਜਿਸ ਦੀ ਜਿੰਮੇਵਾਰ ਆਮ ਆਦਮੀ ਪਾਰਟੀ ਦੀ ਸਰਕਾਰ ਹੋਵੇਗੀ । ਉਹਨਾਂ ਕਿਹਾ ਕਿ ਮਿੱਲ ਨੂੰ ਚਲਾਉਣ ਲਈ ਹਰ ਸੰਭਵ ਕੋਸ਼ਿਸ਼ ਕੀਤੀ ਜਾਵੇਗੀ ਤੇ ਗੰਨਾ ਕਾਸ਼ਤਕਾਰਾਂ ਨੂੰ ਕੋਈ ਪਰੇਸ਼ਾਨੀ ਨਹੀ ਆਉਣ ਦਿੱਤੀ ਜਾਵੇਗੀ ।ਉਹਨਾਂ ਕਿਹਾ ਕਿ ਜਥੇਬੰਦੀ ਬਲਾਕ ਦੇ ਸਮੂਹ ਪਿੰਡਾਂ ਦੇ ਕਿਸਾਨਾਂ ਨਾਲ ਡੱਟ ਕੇ ਖੜੀ ਹੈ ਤੇ ਨਵੀਆਂ ਗਠਨ ਕੀਤੀਆਂ ਇਕਾਈਆਂ ਨੂੰ ਡੱਟ ਕੇ ਕੰਮ ਕਰਨ ਦੀ ਹੱਲਾਸ਼ੇਰੀ ਦਿੱਤੀ । ਇਸ ਮੌਕੇ ਦੋਆਬਾ ਕਿਸਾਨ ਵੈਲਫੇਅਰ ਕਮੇਟੀ ਦੇ ਆਗੂ ਗੁਰਬਖਸ਼ ਸਿੰਘ ਨੋਗਜਾ, ਦਿਲਬਾਗ ਸਿੰਘ ਤਲਵੰਡੀ ਭੀਲਾਂ, ਕੇਵਲ ਸਿੰਘ ਸੱਤੋਵਾਲੀ, ਹਰਦਿਆਲ ਸਿੰਘ ਬੁੱਟਰ, ਜਰਨੈਲ ਸਿੰਘ ਦਾਰਾਪੁਰ, ਗੁਰਦੀਪ ਸਿੰਘ ਸਿੱਧੂ, ਸੁਖਵਿੰਦਰ ਸਿੰਘ ਚਕਰਾਲਾ, ਦਲਜੀਤ ਸਿੰਘ ਧੋਗੜੀ, ਓਂਕਾਰ ਸਿੰਘ ਮੰਨਾ, ਗੁਰਪ੍ਰੀਤ ਸਿੰਘ ਸੰਗਵਾਲ, ਹੈਪੀ ਸੰਗਵਾਲ, ਬਿੱਟੂ ਗੜੀ ਬਖਸ਼ਾ, ਸੋਢੀ ਕਿਸ਼ਨਗੜ੍ਹ, ਸੰਤੋਖ ਸਿੰਘ, ਪਰਗਟ ਸਿੰਘ ਤੇ ਹੋਰ ਮੌਜੂਦ ਸਨ ।
