ਲੁਧਿਆਣਾ : ਕਸਟਮ ਵਿਭਾਗ ਨੇ 30 ਸਾਲਾ ਹਵਾਈ ਮੁਸਾਫ਼ਰ ਨੂੰ ਸੋਨੇ ਦੀ ਖੇਪ ਨਾਲ ਚੰਡੀਗੜ੍ਹ ਹਵਾਈ ਅੱਡੇ ’ਤੇ ਫੜ ਲਿਆ ਹੈ। ਦੁਬਈ ਤੋਂ ਚੰਡੀਗੜ੍ਹ ਪੁੱਜੀ ਇੰਡੀਗੋ ਦੀ ਫਲਾਈਟ ਵਿਚ ਇਹ ਮੁਸਾਫ਼ਰ ਸੋਨੇ ਦੀਆਂ 18 ਇੱਟਾਂ (ਭਾਰ 18 ਕਿੱਲੋ) ਲੈ ਕੇ ਆਇਆ ਸੀ। ਇਹ ਨੌਜਵਾਨ ਮੁਸਾਫ਼ਰ ਆਪਣੇ ਚੈੱਕਇਨ ਬੈਗ ਵਿਚ ਸੋਨਾ ਲੈ ਕੇ ਜਾ ਰਿਹਾ ਸੀ। ਸ਼ੱਕ ਦੇ ਆਧਾਰ ’ਤੇ ਉਸ ਦੇ ਬੈਗ ਦੀ ਸਕੈਨਿੰਗ ਕੀਤੀ ਗਈ ਤਾਂ ਉਹ ਫੜਿਆ ਗਿਆ। ਇਸ ਮੁਸਾਫ਼ਰ ਨੇ ਪਹਿਲੀ ਵਾਰ ਦੁਬਈ ਦਾ ਸਫ਼ਰ ਕੀਤਾ ਸੀ। ਸੋਨੇ ਦੀ ਕੀਮਤ 10 ਕਰੋੜ 28 ਲੱਖ 16 ਹਜ਼ਾਰ ਦੱਸੀ ਗਈ ਹੈ। ਇਹ ਸੋਨਾ ਕਿਸ ਨੇ ਭੇਜਿਆ ਤੇ ਕਿਸ ਨੇ ਖ਼ਰੀਦਣਾ ਸੀ, ਬਾਰੇ ਖ਼ੁਲਾਸੇ ਹੋਣੇ ਬਾਕੀ ਹਨ। ਵਿਭਾਗੀ ਟੀਮਾਂ ਨੇ ਪੁੱਛਗਿੱਛ ਸ਼ੁਰੂ ਕਰ ਦਿੱਤੀ ਹੈ।
