ਵੱਡੀ ਖਬਰ: ਸੋਸ਼ਲ ਮੀਡੀਆ ਇੰਫਲੁਐਂਸਰ ਮੈਡ ਸੰਧੂ ਦਾ ਗੋਲੀਆਂ ਮਾਰ ਕੇ ਕਤਲ
ਜਲੰਧਰ-ਫਿਰੋਜ਼ਪੁਰ ਰੇਲਵੇ ਮੰਡਲ ਨੇ ਬੀਤੇ ਚਾਲੂ ਮਾਲੀ ਸਾਲ ਦੌਰਾਨ ਬਿਨਾਂ ਟਿਕਟ ਸਫਰ ਕਰਦੇ ਮੁਸਾਫਰਾਂ ਤੋਂ 39.61 ਕਰੋੜ ਦੀ ਰਕਮ ਜੁਰਮਾਨੇ ਵਜੋਂ ਵਸੂਲੀ ਹੈ ਜੋ ਮਿਥੇ ਗਏ ਟੀਚੇ ਤੋਂ 74 ਫੀਸਦੀ ਵੱਧ ਹੈ ਜਦਕਿ ਮਾਰਚ ਮਹੀਨੇ ’ਚ 2.45 ਕਰੋੜ ਰੁਪਏ ਦੀ ਰਕਮ ਵਸੂਲੀ ਗਈ। ਜੋ ਰਿਕਾਰਡ ਤੋੜ ਵਸੂਲੀ ਹੈ। ਫਿਰੋਜ਼ਪਰ ਰੇਲਵੇ ਮੰਡਲ ਵੱਲੋਂ ਜਾਰੀ ਕੀਤੇ ਗਏ ਪ੍ਰੈੱਸ ਨੋਟ ’ਚ ਡੀਆਰਐੱਮ ਸੀਮਾ ਸ਼ਰਮਾ ਨੇ ਕਿਹਾ ਹੈ ਕਿ ਵੱਖ-ਵੱਖ ਰੇਲ ਗੱਡੀਆਂ ਦੀ ਟੀਟੀਆਈ ਸਟਾਫ ਵੱਲੋਂ ਕੀਤੀ ਗਈ ਚੈਕਿੰਗ ਦੌਰਾਨ ਜਿਹੜੀ 39.61 ਕਰੋੜ ਦੀ ਵਸੂਲੀ ਹੋਈ ਹੈ ਉਹ ਰੇਲਵੇ ਮੰਡਲ ਦੀ ਇਤਹਾਸਿਕ ਵਸੂਲੀ ਹੈ ਤੇ ਲੁਧਿਆਣਾ ਦੇ ਟੀਟੀਆਈ ਰਾਮ ਰੂਪ ਮੀਨਾ ਨੇ ਚਾਲੂ ਮਾਲੀ ਸਾਲ ਦੌਰਾਨ 01.64 ਕਰੋੜ ਦੀ ਵਸੂਲੀ ਕਰਕੇ ਰੇਲਵੇ ਦੀ ਆਮਦਨੀ ’ਚ ਵਾਧਾ ਕੀਤਾ ਹੈ ਤੇ ਇਹ ਰਕਮ 2.45 ਕਰੋੜ ਦੀ ਵਸੂਲੀ ਦਾ ਹਿੱਸਾ ਹੈ। ਮਾਰਚ ਮਹੀਨੇ ’ਚ 2.45 ਕਰੋੜ ਦੀ ਵਸੂਲੀ ਬਿਨਾਂ ਟਿਕਟ ਫੜੇ ਗਏ 25,275 ਮੁਸਾਫਰਾਂ ਤੋਂ ਹੋਈ ਹੈ। ਇਸ ਤੋਂ ਇਲਾਵਾ ਸਟੇਸ਼ਨਾਂ ’ਤੇ ਗੰਦਗੀ ਫੈਲਾਉਣ ਵਾਲਿਆਂ ਤੋਂ 67 ਹਜ਼ਾਰ ਰੁਪਏ ਜੁਰਮਾਨੇ ਵਜੋਂ ਵਸੂਲੇ ਗਏ।
