ਮਾਨਸਾ, – ਮਰਹੂਮ ਗਾਇਕ ਸਿੱਧੂ ਮੂਸੇਵਾਲਾ ਦਾ ਬਰਨਾ ਬੁਆਏ ਨਾਲ ਸਾਂਝਾ ਗੀਤ ਮੇਰਾ ਨਾਂਅ (ਮਾਈ ਨੇਮ) ਜਾਰੀ ਕਰ ਦਿੱਤਾ ਹੈ। ਦੱਸਣਯੋਗ ਹੈ ਕਿ ਵਿਸ਼ਵ ਪ੍ਰਸਿੱਧ ਨਾਇਜੇਰੀਅਨ ਰੈਪਰ ਸਿੰਗਰ ਤੇ ਗੀਤਕਾਰ ਬਰਨਾ ਬੁਆਏ ਨਾਲ ਮੂਸੇਵਾਲਾ ਦੀ ਮਿੱਤਰਤਾ ਰਹੀ ਹੈ। ਦੋਵਾਂ ਗਾਇਕਾਂ ਦੇ ਦੀਵਾਨਿਆਂ ਦੀ ਗਿਣਤੀ ਕਰੋੜਾਂ ‘ਚ ਹੈ। ਜ਼ਿਕਰਯੋਗ ਹੈ ਕਿ ਹੱਤਿਆ ਤੋਂ ਬਾਅਦ ਮਰਹੂਮ ਗਾਇਕ ਦਾ ਇਹ ਤੀਜਾ ਗੀਤ ਜਾਰੀ ਹੋਇਆ ਹੈ। ਇਸ ਤੋਂ ਪਹਿਲਾਂ ‘ਐੱਸ.ਵਾਈ.ਐੱਲ. ‘ਤੇ ‘ਵਾਰ’ ਜਾਰੀ ਹੋਏ ਸਨ। ਮੂਸੇਵਾਲਾ ਦੇ ਤਾਏ ਚਮਕੌਰ ਸਿੰਘ ਸਿੱਧੂ ਨੇ ‘ਅਜੀਤ’ ਵਲੋਂ ਸੰਪਰਕ ਕਰਨ ‘ਤੇ ਦੱਸਿਆ ਕਿ ਸ਼ੁੱਭਦੀਪ ਸਿੰਘ ਸਿੱਧੂ ਮੂਸੇਵਾਲਾ 3 ਦਰਜਨ ਤੋਂ ਵਧੇਰੇ ਗੀਤ ਰਿਕਾਰਡ ਹੋਏ ਪਏ ਹਨ, ਜੋ ਸਮੇਂ ਸਮੇਂ ‘ਤੇ ਜਾਰੀ ਕੀਤੇ ਜਾਣਗੇ।
