ਕਰੋੜਪਤੀ ਬਣਿਆ ਫਾਜ਼ਿਲਕਾ ਦਾ ਕਿਸਾਨ, ਢਾਈ ਕਰੋੜ ਰੁਪਏ ਦੀ ਲੱਗੀ ਲਾਟਰੀ

ਬੱਚਿਆਂ ਦੀ ਪੜ੍ਹਾਈ ’ਤੇ ਖ਼ਰਚ ਕਰਨਗੇ ਪੈਸਾ : ਭਾਲਾ ਰਾਮ

ਭਾਲਾ ਰਾਮ ਨੇ ਦੱਸਿਆ ਕਿ ਉਸ ਦੇ ਵੱਡੇ ਭਰਾ ਦੀ ਮੌਤ ਹੋ ਗਈ ਸੀ, ਜਿਸ ਕਾਰਨ ਉਹ ਲਾਟਰੀ ਚੈੱਕ ਨਹੀਂ ਕਰ ਸਕਿਆ ਸੀ। ਮੰਗਲਵਾਰ ਰਾਤ ਉਹ ਆਪਣੇ ਲੋਕਾਂ ’ਚ ਬੈਠੇ ਸਨ। ਇਸ ਦੌਰਾਨ ਗੱਲ ਚੱਲੀ ਕਿ ਫਾਜ਼ਿਲਕਾ ’ਚ ਰੂਪ ਚੰਦ ਲਾਟਰੀ ਵਾਲਿਆਂ ਦੀ ਦੁਕਾਨ ਤੋਂ 2.50 ਕਰੋੜ ਰੁਪਏ ਦਾ ਇਨਾਮ ਨਿਕਲਿਆ ਹੈ। ਇਸ ਤੋਂ ਬਾਅਦ ਉਸ ਨੇ ਆਪਣੀ ਲਾਟਰੀ ਦਾ ਨੰਬਰ ਚੈੱਕ ਕੀਤਾ ਤਾਂ ਉਹ ਟਿਕਟ ਉਸ ਦੀ ਹੀ ਸੀ। ਉਹ ਖੇਤੀ ਦਾ ਕੰਮ ਕਰਦਾ ਹੈ। ਉਸ ਦਾ ਇਕ ਪੁੱਤਰ ਤੇ ਇਕ ਧੀ ਹੈ। ਇਹ ਪੈਸਾ ਉਹ ਆਪਣੇ ਬੱਚਿਆਂ ਦੀ ਪੜ੍ਹਾਈ ’ਤੇ ਖ਼ਰਚ ਕਰੇਗਾ।

ਪਿਛਲੇ ਹਫ਼ਤੇ ਵੀ ਲਾਟਰੀ ’ਚ ਨਿਕਲਿਆ ਸੀ ਨੌਂ ਹਜ਼ਾਰ ਦਾ ਇਨਾਮ

ਭਾਲਾ ਰਾਮ ਨੇ ਦੱਸਿਆ ਕਿ ਸਾਲ 1990 ਤੋਂ ਲਾਟਰੀ ’ਚ ਆਪਣੀ ਕਿਸਮਤ ਅਜ਼ਮਾ ਰਿਹਾ ਹੈ। ਉਸ ਨੇ ਦੱਸਿਆ ਕਿ ਪਿਛਲੇ ਹਫ਼ਤੇ ਨੌਂ ਹਜ਼ਾਰ ਦਾ ਇਨਾਮ ਨਿਕਲਿਆ ਸੀ। ਇਸ ਤੋਂ ਪਹਿਲਾਂ ਉਸ ਨੂੰ ਦੋ ਹਜ਼ਾਰ ਤੇ 50 ਹਜ਼ਾਰ ਦੇ ਇਨਾਮ ਮਿਲ ਚੁੱਕੇ ਹਨ। ਇਸ ਲਈ ਉਸ ਨੇ ਲਾਟਰੀ ਖ਼ਰੀਦਣਾ ਛੱਡਿਆ ਨਹੀਂ।