ਵੱਡੀ ਖ਼ਬਰ ; ਪੁਲਸ ਨੇ ਹਿਰਾਸਤ ‘ਚ ਲਿਆ ਸੁਖਬੀਰ ਬਾਦਲ ‘ਤੇ ਹਮਲਾ ਕਰਨ ਵਾਲਾ ਹਮਲਾਵਰ
ਫਿਰੋਜ਼ਪੁਰ: ਕੇਂਦਰੀ ਪ੍ਰਦੂਸ਼ਣ ਕੰਟਰੋਲ ਬੋਰਡ (ਸੀਪੀਸੀਬੀ) ਦੀ ਰਿਪੋਰਟ ’ਚ ਫ਼ਿਰੋਜ਼ਪੁਰ ਜ਼ਿਲ੍ਹੇ ਦੇ ਜ਼ੀਰਾ ’ਚ ਸਥਿਤ ਸ਼ਰਾਬ ਫੈਕਟਰੀ ਕੋਲ 29 ਬੋਰਵੈੱਲ ਤੋਂ ਲਏ ਗਏ ਸੈਂਪਲ ਦੀ ਜਾਂਚ ’ਚ ਇੱਥੋਂ ਦਾ ਪਾਣੀ ਪੀਣ ਲਾਇਕ ਨਹੀਂ ਪਾਇਆ ਗਿਆ ਹੈ। ਬੋਰਡ ਵੱਲੋਂ ਨੈਸ਼ਨਲ ਗ੍ਰੀਨ ਟ੍ਰਿਬਿਊਨਲ (ਐੱਨਜੀਟੀ) ਨੂੰ ਸੌਂਪੀ ਗਈ ਰਿਪੋਰਟ ’ਚ ਕਿਹਾ ਗਿਆ ਹੈ ਕਿ ਪਾਣੀ ਦੇ ਸੈਂਪਲਾਂ ਦੀ ਜਾਂਚ ਦੌਰਾਨ ਪਾਣੀ ’ਚ ਟੀਡੀਐੱਸ, ਬੋਰੋਨ ਤੇ ਸਲਫੇਟ ਤੈਅ ਮਾਤਰਾ ਤੋਂ ਵੱਧ ਮਾਤਰਾ ’ਚ ਪਾਏ ਗਏ ਹਨ। ਉੱਥੇ ਫੈਕਟਰੀ ਦੇ ਅੰਦਰ ਸਥਿਤ ਦੋ ਬੋਰਵੈੱਲ ਤੋਂ ਲਏ ਗਏ ਪਾਣੀ ਦੇ ਸੈਂਪਲਾਂ ’ਚ ਆਰਸੈਨਿਕ, ਕ੍ਰੋਮੀਅਮ, ਆਇਰਨ, ਮੈਂਗਨੀਜ, ਨਿਕਲ ਤੇ ਲੈੱਡ ਆਦਿ ਭਾਰੀ ਧਾਤਾਂ ਮਿਲੀਆਂ ਹਨ।
ਜਾਂਚ ’ਚ ਇਹ ਵੀ ਪਾਇਆ ਗਿਆ ਕਿ ਸ਼ਰਾਬ ਫੈਕਟਰੀ ’ਚ 10 ਬੋਰਵੈੱਲ ਤੇ ਛੇ ਪੀਜੋਮੀਟਰ ਅਖੌਤੀ ਤੌਰ ’ਤੇ ਸੀਜੀਡਬਲਯੂਬੀ (ਕੇਂਦਰੀ ਭੂਜਲ ਬੋਰਡ) ਜਾਂ ਪੀਡਬਲਯੂਆਰਡੀਏ (ਪੰਜਾਬ ਜਲ ਰਿਸਰਚ ਤੇ ਵਿਕਾਸ ਅਥਾਰਟੀ) ਤੋਂ ਇਜਾਜ਼ਤ ਲਏ ਬਿਨਾਂ ਚਲਾਏ ਜਾ ਰਹੇ ਸਨ। ਇਨ੍ਹਾਂ ’ਚੋਂ ਦੋ ਬੋਰਵੈੱਲ ਨਿਰਦੇਸ਼ਾਂ ਦੀ ਉਲੰਘਣਾ ਕਰਦਿਆਂ ਕੁਝ ਮੀਟਰ ਦੀ ਦੂਰੀ ’ਤੇ ਬਣਾਏ ਗਏ ਸਨ। ਜ਼ਿਕਰਯੋਗ ਹੈ ਕਿ ਜਨਵਰੀ ’ਚ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਪਿੰਡ ਵਾਲਿਆਂ ਵੱਲੋਂ ਫੈਕਟਰੀ ਖ਼ਿਲਾਫ਼ ਅੰਦੋਲਨ ਤੋਂ ਬਾਅਦ ਸ਼ਰਾਬ ਫੈਕਟਰੀ ਨੂੰ ਤੁਰੰਤ ਬੰਦ ਕਰਨ ਦਾ ਆਦੇਸ਼ ਦਿੱਤਾ ਸੀ।
ਸ਼ਰਾਬ ਫੈਕਟਰੀ ’ਚ ਦੋ ਬੋਰਵੈੱਲ ਦਾ ਪਾਣੀ ਇੰਨਾ ਘਾਤਕ ਹੈ ਕਿ ਇਸਦਾ ਅਧਿਐਨ ਕਰਨਾ ਜ਼ਰੂਰੀ ਹੈ, ਤਾਂਕਿ ਇਸ ਨੂੰ ਪ੍ਰਦੂਸ਼ਿਤ ਖੇਤਰ ਐਲਾਨ ਕੀਤਾ ਜਾ ਸਕੇ। ਬੋਰਡ ਨੇ ਇਹ ਸ਼ੰਕਾ ਇਸ ਲਈ ਪ੍ਰਗਟਾਈ ਹੈ ਕਿ ਫੈਕਟਰੀ ਦੇ ਤਿੰਨ ਬੋਰਵੈੱਲ ਦਾ ਪਾਣੀ ਤੈਅ ਮਾਨਕਾਂ ’ਤੇ ਖਰਾ ਉਤਰਦਾ ਹੈ ਜਦਕਿ ਉਸੇ ਫੈਕਟਰੀ ਦੇ ਦੋ ਬੋਰਵੈੱਲ ’ਚ ਪਾਣੀ ਦੂਸ਼ਿਤ ਹੈ। ਅਜਿਹੇ ’ਚ ਰਿਵਰਸ ਬੋਰਿੰਗ ਦਾ ਮਾਮਲਾ ਹੈ, ਜਿਸਦੇ ਰਾਹੀਂ ਦੂਸ਼ਿਤ ਪਾਣੀ ਨੂੰ ਜ਼ਮੀਨ ’ਚ ਸੁੱਟੇ ਜਾਣ ਦੀ ਸ਼ੰਕਾ ਹੈ। ਸੀਪੀਸੀਬੀ ਨੇ ਪੰਜਾਬ ਪ੍ਰਦੂਸ਼ਣ ਕੰਟਬੋਲ ਬੋਰਡ ਨੂੰ ਕਿਸੇ ਪੇਸ਼ੇਵਰ ਏਜੰਸੀ ਤੋਂ ਇਸਦਾ ਮੁੱਲਾਂਕਣ ਕਰਵਾਉਣ ਲਈ ਕਿਹਾ ਹੈ। ਇਸਦੇ ਨਾਲ ਹੀ ਆਸਪਾਸ ਦੇ ਵਾਤਾਵਰਨ ਨੂੰ ਨੁਕਸਾਨ ਪਹੁੰਚਾਉਣ ਤੇ ਭੂਜਲ ਦੇ ਪ੍ਰਦੂਸ਼ਣ ਲਈ ਫੈਕਟਰੀ ਖ਼ਿਲਾਫ਼ ਕਾਨੂੰਨੀ ਕਾਰਵਾਈ ਸ਼ੁਰੂ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ।
ਮੁੱਲਾਂਕਣ ਕਰਵਾ ਕੇ ਤੈਅ ਕਰਾਂਗੇ ਜੁਰਮਾਨਾ : ਪੀਪੀਸੀਬੀ
ਪੰਜਾਬ ਪ੍ਰਦੂਸ਼ਣ ਕੰਟਰੋਲ ਬੋਰਡ ਦੇ ਚੇਅਰਮੈਨ ਪ੍ਰੋ. ਆਦਰਸ਼ਪਾਲ ਵਿਗ ਨੇ ਕਿਹਾ ਕਿ ਸੀਪੀਸੀਬੀ ਦੀ ਰਿਪੋਰਟ ’ਚ ਸ਼ਰਾਬ ਫੈਕਟਰੀ ਦੇ ਨਜ਼ਦੀਕ ਪਾਣੀ ਦੇ ਸੈਂਪਲ ਲੈ ਕੇ ਜਾਂਚ ਕੀਤੀ ਗਹੀ ਹੈ। ਪਾਣੀ ਪੀਣ ਲਾਇਕ ਨਹੀਂ ਪਾਇਆ ਗਿਆ। ਇਸ ’ਚ ਸੀਪੀਸੀਬੀ ਦੇ ਨਿਰਦੇਸ਼ ਮੁਤਾਬਕ ਪੇਸ਼ੇਵਰ ਏਜੰਸੀ ਤੋਂ ਮੁੱਲਾਂਕਣ ਕਰਵਾਇਆ ਜਾਵੇਗਾ। ਉਸ ਤੋਂ ਬਾਅਦ ਹੀ ਜੁਰਮਾਨਾ ਤੈਅ ਕੀਤਾ ਜਾਵੇਗਾ।
