ਵੱਡੀ ਖਬਰ: ਸੋਸ਼ਲ ਮੀਡੀਆ ਇੰਫਲੁਐਂਸਰ ਮੈਡ ਸੰਧੂ ਦਾ ਗੋਲੀਆਂ ਮਾਰ ਕੇ ਕਤਲ
ਜਲੰਧਰ : ਆਦਮਪੁਰ ਦੇ ਪਿੰਡ ਪਡਿਆਣਾ ‘ਚ ਐਤਵਾਰ ਸ਼ਾਮ ਬਰਗਰ ਖਾਣ ਗਏ ਨੌਜਵਾਨ ‘ਤੇ ਬਦਮਾਸ਼ਾਂ ਨੇ ਰੰਜਿਸ਼ ਕਾਰਨ ਗੋਲ਼ੀਆਂ ਚਲਾ ਦਿੱਤੀਆਂ। ਗੋਲ਼ੀਆਂ ਚੱਲਣ ਨਾਲ ਇਲਾਕੇ ‘ਚ ਦਹਿਸ਼ਤ ਫੈਲ ਗਈ। ਚਾਰ ਗੋਲ਼ੀਆਂ ਲੱਗਣ ਨਾਲ ਦਾਮੁੰਡਾ ਵਾਸੀ ਮਹਾਵੀਰ ਜ਼ਖ਼ਮੀ ਹੋ ਗਿਆ, ਜਿਸ ਨੂੰ ਇਲਾਜ ਲਈ ਆਦਮਪੁਰ ਪੁਲਿਸ ਨੇ ਜਲੰਧਰ ਦੇ ਸਿਵਲ ਹਸਪਤਾਲ ਪਹੁੰਚਾਇਆ। ਨਸ਼ੇ ਦੇ ਮਾਮਲੇ ‘ਚ ਮਹਾਵੀਰ ਜੇਲ੍ਹ ‘ਚ ਬੰਦ ਸੀ, ਜੋ ਦਸ ਦਿਨ ਪਹਿਲਾਂ ਹੀ ਬਾਹਰ ਆਇਆ ਸੀ।
ਅੰਮਿ੍ਤਾ ਨੇ ਦੱਸਿਆ ਕਿ ਉਸ ਦਾ ਭਰਾ ਬਰਗਰ ਖਾਣ ਲਈ ਆਪਣੇ ਪਿੰਡ ਦਾਮੁੰਡਾ ਪਡਿਆਣਾ ਗਿਆ ਹੋਇਆ ਸੀ। ਉਸ ਨੇ ਦੋਸ਼ ਲਾਉਂਦੇ ਹੋਏ ਕਿਹਾ ਕਿ ਜਦੋਂ ਉਸ ਦਾ ਭਰਾ ਬਰਗਰ ਦੀ ਰੇਹੜੀ ਕੋਲ ਖੜ੍ਹਾ ਸੀ ਤਾਂ ਰੰਜਿਸ਼ ਕਾਰਨ ਕੁਲਵੰਤ ਤੇ ਜੋਤ ਨੇ ਆਪਣੇ ਸਾਥੀਆਂ ਨਾਲ ਮਿਲ ਕੇ ਉਸ ਦੇ ਭਰਾ ‘ਤੇ ਹਮਲਾ ਕਰ ਦਿੱਤਾ ਤੇ ਗੋਲ਼ੀਆਂ ਚਲਾ ਦਿੱਤੀਆਂ। ਇਸ ਦੌਰਾਨ 6-7 ਗੋਲ਼ੀਆਂ ਚੱਲੀਆਂ। ਚਾਰ ਗੋਲ਼ੀਆਂ ਪੀੜਤ ਨੂੰ ਲੱਗੀਆਂ। ਇਨ੍ਹਾਂ ‘ਚ ਇਕ ਗੋਲ਼ੀ ਬਾਂਹ ‘ਚ, ਦੂਜੀ ਪੈਰ ‘ਚ ਤੇ ਦੋ ਗੋਲ਼ੀਆਂ ਉਸ ਦੇ ਿਢੱਡ ‘ਚ ਲੱਗੀਆਂ। ਡੀਐੱਸਪੀ ਸੁਖਨਾਜ ਸਿੰਘ ਨੇ ਦੱਸਿਆ ਕਿ ਪੁਲਿਸ ਨੇ ਮੁਲਜ਼ਮਾਂ ਦੀ ਤਲਾਸ਼ ‘ਚ ਟੀਮਾਂ ਦਾ ਗਠਨ ਕੀਤਾ ਹੈ। ਗੋਲ਼ੀਆਂ ਚੱਲਣ ਮਗਰੋਂ ਥਾਣਾ ਪੁਲਿਸ ਸਮੇਤ ਪੀਸੀਆਰ ਟੀਮਾਂ ਘਟਨਾ ਸਥਲ ਦੇ ਆਲੇ-ਦੁਆਲੇ ਦੇ ਸੀਸੀਟੀਵੀ ਕੈਮਰੇ ਖੰਗਾਲਣ ‘ਚ ਜੁਟ ਗਈ ਹੈ। ਮੁਲਜ਼ਮਾਂ ਖ਼ਿਲਾਫ਼ ਕੇਸ ਦਰਜ ਕਰਨ ਦੀ ਪ੍ਰਕਿਰਿਆ ਚੱਲ ਰਹੀ ਹੈ। ਜਲਦੀ ਮੁਲਜ਼ਮਾਂ ਨੂੰ ਗਿ੍ਫ਼ਤਾਰ ਕਰ ਲਿਆ ਜਾਵੇਗਾ।
ਜੇਲ੍ਹ ‘ਚ ਵੀ ਮੁਲਜ਼ਮਾਂ ਨੇ ਦਿੱਤੀ ਸੀ ਧਮਕੀ
ਸਿਵਲ ਹਸਪਤਾਲ ਪੁੱਜੇ ਜ਼ਖ਼ਮੀ ਮਹਾਵੀਰ ਨੇ ਦੱਸਿਾ ਕਿ ਉਹ ਦਸ ਦਿਨ ਪਹਿਲਾਂ ਹੀ ਜੇਲ੍ਹ ਤੋਂ ਬਾਹਰ ਆਇਆ ਸੀ। ਜੇਲ੍ਹ ‘ਚ ਉਸ ਨਾਲ ਫਗਵਾੜਾ ਵਾਸੀ ਜੋਤ ਤੇ ਕੁਲਵੰਤ ਬੰਦ ਸੀ, ਜਿਨ੍ਹਾਂ ਨਾਲ ਉਸ ਦੀ ਰੰਜਿਸ਼ ਚੱਲ ਰਹੀ ਸੀ। ਉਸ ਨੂੰ ਜੇਲ੍ਹ ‘ਚ ਵੀ ਧਮਕਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਤੇ ਜਦੋਂ ਉਸ ‘ਤੇ ਗੋਲ਼ੀਆਂ ਚੱਲੀਆਂ, ਉਸ ਤਮੇਂ ਜੋਤ ਤੇ ਕੁਲਵੰਤ ਵੀ ਮੌਜੂਦ ਸਨ।
