ਨੈਸ਼ਨਲ ਡੈਸਕ– ਰੀਲਸ ਬਣਾ ਕੇ ਸੋਸ਼ਲ ਮੀਡੀਆ ’ਤੇ ਮਸ਼ਹੂਰ ਹੋਣ ਦੀ ਲਾਲਸਾ ਲੋਕਾਂ ਨੂੰ ਜਾਨ ਖ਼ਤਰੇ ’ਚ ਪਾਉਣ ਲਈ ਪ੍ਰੇਰਿਤ ਕਰ ਰਹੀ ਹੈ। ਅਜਿਹੇ ਕਈ ਮਾਮਲੇ ਸਾਹਮਣੇ ਆਏ ਹਨ, ਜਿਨ੍ਹਾਂ ’ਚ ਲੋਕਾਂ ਨੇ ਆਪਣੀ ਤੇ ਦੂਜਿਆਂ ਦੀ ਜਾਨ ਨੂੰ ਖ਼ਤਰੇ ’ਚ ਪਾ ਕੇ ਰੀਲ ਬਣਾਈ ਹੈ। ਹੁਣ ਇਕ ਵੀਡੀਓ ਵਾਇਰਲ ਹੋ ਰਹੀ ਹੈ, ਜਿਸ ਨੂੰ ਦੇਖ ਕੇ ਕਿਹਾ ਜਾ ਸਕਦਾ ਹੈ ਕਿ ‘ਇਹ ਸਟੰਟ ਨਹੀਂ, ਸਗੋਂ ਮੌਤ ਦੀ ਦਾਵਤ ਹੈ’।
ਕਾਰ ਨਾਲ ਕੀਤਾ ਸਟੰਟ, ਵੀਡੀਓ ਵਾਇਰਲ
ਇੰਸਟਾਗ੍ਰਾਮ ’ਤੇ ਵਾਇਰਲ ਹੋ ਰਹੀ ਵੀਡੀਓ ’ਚ ਦੇਖਿਆ ਜਾ ਸਕਦਾ ਹੈ ਕਿ ਇਕ ਲਗਜ਼ਰੀ ਕਾਰ ’ਚ 2 ਲੋਕ ਸਵਾਰ ਹਨ ਤੇ 1 ਵਿਅਕਤੀ ਬਾਹਰ ਲਟਕ ਰਿਹਾ ਹੈ। ਵਿਅਕਤੀ ਨੂੰ ਟੇਪ ਨਾਲ ਬੰਨ੍ਹ ਕੇ ਲਟਕਾਇਆ ਗਿਆ ਹੈ। ਕਾਰ ਸੜਕ ’ਤੇ ਜਾ ਰਹੀ ਹੈ ਤੇ ਤਿੰਨੇ ਆਨੰਦ ਮਾਣ ਰਹੇ ਹਨ। ਅਜਿਹਾ ਲੱਗਦਾ ਹੈ ਕਿ ਤਿੰਨਾਂ ਨੇ ਜਿਸ ਤਰ੍ਹਾਂ ਦੀ ਵੀਡੀਓ ਬਣਾਉਣਾ ਚਾਹੁੰਦੇ ਸਨ, ਉਸ ਨੂੰ ਬਣਾਉਣ ’ਚ ਸਫ਼ਲ ਹੋ ਗਏ।
ਵੀਡੀਓ ਦੇਖ ਕੇ ਸਾਫ਼ ਪਤਾ ਲੱਗਦਾ ਹੈ ਕਿ ਇਨ੍ਹਾਂ ਲੋਕਾਂ ਨੇ ਅਜਿਹੇ ਸਟੰਟ ਸਿਰਫ਼ ਰੀਲਸ ਬਣਾਉਣ ਲਈ ਕੀਤੇ ਹਨ। ਹਾਲਾਂਕਿ ਸਟੰਟ ’ਚ ਵਰਤੀ ਗਈ ਕਾਰ ਦੀ ਨੰਬਰ ਪਲੇਟ ਦਿਖਾਈ ਨਹੀਂ ਦੇ ਰਹੀ ਹੈ ਤੇ ਨਾ ਹੀ ਵੀਡੀਓ ’ਤੇ ਕੁਮੈਂਟ ਸੈਕਸ਼ਨ ਆਨ ਕੀਤਾ ਗਿਆ ਹੈ।
ਵੀਡੀਓ ਦੇਖ ਕੇ ਸਾਫ਼ ਪਤਾ ਲੱਗਦਾ ਹੈ ਕਿ ਇਨ੍ਹਾਂ ਲੋਕਾਂ ਨੇ ਅਜਿਹੇ ਸਟੰਟ ਸਿਰਫ਼ ਰੀਲਸ ਬਣਾਉਣ ਲਈ ਕੀਤੇ ਹਨ। ਹਾਲਾਂਕਿ ਸਟੰਟ ’ਚ ਵਰਤੀ ਗਈ ਕਾਰ ਦੀ ਨੰਬਰ ਪਲੇਟ ਨੰਬਰ UP 222 1000 ਹੈ ਤੇ ਨਾ ਹੀ ਵੀਡੀਓ ’ਤੇ ਕੁਮੈਂਟ ਸੈਕਸ਼ਨ ਆਨ ਕੀਤਾ ਗਿਆ ਹੈ।
https://www.instagram.com/reel/C5qxJi1v6LD/?igsh=djBiNWVldjRucGFy
https://www.instagram.com/sumit_cool_dubey?igsh=MWY5ejE0aGZ0cW10NA==
ਇਸ ਵੀਡੀਓ ਨੂੰ 9 ਕਰੋੜ ਤੋਂ ਵੱਧ ਲੋਕ ਦੇਖ ਚੁੱਕੇ ਹਨ
ਇਸ ਵੀਡੀਓ ਨੂੰ ਸੁਮਿਤ ਦੂਬੇ ਨਾਂ ਦੇ ਵਿਅਕਤੀ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ’ਤੇ ਸ਼ੇਅਰ ਕੀਤਾ ਹੈ, ਜਿਸ ਨੇ ਖ਼ੁਦ ਨੂੰ ਪ੍ਰਯਾਗਰਾਜ ਦਾ ਰਹਿਣ ਵਾਲਾ ਦੱਸਿਆ ਹੈ। ਇਸ ਵੀਡੀਓ ਨੂੰ 96 ਮਿਲੀਅਨ (9 ਕਰੋੜ 60 ਲੱਖ) ਤੋਂ ਵੱਧ ਲੋਕ ਦੇਖ ਚੁੱਕੇ ਹਨ, ਜਦਕਿ 22 ਲੱਖ ਤੋਂ ਵੱਧ ਲੋਕਾਂ ਨੇ ਇਸ ਵੀਡੀਓ ਨੂੰ ਲਾਈਕ ਕੀਤਾ ਹੈ।
