ਜਲੰਧਰ – (ਪ੍ਰਿਤਪਾਲ ਸਿੰਘ ਲੱਕੀ) : ਪਿਛਲੀ ਦਿਨੀ ਮੁਹੱਲਾ ਮਸਤ ਨਗਰ, ਕਾਲਾ ਸੰਘੀਆ ਰੋਡ, ਬਸਤੀ ਸ਼ੇਖ,ਵਿੱਚ ਇੱਕ ਸਿੱਖ ਪਰਿਵਾਰ ਦੀ ਬੱਚੀ ਨਾਲ ਹੋਏ ਧੱਕੇ ਤੋਂ ਬਾਅਦ ਤੇ ਸਮਾਜ ਵਿਰੋਧੀ ਅਨਸਰਾਂ ਵੱਲੋਂ ਘਰ ਤੇ ਕੀਤੇ ਹਮਲੇ ਤੋਂ ਬਾਅਦ ਸਿੱਖ ਪਰਿਵਾਰ ਬੁਰੀ ਤਰਾ ਘਬਰਾਇਆ ਹੋਇਆ ਸੀ। ਜਿਸ ਤੇ ਅੱਜ ਸਿੱਖ ਤਾਲਮੇਲ ਕਮੇਟੀ ਦੇ ਵਫਦ ਨੇ ਉਹਨਾਂ ਦੇ ਘਰ ਸਾਰੇ ਹਾਲਾਤ ਦੇਖੇ। ਜਿੱਥੇ ਸਾਰੇ ਘਰ ਦੀ ਬੁਰੀ ਤਰਾਂ ਭੰਨ ਤੋੜ ਹੋਈ ਸੀ । ਉੱਥੇ ਆਂਡ ਗੁਆਂਡ ਲੋਕਾਂ ਵੱਲੋਂ ਸਾਰੀ ਘਟਨਾ ਬਾਰੇ ਦੱਸਿਆ ਗਿਆ ।ਜਿਸ ਤੇ ਵੱਖ ਵੱਖ ਸਿੰਘ ਸਭਾਵਾਂ,ਸਿੱਖ ਤਾਲਮੇਲ ਕਮੇਟੀ, ਸਤਿਕਾਰ ਕਮੇਟੀ ਦੇ ਸਿੰਘ ਭਾਰਗੋ ਕੈਂਪ ਪੁਲਿਸ ਥਾਣੇ ਵਿੱਚ ਪੀੜਿਤ ਪਰਿਵਾਰ ਨਾਲ ਪਹੁੰਚ ਕੇ ਸਾਰੀ ਅਸਲੀਅਤ ਪੁਲਿਸ ਅਫਸਰਾਂ ਨੂੰ ਦੱਸੀ ।ਜਿਸ ਤੇ ਲੰਬੀ ਜਦੋ ਜਹਿਦ ਤੋਂ ਬਾਅਦ ਥਾਣਾ ਮੁਖੀ ਨੇ ਸਾਰੇ ਦੋਸ਼ੀਆਂ ਉੱਤੇ ਐਫ ਆਈ ਆਰ ਨੰਬਰ 71 ਧਾਰਾ 115(2),333, 324,77,191(3),190 ਭਾਰਤੀ ਨਿਆ ਸਾਹਿਤ 2023 ਅਧੀਨ ਕੇਸ ਦਰਜ ਕਰ ਕਿ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ । ਇਸ ਮੌਕੇ ਥਾਣਾ ਮੁਖੀ ਵੱਲੋਂ ਕਮੇਟੀਆਂ ਨੂੰ ਵਿਸ਼ਵਾਸ ਦਵਾਇਆ ਗਿਆ। ਕਿ ਦੋਸ਼ੀਆਂ ਦੀ ਗਿਰਫਤਾਰੀ ਜਲਦੀ ਤੋਂ ਜਲਦ ਕਰਕੇ ਉਹਨਾਂ ਨੂੰ ਸਲਾਖਾਂ ਪਿੱਛੇ ਪਹੁੰਚਾ ਦਿੱਤਾ ਜਾਵੇਗਾ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਹਰਪਾਲ ਸਿੰਘ ਚੱਡਾ, ਤਜਿੰਦਰ ਸਿੰਘ ਪਰਦੇਸੀ, ਹਰਪ੍ਰੀਤ ਸਿੰਘ ਨੀਟੂ, ਗੁਰਮੀਤ ਸਿੰਘ ਬਿੱਟੂ, ਤਜਿੰਦਰ ਸਿੰਘ (ਸੰਤ ਨਗਰ )ਮੀਡੀਆ ਇੰਚਾਰਜ, ਪਰਮਿੰਦਰ ਸਿੰਘ ਦਸ਼ਮੇਸ਼ ਨਗਰ, ਗੁਰਵਿੰਦਰ ਸਿੰਘ ਸਿੱਧੂ, ਕਮਲਜੀਤ ਸਿੰਘ ਟੋਨੀ, ਗੁਰਦੀਪ ਸਿੰਘ ਕਾਲੀਆ ਕਲੋਨੀ, ਹਰਪ੍ਰੀਤ ਸਿੰਘ ਰੋਬੇਨ, ਹਰਪਾਲ ਸਿੰਘ ਪਾਲੀ ਚੱਡਾ, ਗੁਰਦੀਪ ਸਿੰਘ ਲੱਕੀ, ਸੰਨੀ ਸਿੰਘ ਉਬਰਾਏ, ਅਮਨਦੀਪ ਸਿੰਘ ਬੱਗਾ, ਵਿੱਕੀ ਸਿੰਘ ਖਾਲਸਾ, ਹਰਜੋਤ ਸਿੰਘ ਲੱਕੀ,ਪ੍ਰਿਤਪਾਲ ਸਿੰਘ, ਦਮਨ ਉਬਰਾਏ, ਗੁਰਜੀਤ ਸਿੰਘ ਤੱਖੜ, ਕਰਨਪ੍ਰੀਤ ਸਿੰਘ,ਅਰਵਿੰਦਰ ਸਿੰਘ ਬਬਲੂ ਅਤੇ ਹਰਪ੍ਰੀਤ ਸਿੰਘ ਆਦੀ ਹਾਜਰ ਸਨ।
