ਸ਼ਹੀਦਾਂ ਦੇ ਸਿਰਤਾਜ ਧੰਨ ਧੰਨ ਸ਼੍ਰੀ ਗੁਰੂ ਅਰਜਨ ਦੇਵ ਸਾਹਿਬ ਦੇ ਸ਼ਹੀਦੀ ਦਿਹਾੜੇ ਨੂੰ ਸਮਰਪਿਤ ਗੁਰਮਤਿ ਸਮਾਗਮ ਕਰਵਾਇਆ

ਖੰਨਾ : (ਬੀ.ਐੱਸ.ਰਮਾਣਾ) – ਗੁਰਦੁਆਰਾ ਨਾਨਕਸਰ ਸਾਹਿਬ ਨਿਊ ਮਾਡਲ ਟਾਊਨ ਅਮਲੋਹ ਰੋਡ ਖੰਨਾ ਦੀ ਪ੍ਰਬੰਧਕ ਕਮੇਟੀ ਅਤੇ ਨੌਜੁਆਨ ਸਭਾ ਵਲੋਂ ਪੰਜਵੇਂ ਪਾਤਸ਼ਾਹ ਸ਼ਹੀਦਾਂ ਦੇ ਸਿਰਤਾਜ ਧੰਨ ਧੰਨ ਸ਼੍ਰੀ ਗੁਰੂ ਅਰਜਨ ਦੇਵ ਸਾਹਿਬ ਦੇ ਸ਼ਹੀਦੀ ਦਿਹਾੜੇ ਨੂੰ ਸਮਰਪਿਤ ਗੁਰਮਤਿ ਸਮਾਗਮ ਕਰਵਾਇਆ ਗਿਆ ਜਿਸ ਵਿੱਚ ਹਜੂਰੀ ਰਾਗੀ ਭਾਈ ਜਸਵੰਤ ਸਿੰਘ ਜੀ ਅਤੇ ਹਰਿ ਜਸ ਕੀਰਤਨ ਸੇਵਾ ਸੋਸਾਇਟੀ ਬੀਬੀ ਹਰਵਿੰਦਰ ਕੌਰ ਜੀ ਦੇ ਜੱਥਿਆਂ ਵਲੋਂ ਗੁਰਬਾਣੀ ਦੇ ਰਸਭਿੰਨੇ ਕੀਰਤਨ ਦੁਆਰਾ ਸੰਗਤਾ ਨੂੰ ਨਿਹਾਲ ਕੀਤਾ
ਇਸ ਉਪਰੰਤ ਪੰਥ ਪ੍ਸਿੱਧ ਕੀਰਤਨੀਏ ਸੰਤ ਬਾਬਾ ਪਿਆਰਾ ਸਿੰਘ ਜੀ ਸਿਰਥਲੇ ਵਾਲਿਆਂ ਦੇ ਜਥੇ ਵਲੋਂ
*ਜਪਉ ਜਿਨ ਅਰਜਨ ਦੇਵ ਗੁਰੂ |*
*ਫਿਰਿ ਸੰਕਟ ਜੋਨਿ ਗਰਭ ਨਾ ਆਯਉ |*
*ਤੇਰਾ ਕੀਆ ਮੀਠਾ ਲਾਗੇ |ਹਰਿ ਨਾਮੁ ਪਦਾਰਥੁ ਨਾਨਕ ਮਾਗੈ|*
ਗੁਰਬਾਣੀ ਸ਼ਬਦ ਦੇ ਰਸਭਿੰਨੇ ਕੀਰਤਨ ਦੁਆਰਾ ਸੰਗਤਾ ਨੂੰ ਨਿਹਾਲ ਕੀਤਾ|
ਇਸ ਉਪਰੰਤ ਭਾਈ ਜਸਵੰਤ ਸਿੰਘ ਹਜੂਰੀ ਰਾਗੀ ਗੁਰਦੁਆਰਾ ਨਾਨਕਸਰ ਸਾਹਿਬ ਵਲੋਂ ਸਰਬੱਤ ਦੇ ਭਲੇ ਲਈ ਅਰਦਾਸ ਕੀਤੀ ਗਈ|
ਇਸ ਉਪਰੰਤ ਪ੍ਰਬੰਧਕ ਕਮੇਟੀ ਵਲੋਂ ਰਾਗੀ ਸਿੰਘਾ ਦੇ ਜੱਥਿਆਂ ਦਾ ਗੁਰੂ ਘਰ ਦੀ ਬਖਸਿਸ਼ ਸਿਰਪਾਉ ਦੇ ਕੇ ਸਨਮਾਨ ਕੀਤਾ ਗਿਆ| ਸਨਮਾਨ ਕਰਨ ਵੇਲੇ ਹਰਦੇਵ ਸਿੰਘ ਲੈਚੀ ਮੁੱਖ ਸੇਵਾਦਾਰ,ਗੁਰਦੀਪ ਸਿੰਘ ਦੀਪਾ ਰਮਾਣਾ ਸਾਬਕਾ ਕੌਸਲਰ,ਗੁਰਮੀਤ ਸਿੰਘ ਨਾਗਪਾਲ ਕੌਸਲਰ,ਗੁਰਮੀਤ ਸਿੰਘ ਖਜਾਨਚੀ, ਠੇਕੇਦਾਰ ਗੁਰਿੰਦਰ ਸਿੰਘ ਬੱਗਾ, ਅਜੈਬ ਸਿੰਘ ਸੁੱਖਾ, ਬੀ.ਐੱਸ.ਰਮਾਣਾ.(ਪੱਤਰਕਾਰ) ਨਿਰਮਲ ਸਿੰਘ ਨਿੰਮਾ ਸਮਾਜ ਸੇਵੀ,ਠੇਕੇਦਾਰ ਗੁਰਜੀਤ ਸਿੰਘ ਫੋਜੀ, ਠੇਕੇਦਾਰ ਜਗਦੇਵ ਸਿੰਘ ਗੱਬਰ ,ਦਿਲਬਾਗ ਸਿੰਘ, ਪਰਦੀਪ ਸਿੰਘ,ਭਾਗ ਰਾਮ , ਗੁਰਮੀਤ ਸਿੰਘ ਪੰਮਾ ਟਰਾਂਸਪੋਰਟਰ, ਹਰਜੀਤ ਸਿੰਘ ਕਾਲਾ ਟਰਾਂਸਪੋਰਟਰ, ਸੁਰਮੱਖ ਸਿੰਘ, ਤੇ ਸਮੂਹ ਇਲਾਕੇ ਦੀਆਂ ਹੋਰ ਸੰਗਤਾਂ ਹਾਜ਼ਰ ਸਨ|