ਜਲੰਧਰ: ਕੰਵਲਜੀਤ ਸਿੰਘ ਮੱਕੜ (ਇੰਡੀਆ ਜਾਗ੍ਰਿਤੀ) – ਛੱਤੀਸਗੜ੍ਹ ਐਕਸਪ੍ਰੈੱਸ ਦੀ ਦੂਜੀ ਏਸੀ ਬੋਗੀ ਤੋਂ ਏਅਰਫੋਰਸ ਦੇ ਜਵਾਨ ਦੀ AK-47 ਰਾਇਫਲ ਚੋਰੀ ਹੋ ਜਾਣ ਦੀ ਘਟਨਾ ਨੇ ਰੇਲ ਯਾਤਰਾ ਦੌਰਾਨ ਸੁਰੱਖਿਆ ਉੱਤੇ ਵੱਡੇ ਸਵਾਲ ਖੜੇ ਕਰ ਦਿੱਤੇ ਹਨ। ਇਹ ਘਟਨਾ ਅੰਬਾਲਾ ਅਤੇ ਰਾਜਪੁਰਾ ਸਟੇਸ਼ਨਾਂ ਦੇ ਵਿਚਕਾਰ ਹੋਈ। ਜਾਣਕਾਰੀ ਅਨੁਸਾਰ, ਚੋਰੀ ਦੌਰਾਨ ਤਿੰਨ ਸ਼ੱਕੀ ਵਿਅਕਤੀ ਕੋਚ ਵਿੱਚ ਘੁੱਸ ਆਏ, ਜਿਨ੍ਹਾਂ ਵਿੱਚੋਂ ਇੱਕ ਨੂੰ RPF ਨੇ ਦਬੋਚ ਲਿਆ ਹੈ, ਜਦਕਿ ਦੋ ਹੋਰ ਫਰਾਰ ਹੋਣ ਵਿੱਚ ਕਾਮਯਾਬ ਰਹੇ।
ਇਹ ਘਟਨਾ ਉਸ ਵੇਲੇ ਵਾਪਰੀ ਜਦੋਂ ਏਅਰਫੋਰਸ ਦਾ ਜਵਾਨ ਟ੍ਰੇਨ ਰਾਹੀਂ ਦੂਟੀ ਲਈ ਸਫ਼ਰ ਕਰ ਰਿਹਾ ਸੀ। ਉਸ ਕੋਲ ਸਰਕਾਰੀ ਹਥਿਆਰ — ਇੱਕ AK-47 ਰਾਇਫਲ — ਮੌਜੂਦ ਸੀ ਜੋ ਨਿਯਮ ਅਨੁਸਾਰ ਕੋਚ ਵਿੱਚ ਹੀ ਰਖੀ ਗਈ ਸੀ। ਰਾਤ ਦੌਰਾਨ ਜਦ ਜਵਾਨ ਸੋ ਰਿਹਾ ਸੀ, ਉਧਰ ਹੀ ਚੋਰਾਂ ਨੇ ਰਾਇਫਲ ਚੋਰੀ ਕਰ ਲਈ।
ਸੁਰੱਖਿਆ ਏਜੰਸੀਆਂ ‘ਚ ਮਚੀ ਹਲਚਲ
ਹਥਿਆਰ ਦੀ ਚੋਰੀ ਦੀ ਖ਼ਬਰ ਮਿਲਦੇ ਹੀ ਅੰਬਾਲਾ ਕੈਂਟ ‘ਚ ਹਲਚਲ ਮਚ ਗਈ। ਇੰਡੀਅਨ ਏਅਰਫੋਰਸ, RPF ਅਤੇ GRP ਨੇ ਸਾਂਝੀ ਤੌਰ ‘ਤੇ ਜਾਂਚ ਸ਼ੁਰੂ ਕਰ ਦਿੱਤੀ। RPF ਨੇ ਇੱਕ ਸ਼ੱਕੀ ਵਿਅਕਤੀ ਨੂੰ ਕਾਬੂ ਕੀਤਾ ਹੈ ਜਿਸਦੀ ਪਛਾਣ ਬਾਕੀ ਹੈ। ਪੁਲਿਸ ਕੋਲੋਂ ਪੁੱਛਗਿੱਛ ਦੌਰਾਨ ਉਸ ਨੇ ਕਈ ਅਹੰਮ ਜਾਣਕਾਰੀਆਂ ਦਿੱਤੀਆਂ ਹਨ ਅਤੇ ਉਮੀਦ ਹੈ ਕਿ ਜਲਦੀ ਹੀ ਹੋਰ ਦੋਸ਼ੀਆਂ ਦੀ ਗਿਰਫ਼ਤਾਰੀ ਹੋਵੇਗੀ।
ਟ੍ਰੇਨ ਯਾਤਰੀਆਂ ਦੀ ਸੁਰੱਖਿਆ ‘ਤੇ ਸਵਾਲ
ਇਸ ਘਟਨਾ ਨੇ ਇੱਕ ਵਾਰ ਫਿਰ ਸਵਾਲ ਖੜੇ ਕਰ ਦਿੱਤੇ ਹਨ ਕਿ ਕੀ ਏਸੀ ਕੋਚਾਂ ‘ਚ ਯਾਤਰੀਆਂ ਦੀ ਜ਼ਿੰਦਗੀ ਸੁਰੱਖਿਅਤ ਹੈ? ਜੇਕਰ ਚੋਰ ਬਿਨਾ ਕਿਸੇ ਰੁਕਾਵਟ ਦੇ ਕੋਚ ‘ਚ ਘੁੱਸ ਕੇ ਸਰਕਾਰੀ ਹਥਿਆਰ ਚੋਰੀ ਕਰ ਸਕਦੇ ਹਨ, ਤਾਂ ਆਮ ਯਾਤਰੀ ਕਿਸ ਹੱਦ ਤੱਕ ਸੁਰੱਖਿਅਤ ਹਨ?
ਜਾਂਚ ਜਾਰੀ, ਸੁਰੱਖਿਆ ਵਧਾਉਣ ਦੇ ਆਦੇਸ਼
GRP ਵੱਲੋਂ ਮਾਮਲਾ ਦਰਜ ਕਰ ਲਿਆ ਗਿਆ ਹੈ ਅਤੇ ਅੰਬਾਲਾ ਤੋਂ ਰਾਜਪੁਰਾ ਤੱਕ ਦੇ ਸਾਰੇ ਸਟੇਸ਼ਨਾਂ ‘ਤੇ CCTV ਫੁਟੇਜ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਉਮੀਦ ਹੈ ਕਿ ਚੋਰੀ ਹੋਈ AK-47 ਨੂੰ ਜਲਦੀ ਹੀ ਬਰਾਮਦ ਕਰ ਲਿਆ ਜਾਵੇਗਾ। ਰੇਲਵੇ ਪ੍ਰਸ਼ਾਸਨ ਨੇ ਇਸਤੋਂ ਬਾਅਦ ਹਾਈ ਅਲਰਟ ਜਾਰੀ ਕਰ ਦਿੱਤਾ ਹੈ ਅਤੇ ਟ੍ਰੇਨਾਂ ‘ਚ RPF ਦੀ ਤਾਇਨਾਤੀ ਹੋਰ ਵਧਾਈ ਜਾ ਰਹੀ ਹੈ।
