ਜਲੰਧਰ: ਕੰਵਲਜੀਤ ਸਿੰਘ ਮੱਕੜ (ਇੰਡੀਆ ਜਾਗ੍ਰਿਤੀ) – ਪੰਜਾਬ ਐਥਲੈਟਿਕਸ ਐਸੋਸੀਏਸ਼ਨ ਦੇ ਝੰਡੇ ਹੇਠ ਜਲੰਧਰ ਅਥਲੈਟਿਕ ਐਸੋਸੀਏਸ਼ਨ ਦੇ ਸਾਂਝੇ ਉਪਰਾਲੇ ਅਧੀਨ, 100ਵੀਂ ਪੰਜਾਬ ਰਾਜ ਸੀਨੀਅਰ ਐਥਲੈਟਿਕਸ ਚੈਂਪੀਅਨਸ਼ਿਪ 2025 ਦਾ ਆਯੋਜਨ 21 ਤੇ 22 ਜੂਨ 2025 ਨੂੰ ਸਰਕਾਰੀ ਆਰਟਸ ਐਂਡ ਸਪੋਰਟਸ ਕਾਲਜ, ਜਲੰਧਰ ਵਿਖੇ ਕੀਤਾ ਜਾ ਰਿਹਾ ਹੈ।
ਇਸ ਮੁਕਾਬਲੇ ਵਿੱਚ 18 ਸਾਲ ਤੋਂ ਵੱਧ ਉਮਰ ਦੇ ਲੜਕੇ ਅਤੇ ਲੜਕੀਆਂ ਹਿੱਸਾ ਲੈ ਸਕਣਗੇ। ਚੈਂਪੀਅਨਸ਼ਿਪ ਪੁਰਸ਼ ਅਤੇ ਮਹਿਲਾ ਦੋਹਾਂ ਵਰਗਾਂ ਵਿੱਚ ਹੋਏਗੀ।
ਚੈਂਪੀਅਨਸ਼ਿਪ ਦੀ ਐਂਟਰੀ ਸਿਰਫ਼ ਆਨਲਾਈਨ ਹੋਏਗੀ ਜੋ ਕਿ 4 ਜੂਨ ਤੋਂ 18 ਜੂਨ 2025 ਤੱਕ ਪੰਜਾਬ ਐਥਲੈਟਿਕਸ ਦੀ ਆਧਿਕਾਰਿਕ ਵੈਬਸਾਈਟ (punjab.daasport.com) ਰਾਹੀਂ ਕੀਤੀ ਜਾ ਸਕੇਗੀ। ਐਂਟਰੀ ਫੀਸ ₹500 + ਟੈਕਸ (ਕੁੱਲ ₹550) ਪ੍ਰਤੀ ਇਵੈਂਟ ਰੱਖੀ ਗਈ ਹੈ। ਐਂਟਰੀ ਫੀਸ ਨਾਨ-ਰਿਫੰਡੇਬਲ ਹੋਵੇਗੀ। ਅਥਲੀਟਾਂ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਫੀਸ ਉਸ ਵੇਲੇ ਹੀ ਭਰਨ ਜਦੋਂ ਉਹ ਆਪਣੀ ਭਾਗੀਦਾਰੀ ਲਈ ਪੂਰੀ ਤਰ੍ਹਾਂ ਯਕੀਨੀ ਹੋਣ।
ਚੈਂਪੀਅਨਸ਼ਿਪ ਵਿੱਚ ਹਿੱਸਾ ਲੈਣ ਵਾਲੇ ਸਾਰੇ ਅਥਲੀਟਾਂ, ਅਧਿਕਾਰੀਆਂ ਆਪਣੇ ਖ਼ਤਰੇ ‘ਤੇ ਹਿੱਸਾ ਲੈਣਗੇ। ਪੰਜਾਬ ਐਥਲੈਟਿਕਸ ਜਾਂ ਆਯੋਜਕ ਇਕਾਈ ਕਿਸੇ ਵੀ ਤਰ੍ਹਾਂ ਦੀ ਜਾਨੀ ਨੁਕਸਾਨ, ਬੀਮਾਰੀ ਜਾਂ ਦੁਰਘਟਨਾ ਲਈ ਜ਼ਿੰਮੇਵਾਰ ਨਹੀਂ ਹੋਏਗੀ।
ਖਾਸ ਨੋਟ: ਕੇਵਲ ਉਹੀ ਅਥਲੀਟ ਇਸ ਮੁਕਾਬਲੇ ਵਿੱਚ ਹਿੱਸਾ ਲੈ ਸਕਦੇ ਹਨ ਜੋ ਕਿ ਪੰਜਾਬ ਰਾਜ ਦੇ ਨਿਵਾਸੀ ਹਨ ਜਾਂ ਪੰਜਾਬ ਦੇ ਕਿਸੇ ਵੀ ਸਕੂਲ/ਕਾਲਜ ਵਿੱਚ ਪੜ੍ਹਦੇ ਹਨ। ਜੇਕਰ ਜ਼ਰੂਰਤ ਪਈ ਤਾਂ ਸਬੂਤ ਮੰਗਿਆ ਜਾ ਸਕਦਾ ਹੈ।
ਜਨਮ ਮਿਤੀ ਦੀ ਮੂਲ ਪ੍ਰਮਾਣਿਕਤਾ ਵਿੱਚੋਂ ਕੋਈ ਇੱਕ ਲਿਆਉਣੀ ਲਾਜ਼ਮੀ ਹੋਏਗੀ:
1. ਜਨਮ ਤੇ ਮੌਤ ਰਜਿਸਟ੍ਰਾਰ ਵਲੋਂ ਜਾਰੀ ਕੀਤਾ ਗਿਆ ਸਰਟੀਫਿਕੇਟ
2. ਮਿਊਂਸਿਪਲ ਕਮੇਟੀ/ਨਿਗਮ ਵਲੋਂ ਜਾਰੀ
3. ਸੀਐਮਓ ਦਫ਼ਤਰ ਵਲੋਂ ਜਾਰੀ
4. ਦਸਵੀਂ ਦੀ ਮੂਲ ਮਾਰਕਸ਼ੀਟ (ਪੰਜਾਬ ਬੋਰਡ ਜਾਂ ਸੀਬੀਐਸਈ), ਓਪਨ ਸਕੂਲ ਸਰਟੀਫਿਕੇਟ ਮਨਜ਼ੂਰ ਨਹੀਂ ਕੀਤਾ ਜਾਵੇਗਾ।
ਇਸ ਚੈਂਪੀਅਨਸ਼ਿਪ ਰਾਹੀਂ ਚੁਣੇ ਗਏ ਅਥਲੀਟ, 63ਵੀਂ ਨੈਸ਼ਨਲ ਇੰਟਰ ਸਟੇਟ ਸੀਨੀਅਰ ਐਥਲੈਟਿਕਸ ਚੈਂਪੀਅਨਸ਼ਿਪ 2025 ਵਿੱਚ ਭਾਗ ਲੈਣਗੇ।
ਸੰਪਰਕ ਕਰੋ:
✉️ secypaa@gmail.com
ਪ੍ਰੇਮ ਸਿੰਘ ਸਕੱਤਰ ਪੰਜਾਬ ਅਥਲੈਟਿਕ ਐਸੋਸੀਏਸ਼ਨ: 9815073046
ਕੰਵਲਜੀਤ ਸਿੰਘ ਮੱਕੜ ਆਫਿਸ ਸਕੱਤਰ ਪੰਜਾਬ ਅਥਲੈਟਿਕ ਐਸੋਸੀਏਸ਼ਨ: 9023552555 ਸਰਬਜੀਤ ਸਿੰਘ ਸਕੱਤਰ ਜਲੰਧਰ ਹੱਥ ਅਲੈਟਿਕਸ ਐਸੋਸੀਏਸ਼ਨ : 98030-88248
