15 ਅਕਤੂਬਰ ਨੂੰ ਪੰਜਾਬ ਬੰਦ! ਪਰਵਿੰਦਰ ਸਿੰਘ ਝੋਟੇ ਦੇ ਕਤਲ ਮਗਰੋਂ ਪਰਿਵਾਰ ਨੇ ਕਰ”ਤਾ ਐਲਾਨ
ਜਲੰਧਰ : ਕੰਵਲਜੀਤ ਸਿੰਘ ਮੱਕੜ – ਜਲੰਧਰ ਦੇ ਥਾਣਾ ਮਕਸੂਦਾ ਹੇਠ ਆਉਂਦੇ ਪਿੰਡ ਵਰਿਆਣਾ ‘ਚ ਪਰਿਵਾਰਕ ਝਗੜੇ ਨੇ ਇਕ ਮਾਸੂਮ ਦੀ ਜਾਨ ਲੈ ਲਈ। ਮਾਮਲਾ ਇਕ ਘਰ ਨੂੰ ਖਾਲੀ ਕਰਵਾਉਣ ਨੂੰ ਲੈ ਕੇ ਦੋ ਪਰਿਵਾਰਾਂ ਵਿਚ ਵਾਪਰਿਆ, ਪਰ ਇਹ ਝਗੜਾ ਇੰਨਾ ਭਿਆਨਕ ਹੋਇਆ ਕਿ ਇਸ ਵਿਚ ਇੱਕ ਸਾਲਾ ਨਿਰੀ ਬੇਗੁਨਾਹ ਬੱਚਾ ਆਪਣੀ ਜਾਨ ਤੋਂ ਹੱਥ ਧੋ ਬੈਠਾ।
ਮਿਲੀ ਜਾਣਕਾਰੀ ਮੁਤਾਬਕ, ਪੀੜਤ ਮਹਿਲਾ ਬੇਬੀ ਕਈ ਸਾਲਾਂ ਤੋਂ ਆਪਣੇ ਪਰਿਵਾਰ ਨਾਲ ਪਿੰਡ ਵਰਿਆਣਾ ਵਿੱਚ ਰਹਿ ਰਹੀ ਸੀ। ਉਸ ਦਾ ਪਤੀ ਮਜ਼ਦੂਰੀ ਕਰਦਾ ਹੈ ਅਤੇ ਘਰ ਵਿੱਚ ਰੋਜ਼ਾਨਾ ਦੀ ਤਰ੍ਹਾਂ ਕੰਮ ‘ਤੇ ਗਿਆ ਹੋਇਆ ਸੀ। ਬੇਬੀ ਨੇ ਦੱਸਿਆ ਕਿ ਉਸਦੇ ਰਿਸ਼ਤੇਦਾਰ, ਜੋ ਉਸ ਦੇ ਕੋਲ ਹੀ ਵੱਸਦੇ ਹਨ, ਉਸਨੂੰ ਇੱਥੋਂ ਘਰ ਖਾਲੀ ਕਰਕੇ ਪਿੰਡ ਛੱਡਣ ਲਈ ਲਗਾਤਾਰ ਦਬਾਅ ਪਾ ਰਹੇ ਸਨ।
2 ਜੁਲਾਈ ਨੂੰ ਉਸ ਦੀ ਭੈਣ, ਜੀਜਾ ਅਤੇ ਭਰਾ ਘਰ ਵਿੱਚ ਆ ਕੇ ਕਮਰਾ ਖਾਲੀ ਕਰਨ ਦਾ ਦਬਾਅ ਬਣਾਉਣ ਲੱਗ ਪਏ। ਜਦ ਬੇਬੀ ਨੇ ਵਿਰੋਧ ਕੀਤਾ ਤਾਂ ਗੱਲਾਂ-ਬਾਤਾਂ ਲੜਾਈ ਵਿੱਚ ਤਬਦੀਲ ਹੋ ਗਈ। ਝਗੜੇ ਦੌਰਾਨ ਬੇਬੀ ਦੇ ਭਰਾ ਨੇ ਉਸਦੇ ਸਿਰ ‘ਤੇ ਚੱਪਲਾਂ ਨਾਲ ਹਮਲਾ ਕਰ ਦਿੱਤਾ। ਇਸ ਹਮਲੇ ਦੇ ਦੌਰਾਨ ਬੇਬੀ ਦੇ ਹੱਥੋਂ ਉਸਦਾ ਇੱਕ ਸਾਲਾ ਪੁੱਤ ਰਘੁਵੀਰ ਹੇਠਾਂ ਡਿੱਗ ਪਿਆ।
ਦੋਸ਼ ਲਗਾਏ ਗਏ ਹਨ ਕਿ ਝਗੜੇ ਵਿੱਚ ਸ਼ਾਮਲ ਹੋਈ ਚਾਚੀ ਦੀ ਨੌਹ ਅਤੇ ਜੀਜਾ ਨੇ ਮਾਰ-ਕੁੱਟ ਕਰਦੇ ਹੋਏ ਬੱਚੇ ‘ਤੇ ਪੈਰ ਰੱਖ ਦਿੱਤਾ। ਰਘੁਵੀਰ ਦੀ ਹਾਲਤ ਤੁਰੰਤ ਗੰਭੀਰ ਹੋ ਗਈ। ਪਰਿਵਾਰਕ ਮੈਂਬਰਾਂ ਨੇ ਬੱਚੇ ਨੂੰ ਤੁਰੰਤ ਜਲੰਧਰ ਦੇ ਸਿਵਲ ਹਸਪਤਾਲ ਪਹੁੰਚਾਇਆ, ਜਿੱਥੇ ਡਾਕਟਰਾਂ ਨੇ ਹਾਲਤ ਵੱਧ ਗੰਭੀਰ ਦੇਖਦੇ ਹੋਏ ਉਸਨੂੰ ਅਮ੍ਰਿਤਸਰ ਮੈਡੀਕਲ ਕਾਲਜ ਰੈਫਰ ਕਰ ਦਿੱਤਾ। ਪਰ ਅਫ਼ਸੋਸ, ਇਲਾਜ ਦੌਰਾਨ ਬੱਚੇ ਦੀ ਮੌਤ ਹੋ ਗਈ।
ਮ੍ਰਿਤਕ ਦੀ ਪਛਾਣ ਰਘੁਵੀਰ ਵਜੋਂ ਹੋਈ ਹੈ। ਪੁਲਿਸ ਨੇ ਬੱਚੇ ਦੇ ਸ਼ਵ ਨੂੰ ਕਬਜ਼ੇ ਵਿੱਚ ਲੈ ਕੇ ਸਿਵਲ ਹਸਪਤਾਲ ਵਿਖੇ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ। ਥਾਣਾ ਮਕਸੂਦਾ ਦੀ ਪੁਲਿਸ ਵੱਲੋਂ ਪੀੜਤ ਮਾਂ ਦੇ ਬਿਆਨਾਂ ‘ਤੇ ਅਧਾਰਤ ਤਫਤੀਸ਼ ਸ਼ੁਰੂ ਕਰ ਦਿੱਤੀ ਗਈ ਹੈ।
ਇਸ ਘਟਨਾ ਨੇ ਪਿੰਡ ਵਿਚ ਸੋਗ ਦੀ ਲਹਿਰ ਛਾ ਦਿੱਤੀ ਹੈ। ਲੋਕਾਂ ਵੱਲੋਂ ਦੋਸ਼ੀਆਂ ਵਿਰੁੱਧ ਸਖਤ ਕਾਰਵਾਈ ਦੀ ਮੰਗ ਕੀਤੀ ਜਾ ਰਹੀ ਹੈ। ਪੁਲਿਸ ਕਹਿ ਰਹੀ ਹੈ ਕਿ ਜਾਂਚ ਮੁਕੰਮਲ ਹੋਣ ‘ਤੇ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।
