ਜਲੰਧਰ : ਕੰਵਲਜੀਤ ਸਿੰਘ ਮੱਕੜ – ਫਿਲੌਰ ਨੇੜੇ ਪੈਂਦੇ ਪਿੰਡ ਵੱਚੋਵਾਲ ਤੋਂ 11 ਸਾਲਾ ਬੱਚਾ ਸਦੀਗਧ ਹਾਲਾਤਾਂ ‘ਚ ਲਾਪਤਾ ਹੋ ਗਿਆ ਹੈ। ਲਾਪਤਾ ਬੱਚੇ ਦੀ ਪਹਿਚਾਣ ਲਾਲੂ ਉਰਫ਼ ਲੱਡੂ ਵਜੋਂ ਹੋਈ ਹੈ। ਪਰਿਵਾਰਕ ਜਾਣਕਾਰੀ ਅਨੁਸਾਰ, ਘਟਨਾ ਦੇ ਸਮੇਂ ਲੱਡੂ ਦੇ ਮਾਪੇ ਕਿਸੇ ਨਿੱਜੀ ਫੈਕਟਰੀ ਵਿੱਚ ਕੰਮ ਕਰਨ ਗਏ ਹੋਏ ਸਨ।
ਬੱਚੇ ਦੇ ਪਿਤਾ ਗੱਬਰ ਨੇ ਦੱਸਿਆ ਕਿ ਲੱਡੂ ਉਨ੍ਹਾਂ ਕੋਲੋਂ ਕੁਝ ਸਮਾਨ ਲੈਣ ਗਿਆ ਸੀ, ਪਰ ਵਾਪਸ ਨਹੀਂ ਆਇਆ। ਲੰਮੇ ਸਮੇਂ ਤੱਕ ਜਦੋਂ ਉਹ ਵਾਪਸ ਨਹੀਂ ਆਇਆ ਤਾਂ ਪਰਿਵਾਰ ਵਲੋਂ ਇਲਾਕੇ ਦੇ ਆਸਪਾਸ ਦੇ ਸੀਸੀਟੀਵੀ ਕੈਮਰੇ ਵੀ ਖੰਗਾਲੇ ਗਏ। ਇਨ੍ਹਾਂ ਕੈਮਰਿਆਂ ‘ਚੋ ਫਿਲੌਰ ਹਾਈਵੇਅ ਦੇ ਇਕ ਢਾਬੇ ਦੇ ਵੀ ਫੁਟੇਜ ਵੇਖੇ ਗਏ, ਪਰ ਬੱਚੇ ਬਾਰੇ ਕੋਈ ਪਤਾ ਨਹੀਂ ਲੱਗਿਆ।
ਇਸ ਮਾਮਲੇ ਦੀ ਜਾਣਕਾਰੀ ਤੁਰੰਤ ਫਿਲੌਰ ਪੁਲਿਸ ਨੂੰ ਦਿੱਤੀ ਗਈ। ਮਾਮਲੇ ਬਾਰੇ ਫਿਲੌਰ ਦੇ ਐਸ.ਐਚ.ਓ. ਭੂਸ਼ਣ ਕੁਮਾਰ ਨੇ ਦੱਸਿਆ ਕਿ ਪੁਲਿਸ ਵਲੋਂ ਬੱਚੇ ਦੀ ਖੋਜ ਲਈ ਵਿਸ਼ੇਸ਼ ਟੀਮਾਂ ਘਠਿਤ ਕਰ ਦਿੱਤੀਆਂ ਗਈਆਂ ਹਨ। ਉਮੀਦ ਹੈ ਕਿ ਬਹੁਤ ਜਲਦੀ ਲੱਡੂ ਨੂੰ ਲੱਭ ਕੇ ਪਰਿਵਾਰ ਦੇ ਹਵਾਲੇ ਕਰ ਦਿੱਤਾ ਜਾਵੇਗਾ।
ਲੱਡੂ ਦੇ ਲਾਪਤਾ ਹੋਣ ਨਾਲ ਪਿੰਡ ਵਿੱਚ ਵੀ ਚਿੰਤਾ ਦਾ ਮਾਹੌਲ ਹੈ। ਪਰਿਵਾਰ ਤੇ ਇਲਾਕੇ ਦੇ ਲੋਕ ਬੱਚੇ ਦੀ ਖੈਰੀਅਤ ਦੀ ਦੁਆ ਕਰ ਰਹੇ ਹਨ
