ਜਲੰਧਰ ‘ਚ ਤੀਆਂ ਦੇ ਤਿਉਹਾਰ ਦੌਰਾਨ ਆਯੁਰਵੇਦ ਦਾ ਪ੍ਰਚਾਰ

ਜਲੰਧਰ : ਕੰਵਲਜੀਤ ਸਿੰਘ ਮੱਕੜ – ਜਲੰਧਰ ਜ਼ਿਲ੍ਹੇ ਦੇ ਆਯੁਰਵੇਦਿਕ ਅਤੇ ਯੂਨਾਨੀ ਅਫਸਰ ਡਾ. ਵੀਨੂ ਖੰਨਾ ਦੀ ਰਹਿਨੁਮਾਈ ਹੇਠ ਸਰਕਾਰੀ ਆਯੁਰਵੇਦਿਕ ਹਸਪਤਾਲ ਵਿੱਚ ਤੀਆਂ ਦਾ ਤਿਉਹਾਰ ਹੜੱਤਾਲੀ ਢੰਗ ਨਾਲ ਮਨਾਇਆ ਗਿਆ। ਇਸ ਮੌਕੇ ਤੇ ਆਯੁਰਵੇਦ ਦੇ ਪ੍ਰਚਾਰ ਲਈ ਨੁੱਕੜ ਨਾਟਕ ਪ੍ਰਸਤੁਤ ਕੀਤਾ ਗਿਆ ਅਤੇ ਬੋਲੀਆਂ ਪਾ ਕੇ ਵਰਖਾ ਰੁੱਤ ਵਿੱਚ ਅਪਣਾਏ ਜਾਣ ਵਾਲੇ ਆਹਾਰ-ਵਿਹਾਰ ਬਾਰੇ ਲੋਕਾਂ ਨੂੰ ਜਾਣਕਾਰੀ ਦਿੱਤੀ ਗਈ।

ਡਾ. ਸੁਨੀਲ ਕੁਮਾਰ ਨੇ ਬਰਸਾਤ ਦੇ ਮੌਸਮ ਵਿੱਚ ਫੁਲਗੋਬੀ, ਰਾਜਮਾ, ਚਾਵਲ, ਕੜੀ, ਦਹੀ ਅਤੇ ਲੱਸੀ ਤੋਂ ਪਰਹੇਜ ਕਰਨ ਤੇ ਗਰਮ ਮਸਾਲਿਆਂ ਦੀ ਵਰਤੋਂ ਕਰਨ ਦੀ ਸਲਾਹ ਦਿੱਤੀ। ਸਮਾਗਮ ਵਿੱਚ ਸਟੇਟ ਅਵਾਰਡੀ ਡਾ. ਨਵਜੋਤ ਕੌਰ (ਏ.ਐਮ.ਓ.), ਸਟਾਫ ਨਰਸ ਅਰਵਿੰਦ ਕੌਰ, ਬੇਬੀ ਗਾਂਗੁਲੀ, ਆਯੂਸ਼ ਫਾਰਮਾਸਿਸਟ ਛਿੰਦਰ ਸਿੰਘ, ਸਟਾਫ ਮੈਂਬਰ ਦੇਸਰਾਜ ਅਤੇ ਪਰਮਜੀਤ ਸਿੰਘ ਹਾਜ਼ਰ ਸਨ।

ਮਹਿਮਾਨਾਂ ਵਿੱਚ ਗੁਰਪ੍ਰੀਤ ਕੌਰ ਅਤੇ ਯੋਗ ਅਭਿਆਸੀ ਮਨਜੀਤ ਕੌਰ, ਬਲਵਿੰਦਰ ਕੌਰ, ਪੁਸ਼ਪਾ, ਕਮਲ, ਪੂਜਾ, ਸ਼ਿਖਾ, ਰਿਤੂ, ਕਮਲਜੀਤ, ਨੀਸ਼ੂ ਅਤੇ ਨੈਨਾ ਆਦਿ ਨੇ ਭਾਗ ਲਿਆ। ਡਾ. ਨਵਜੋਤ ਕੌਰ ਨੇ ਆਏ ਹੋਏ ਲੋਕਾਂ ਨੂੰ ਆਯੁਰਵੇਦ ਅਤੇ ਯੋਗ ਪਧਤੀ ਅਪਣਾਉਣ ਦਾ ਸੁਨੇਹਾ ਦਿੱਤਾ ਅਤੇ ਧੰਨਵਾਦ ਕੀਤਾ।