ਜਲੰਧਰ ਦੇ ਚਾਵਲਾ ਮੋਬਾਈਲ ਸ਼ੋਰੂਮ ‘ਤੇ ਦਿਨ-ਦਿਹਾੜੇ ਫਾਇਰਿੰਗ, ਇੱਕ ਨੌਜਵਾਨ ਲੋਕਾਂ ਨੇ ਹਥਿਆਰ ਸਮੇਤ ਕਾਬੂ ਕੀਤਾ
ਜਲੰਧਰ : ਕੰਵਲਜੀਤ ਸਿੰਘ ਮੱਕੜ – ਆਕਾਸ਼ਵਾਣੀ ਜਲੰਧਰ ਨੇ ਖੇਡ ਪ੍ਰਸਾਰਣ ਦੇ ਖੇਤਰ ਵਿੱਚ ਇੱਕ ਹੋਰ ਮਹੱਤਵਪੂਰਨ ਪੜਾਅ ਪਾਰ ਕਰਦਿਆਂ 15ਵੀਂ ਹਾਕੀ ਇੰਡੀਆ ਮੈਂਜ਼ ਜੂਨੀਅਰ ਨੈਸ਼ਨਲ ਚੈਂਪਿਅਨਸ਼ਿਪ 2025 ਦੇ ਫਾਈਨਲ ਮੈਚ ਦਾ ਸਫਲ ਪ੍ਰਸਾਰਣ ਕੀਤਾ। ਇਹ ਪ੍ਰਸਾਰਣ ਐਫ.ਐਮ. ਰੇਨਬੋ ਚੈਨਲ 102.7 ਮੇਗਾਹਰਟਜ਼ ਨਾਲ਼-ਨਾਲ ਨਿਊਜ਼ ਆਨ ਏਅਰ ਮੋਬਾਈਲ ਐਪ ’ਤੇ ਵੀ ਉਪਲਬਧ ਕਰਵਾਇਆ ਗਿਆ, ਜਿਸ ਨਾਲ ਸਿਰਫ਼ ਪੰਜਾਬ ਹੀ ਨਹੀਂ ਸਗੋਂ ਦੇਸ਼-ਵਿਦੇਸ਼ ਵਿੱਚ ਵੀ ਸ਼੍ਰੋਤਿਆਂ ਨੇ ਖੇਡ ਦੇ ਰੋਮਾਂਚ ਦਾ ਅਨੰਦ ਲਿਆ।
ਫਾਈਨਲ ਮੁਕਾਬਲੇ ਦੀ ਕਾਮੈਂਟਰੀ ਕੁਲਵਿੰਦਰ ਸਿੰਘ ਕਾਂਗ ਨੇ ਕੀਤੀ। ਮੈਚ ਦੌਰਾਨ ਸ਼੍ਰੋਤਿਆਂ ਨੂੰ ਤਾਜ਼ਾ ਜਾਣਕਾਰੀਆਂ ਰਜਿੰਦਰ ਸਿੰਘ ਨੇ ਐਫ.ਐਮ. ਅੱਪਡੇਟਸ ਰਾਹੀਂ ਦਿੱਤੀਆਂ। ਪ੍ਰੀ ਅਤੇ ਪੋਸਟ ਮੈਚ ਸ਼ੋਅ ਦੀ ਮੇਜ਼ਬਾਨੀ ਬੀਰਿੰਦਰ ਸਿੰਘ ਵੱਲੋਂ ਕੀਤੀ ਗਈ, ਜਿਸ ਨਾਲ ਸ਼੍ਰੋਤਿਆਂ ਨੂੰ ਮੈਚ ਦੇ ਵੱਖ-ਵੱਖ ਪੱਖਾਂ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਮਿਲੀ।
ਪੂਰੇ ਪ੍ਰੋਗਰਾਮ ਦੇ ਪ੍ਰੋਡਕਸ਼ਨ ਦੀ ਜ਼ਿੰਮੇਵਾਰੀ ਖੇਡ ਪ੍ਰੋਗਰਾਮ ਇੰਚਾਰਜ ਪ੍ਰਤੀਸ਼ਠਾ ਜੈਨ ਨੇ ਸੰਭਾਲੀ। ਤਕਨੀਕੀ ਟੀਮ ਵਿੱਚ ਸਚਿਨ ਸਿੰਘ, ਸੂਰਜ ਅਤੇ ਰਾਹੁਲ ਸ਼ਰਮਾ ਸ਼ਾਮਲ ਰਹੇ, ਜਿਨ੍ਹਾਂ ਨੇ ਪ੍ਰਸਾਰਣ ਨੂੰ ਤਕਨੀਕੀ ਪੱਖੋਂ ਬਿਨਾ ਕਿਸੇ ਰੁਕਾਵਟ ਦੇ ਸਫਲ ਬਣਾਇਆ। ਇਸ ਸਾਰੇ ਪ੍ਰਸਾਰਣ ਦੀ ਰਾਹਨੁਮਾਈ ਪ੍ਰੋਗਰਾਮ ਏਗਜ਼ਿਕਿਊਟਿਵ ਗੁਰਵਿੰਦਰ ਸਿੰਘ ਅਤੇ ਪ੍ਰੋਗਰਾਮ ਹੈੱਡ ਪਰਮਜੀਤ ਸਿੰਘ ਵੱਲੋਂ ਕੀਤੀ ਗਈ।
ਆਕਾਸ਼ਵਾਣੀ ਜਲੰਧਰ ਨੇ ਕਿਹਾ ਕਿ ਉਹ ਖੇਡਾਂ ਦੇ ਪ੍ਰਸਾਰਣ ਨੂੰ ਹੋਰ ਮਜ਼ਬੂਤ ਬਣਾਉਣ ਲਈ ਵਚਨਬੱਧ ਹੈ, ਤਾਂ ਜੋ ਰਾਸ਼ਟਰੀ ਪੱਧਰ ਦੇ ਮੁਕਾਬਲੇ ਸ਼੍ਰੋਤਿਆਂ ਤੱਕ ਸਿੱਧੇ ਪਹੁੰਚ ਸਕਣ। ਖੇਡਾਂ ਨਾਲ ਜੁੜੇ ਨੌਜਵਾਨਾਂ ਨੂੰ ਪ੍ਰੇਰਿਤ ਕਰਨ ਦੇ ਨਾਲ ਆਮ ਸ਼੍ਰੋਤਾ ਵੀ ਇਨ੍ਹਾਂ ਪ੍ਰਸਾਰਣਾਂ ਰਾਹੀਂ ਖੇਡਾਂ ਦੇ ਮਹੱਤਵ ਨਾਲ਼ ਜੁੜੇ ਰਹਿੰਦੇ ਹਨ।
