ਜਲੰਧਰ ਦੇ ਚਾਵਲਾ ਮੋਬਾਈਲ ਸ਼ੋਰੂਮ ‘ਤੇ ਦਿਨ-ਦਿਹਾੜੇ ਫਾਇਰਿੰਗ, ਇੱਕ ਨੌਜਵਾਨ ਲੋਕਾਂ ਨੇ ਹਥਿਆਰ ਸਮੇਤ ਕਾਬੂ ਕੀਤਾ
ਜਲੰਧਰ : ਜਲੰਧਰ ਤੋਂ ਕੰਵਲਜੀਤ ਸਿੰਘ ਮੱਕੜ – ਲੰਮਾ ਪਿੰਡ ਜੰਡੂ ਸਿੰਘਾ ਰੋਡ ਪਿੰਡ ਢੱਡੇ ਵਿੱਚ ਉਸ ਸਮੇਂ ਹੜਕੰਪ ਮਚ ਗਿਆ ਜਦੋਂ ਕਰੰਟ ਲੱਗਣ ਕਾਰਨ ਇੱਕ ਕੀਮਤੀ ਘੋੜੀ ਦੀ ਮੌਤ ਹੋ ਗਈ। ਘੋੜੀ ਦੇ ਮਾਲਕ ਗੁੱਜਰ ਸਮੁਦਾਇ ਨਾਲ ਸਬੰਧਿਤ ਸ਼ਮਸ਼ੇਰ ਅਲੀ ਉਰਫ਼ ਸ਼ੇਰੂ ਨੇ ਬਿਜਲੀ ਵਿਭਾਗ ‘ਤੇ ਗੰਭੀਰ ਲਾਪਰਵਾਹੀ ਦੇ ਦੋਸ਼ ਲਗਾਏ ਹਨ।
ਸ਼ਮਸ਼ੇਰ ਅਲੀ ਨੇ ਦੱਸਿਆ ਕਿ ਉਸਦੀ ਘੋੜੀ ਪਿੰਡ ਵਿੱਚ ਹੀ ਇਕ ਖਾਲੀ ਪਲਾਟ ਵਿੱਚ ਘੁੰਮ ਰਹੀ ਸੀ, ਜਿਥੇ ਕਈ ਦਿਨਾਂ ਤੋਂ ਬਿਜਲੀ ਦੀਆਂ ਟੁੱਟੀਆਂ ਤਾਰਾਂ ਪਈਆਂ ਸਨ। ਪਿੰਡ ਵਾਸੀਆਂ ਵੱਲੋਂ ਕਈ ਵਾਰ ਬਿਜਲੀ ਵਿਭਾਗ ਨੂੰ ਸੂਚਿਤ ਕਰਨ ਦੇ ਬਾਵਜੂਦ ਕਿਸੇ ਨੇ ਵੀ ਉਸ ‘ਤੇ ਧਿਆਨ ਨਹੀਂ ਦਿੱਤਾ। ਨਤੀਜਤਨ, ਕਰੰਟ ਲੱਗਣ ਨਾਲ ਉਸਦੀ ਘੋੜੀ ਦੀ ਮੌਤ ਹੋ ਗਈ।
ਮਾਲਕ ਦੇ ਅਨੁਸਾਰ, ਇਹ ਘੋੜੀ ਉਸਦੇ ਪਰਿਵਾਰ ਦੀ ਰੋਜ਼ੀ-ਰੋਟੀ ਦਾ ਸਾਧਨ ਸੀ। ਉਸਨੇ ਦੱਸਿਆ ਕਿ ਘੋੜੀ ਨੇ ਪੰਜਾਬ, ਹਰਿਆਣਾ, ਰਾਜਸਥਾਨ ਸਮੇਤ ਕਈ ਸੂਬਿਆਂ ਵਿੱਚ ਹੋਣ ਵਾਲੇ ਰੇਸ ਪ੍ਰੋਗਰਾਮਾਂ ਵਿੱਚ ਹਿੱਸਾ ਲਿਆ ਅਤੇ ਉਸਨੂੰ 700 ਤੋਂ ਵੱਧ ਇਨਾਮ ਜਿਤਾਏ। ਇਨ੍ਹਾਂ ਮੁਕਾਬਲਿਆਂ ਵਿੱਚ ਘੋੜੀ ਦੀ ਕਾਬਲਿਯਤ ਕਰਕੇ ਉਸਨੂੰ ਕਈ ਵਾਰ ਵੱਡੇ ਇਨਾਮਾਂ ਤੋਂ ਲੈ ਕੇ ਇੱਕ ਐਕਟਿਵਾ ਸਕੂਟਰ ਤੱਕ ਮਿਲਿਆ।
ਸ਼ਮਸ਼ੇਰ ਅਲੀ ਨੇ ਕਿਹਾ ਕਿ ਘੋੜੀ ਦੀ ਕੀਮਤ 9 ਤੋਂ 10 ਲੱਖ ਰੁਪਏ ਸੀ। ਕਈ ਵਾਰ ਉਸਨੂੰ ਘੋੜੀ ਦੇ ਬਦਲੇ 10 ਲੱਖ ਦੀ ਆਫ਼ਰ ਵੀ ਆਈ, ਪਰ ਉਸਨੇ ਆਪਣੇ ਰੋਜ਼ਗਾਰ ਨਾਲ ਜੁੜੇ ਹੋਣ ਕਰਕੇ ਕਦੇ ਵੀ ਉਸਨੂੰ ਵੇਚਿਆ ਨਹੀਂ। ਘੋੜੀ ਦੀ ਮੌਤ ਨਾਲ ਉਸਦਾ ਰੋਜ਼ਗਾਰ ਪੂਰੀ ਤਰ੍ਹਾਂ ਖਤਮ ਹੋ ਗਿਆ ਹੈ।
ਪ੍ਰਭਾਵਿਤ ਪਰਿਵਾਰ ਨੇ ਪ੍ਰਸ਼ਾਸਨ ਤੋਂ ਇਨਸਾਫ ਦੀ ਮੰਗ ਕਰਦਿਆਂ ਬਿਜਲੀ ਵਿਭਾਗ ਖ਼ਿਲਾਫ਼ ਸਖ਼ਤ ਕਾਰਵਾਈ ਦੀ ਮੰਗ ਕੀਤੀ ਹੈ।
