ਜਲੰਧਰ :ਕੰਵਲਜੀਤ ਸਿੰਘ ਮੱਕੜ – ਜਲੰਧਰ : ਬੰਬੇ ਨਗਰ ਵੈਲਫੇਅਰ ਸੋਸਾਇਟੀ ਨੇ ਗਲੀ ਨੰਬਰ-1 ਵਿੱਚ ਖੁਲ੍ਹਣ ਜਾ ਰਹੇ ਨਵੇਂ ਜਿਮ ਦਾ ਵਿਰੋਧ ਕੀਤਾ ਹੈ। ਸੋਸਾਇਟੀ ਵੱਲੋਂ ਦੱਸਿਆ ਗਿਆ ਕਿ ਜਿਮ ਦੇ ਮਾਲਕਾਂ ਨੇ ਆਪਣੇ ਮਕਾਨ ਦੇ ਬਾਹਰ ਦੋ ਬੋਰਡ ਲਗਾ ਕੇ ਕਾਰੋਬਾਰ ਸ਼ੁਰੂ ਕਰਨ ਦੀ ਤਿਆਰੀ ਕਰ ਲਈ ਹੈ।
ਸੋਸਾਇਟੀ ਮੈਂਬਰਾਂ ਦਾ ਕਹਿਣਾ ਹੈ ਕਿ ਇਹ ਇਲਾਕਾ ਸਿਰਫ਼ ਰਿਹਾਇਸ਼ੀ ਹੈ ਅਤੇ ਜੇ ਇੱਥੇ ਕੋਈ ਵਪਾਰਕ ਧੰਧਾ ਸ਼ੁਰੂ ਹੋਇਆ ਤਾਂ ਕਾਲੋਨੀ ਦੇ ਵਸਨੀਕਾਂ ਨੂੰ ਕਈ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਵੇਗਾ। ਸਭ ਤੋਂ ਵੱਡੀ ਸਮੱਸਿਆ ਪਾਰਕਿੰਗ ਅਤੇ ਟ੍ਰੈਫ਼ਿਕ ਜਾਮ ਦੀ ਰਹੇਗੀ, ਜਿਸ ਕਾਰਨ ਨਾ ਸਿਰਫ਼ ਗਲੀ ਨੰਬਰ-1 ਬਲਕਿ ਗਲੀ ਨੰਬਰ-2 ਦੇ ਰਹਿਣ ਵਾਲਿਆਂ ਦੀ ਦਿਨਚਰੀ ਵੀ ਪ੍ਰਭਾਵਿਤ ਹੋਵੇਗੀ।
ਵਸਨੀਕਾਂ ਨੇ ਕਿਹਾ ਕਿ ਰਿਹਾਇਸ਼ੀ ਇਲਾਕੇ ਵਿੱਚ ਵਪਾਰਕ ਸੈਂਟਰ ਖੋਲ੍ਹਣ ਨਾਲ ਹਰ ਰੋਜ਼ ਨਵੀਆਂ ਸਮੱਸਿਆਵਾਂ ਪੈਦਾ ਹੋਣਗੀਆਂ। ਇਸ ਲਈ ਸਾਰੇ ਰਹਿਣ ਵਾਲਿਆਂ ਨੂੰ ਇਕੱਠੇ ਹੋ ਕੇ ਇਸ ਮਾਮਲੇ ਦਾ ਵਿਰੋਧ ਕਰਨਾ ਚਾਹੀਦਾ ਹੈ ਤਾਂ ਜੋ ਕਾਲੋਨੀ ਦੀ ਸ਼ਾਂਤੀ, ਸੁਰੱਖਿਆ ਅਤੇ ਸੁਵਿਧਾ ਬਣੀ ਰਹੇ।
ਇਸ ਸੰਬੰਧ ਵਿੱਚ ਬੰਬੇ ਨਗਰ ਵੈਲਫੇਅਰ ਸੋਸਾਇਟੀ ਨੇ ਮਿਉਂਸੀਪਲ ਕਾਰਪੋਰੇਸ਼ਨ ਜਲੰਧਰ ਅਤੇ ਇਸ ਇਲਾਕੇ ਦੇ ਕੌਂਸਲਰ ਸ੍ਰੀ ਪਵਨ ਕੁਮਾਰ ਜੀ ਅਤੇ ਜਲੰਧਰ ਦੇ ਮੇਅਰ ਸਾਹਿਬ ਕੋਲ ਅਪੀਲ ਕੀਤੀ ਹੈ ਕਿ ਇਸ ਮਾਮਲੇ ਵਿੱਚ ਤੁਰੰਤ ਦਖ਼ਲ ਅੰਦਾਜ਼ੀ ਕਰਕੇ ਜਿਮ ਦੇ ਖੁਲ੍ਹਣ ਨੂੰ ਰੋਕਿਆ ਜਾਵੇ।
