ਜਲੰਧਰ ਦੇ ਚਾਵਲਾ ਮੋਬਾਈਲ ਸ਼ੋਰੂਮ ‘ਤੇ ਦਿਨ-ਦਿਹਾੜੇ ਫਾਇਰਿੰਗ, ਇੱਕ ਨੌਜਵਾਨ ਲੋਕਾਂ ਨੇ ਹਥਿਆਰ ਸਮੇਤ ਕਾਬੂ ਕੀਤਾ
ਜਲੰਧਰ : ਕੰਵਲਜੀਤ ਸਿੰਘ ਮੱਕੜ – ਜਲੰਧਰ ਦੇ ਮਾਡਲ ਟਾਊਨ ਵਿੱਚ ਸਥਿਤ ਕਰੋੜਾਂ ਦੀ ਪ੍ਰਾਪਰਟੀ ਨੂੰ ਲੈ ਕੇ ਚੱਲ ਰਿਹਾ ਵਿਵਾਦ ਹੋਰ ਗਹਿਰਾ ਹੋ ਗਿਆ ਹੈ। ਇਸ ਮਾਮਲੇ ਵਿੱਚ ਰਾਜਨ ਸਿੱਧੂ ਨੇ ਪ੍ਰੈਸ ਕਾਨਫਰੰਸ ਕਰਕੇ ਫਾਇਨੈਂਸਰ ਵਿਨੋਦ ਅਰੋੜਾ ਅਤੇ ਡਾ. ਜਸ਼ਨਿਵ ਕਪੂਰ ‘ਤੇ ਗੰਭੀਰ ਇਲਜ਼ਾਮ ਲਗਾਏ ਹਨ।
ਰਾਜਨ ਸਿੱਧੂ ਨੇ ਦੱਸਿਆ ਕਿ ਉਸਨੇ 2022 ਵਿੱਚ ਆਪਣੇ ਪਲਾਟ ਨੰਬਰ 714 ‘ਤੇ ਬੈਂਕ ਲੋਨ ਚੁਕਾਉਣ ਲਈ ਉਪਰੋਕਤ ਦੋਨਾਂ ਤੋਂ ਸਵਾ ਤਿੰਨ ਕਰੋੜ ਰੁਪਏ 17 ਪ੍ਰਤੀਸ਼ਤ ਬਿਆਜ ‘ਤੇ ਲਈ ਸੀ। ਇਸ ਪੈਸੇ ਨਾਲ ਉਸਨੇ ਪਲਾਟ ‘ਤੇ ਬਿਲਡਿੰਗ ਬਣਾਉਣ ਦੀ ਸ਼ੁਰੂਆਤ ਕੀਤੀ। ਹੁਣ ਤਿੰਨ ਸਾਲ ਬਾਅਦ ਇਮਾਰਤ ਤਿਆਰ ਹੋ ਚੁੱਕੀ ਹੈ ਅਤੇ ਉਸਦੀ ਕੀਮਤ ਵੀ ਦੋਗੁਣੀ ਹੋ ਗਈ ਹੈ।
ਸਿੱਧੂ ਨੇ ਇਲਜ਼ਾਮ ਲਗਾਇਆ ਕਿ ਇਸ ਲਾਲਚ ਵਿੱਚ ਉਸਦੀ ਇਮਾਰਤ ‘ਤੇ ਕਬਜ਼ਾ ਕਰਨ ਦੀ ਨੀਅਤ ਨਾਲ ਉਸ ‘ਤੇ ਦਬਾਅ ਬਣਾਇਆ ਜਾ ਰਿਹਾ ਹੈ। ਉਸਨੇ ਦਾਅਵਾ ਕੀਤਾ ਕਿ 27 ਅਗਸਤ ਨੂੰ ਜਦੋਂ ਉਹ ਬਿਲਡਿੰਗ ਵਿੱਚ ਗਿਆ ਤਾਂ ਕੁਝ ਲੋਕਾਂ ਵੱਲੋਂ ਉਸ ‘ਤੇ ਜਾਨਲੇਵਾ ਹਮਲਾ ਵੀ ਕੀਤਾ ਗਿਆ, ਪਰ ਪੁਲਿਸ ਵੱਲੋਂ ਅਜੇ ਤੱਕ ਕੋਈ ਕਾਰਵਾਈ ਨਹੀਂ ਹੋਈ।
ਉਸਦਾ ਕਹਿਣਾ ਹੈ ਕਿ ਕਰਜ਼ੇ ਦੇ ਬਦਲੇ ਗਾਰੰਟੀ ਲਈ ਵਿਨੋਦ ਅਰੋੜਾ ਅਤੇ ਡਾ. ਕਪੂਰ ਨੇ ਇੱਕ ਰਜਿਸਟਰੀ ਕਰਵਾਈ ਸੀ, ਜਿਸਨੂੰ ਕਰਜ਼ਾ ਮੁੜ ਚੁਕਤਾ ਹੋਣ ‘ਤੇ ਰੱਦ ਕਰਨਾ ਸੀ। ਬਾਅਦ ਵਿੱਚ ਉਸਦੇ ਕਜ਼ਨ ਨੇ ਵਿੱਤੀ ਮਦਦ ਕੀਤੀ ਅਤੇ ਰਕਮ ਵਾਪਸ ਕਰਨ ਦੀ ਕੋਸ਼ਿਸ਼ ਕੀਤੀ, ਪਰ ਉਸ ਸਮੇਂ ਉਸਨੂੰ ਨਵੇਂ ਮਾਮਲੇ ਵਿੱਚ ਫਸਾ ਦਿੱਤਾ ਗਿਆ ਅਤੇ ਰਕਮ ਲੈਣ ਤੋਂ ਇਨਕਾਰ ਕਰ ਦਿੱਤਾ ਗਿਆ।
ਸਿੱਧੂ ਨੇ ਦੱਸਿਆ ਕਿ ਹੁਣ 4 ਕਰੋੜ ਦੇ ਬਿਆਜ ਨੂੰ ਵਧਾ ਕੇ 14 ਕਰੋੜ ਬਣਾ ਦਿੱਤਾ ਗਿਆ ਹੈ, ਜੋ ਉਸਦੇ ਅਨੁਸਾਰ ਬਲੈਕਮੇਲਿੰਗ ਹੈ, ਤਾਂ ਜੋ ਉਹ ਆਪਣੀ ਜ਼ਮੀਨ ਛੱਡਣ ‘ਤੇ ਮਜਬੂਰ ਹੋ ਜਾਵੇ। ਉਸਨੇ ਇਹ ਵੀ ਦੋਸ਼ ਲਗਾਇਆ ਕਿ ਡਾ. ਕਪੂਰ ਅਤੇ ਫਾਇਨੈਂਸਰ ਅਰੋੜਾ ਸ਼ਾਤਿਰ ਢੰਗ ਨਾਲ ਹੋਰ ਲੋਕਾਂ ਨੂੰ ਵੀ ਇਸੇ ਤਰ੍ਹਾਂ ਜਾਲ ਵਿੱਚ ਫਸਾ ਕੇ ਉਹਨਾਂ ਦੀਆਂ ਪ੍ਰਾਪਰਟੀਆਂ ‘ਤੇ ਕਬਜ਼ਾ ਕਰਦੇ ਹਨ।
ਇਸ ਮਾਮਲੇ ਵਿੱਚ ਇੱਕ ਹੋਰ ਪੀੜਤ ਨੇ ਵੀ ਜਲਦ ਹੀ ਖੁਲਾਸਾ ਕਰਨ ਦਾ ਐਲਾਨ ਕੀਤਾ ਹੈ।
ਦੂਜੇ ਪਾਸੇ, ਫਾਇਨੈਂਸਰ ਵਿਨੋਦ ਅਰੋੜਾ ਨਾਲ ਸੰਪਰਕ ਕਰਨ ‘ਤੇ ਉਨ੍ਹਾਂ ਨੇ ਕਿਹਾ ਕਿ ਉਹ ਵਿਆਸਤ ਹਨ ਅਤੇ ਆਪਣਾ ਪੱਖ ਕੱਲ੍ਹ ਰੱਖਣਗੇ। ਡਾ. ਜਸ਼ਨਿਵ ਕਪੂਰ ਸਰਜਰੀ ਕਰ ਰਹੇ ਸਨ ਜਿਸ ਕਾਰਨ ਉਹਨਾਂ ਦਾ ਪੱਖ ਨਹੀਂ ਮਿਲ ਸਕਿਆ। ਦੋਹਾਂ ਪਾਸਿਆਂ ਦੀ ਪ੍ਰਤੀਕ੍ਰਿਆ ਮਿਲਣ ‘ਤੇ ਉਸਨੂੰ ਵੀ ਪ੍ਰਕਾਸ਼ਿਤ ਕੀਤਾ ਜਾਵੇਗਾ।
