ਜਲੰਧਰ ਦੇ ਚਾਵਲਾ ਮੋਬਾਈਲ ਸ਼ੋਰੂਮ ‘ਤੇ ਦਿਨ-ਦਿਹਾੜੇ ਫਾਇਰਿੰਗ, ਇੱਕ ਨੌਜਵਾਨ ਲੋਕਾਂ ਨੇ ਹਥਿਆਰ ਸਮੇਤ ਕਾਬੂ ਕੀਤਾ
ਜਲੰਧਰ : ਕੰਵਲਜੀਤ ਸਿੰਘ ਮੱਕੜ – ਦੁਸ਼ਹਿਰੇ ਦੇ ਦਿਨ ਸਵੇਰੇ ਹੋਈ ਤੇਜ਼ ਬਾਰਿਸ਼ ਨੇ ਸ਼ਹਿਰ ‘ਚ ਤਿਉਹਾਰਕ ਮਾਹੌਲ ਠੰਢਾ ਕਰ ਦਿੱਤਾ। ਕਈ ਥਾਵਾਂ ਪੰਡਾਲਾਂ ਦੇ ਅੰਦਰ ਤੱਕ ਪਾਣੀ ਭਰ ਗਿਆ ਜਿਸ ਕਾਰਨ ਆਯੋਜਕਾਂ ਦੀ ਚਿੰਤਾ ਵੱਧ ਗਈ। ਬਰਟਨ ਪਾਰਕ ਸਟੇਡਿਅਮ ‘ਚ ਅੱਜ 147ਵਾਂ ਦੁਸ਼ਹਿਰਾ ਮਨਾਇਆ ਜਾ ਰਿਹਾ ਹੈ, ਪਰ ਬਾਰਿਸ਼ ਕਾਰਨ ਪ੍ਰੋਗਰਾਮ ਦੇ ਰੰਗ ‘ਚ ਫਿੱਕਾਪਣ ਆ ਗਿਆ।
ਬੀਤੇ ਦਿਨ ਹੀ ਰਾਵਣ, ਕੁੰਭਕਰਨ ਅਤੇ ਮੇਘਨਾਥ ਦੇ ਪੁਤਲੇ ਖੜੇ ਕੀਤੇ ਗਏ ਸਨ, ਪਰ ਬਾਰਿਸ਼ ਕਾਰਨ ਇਹ ਗਿੱਲੇ ਹੋ ਗਏ। ਇਸ ਤੋਂ ਬਾਅਦ ਆਯੋਜਕਾਂ ਨੇ ਇਨ੍ਹਾਂ ਨੂੰ ਮੁੜ ਲੰਮੇ ਪਾ ਦਿੱਤਾ। ਕਮੇਟੀ ਦੇ ਮੈਂਬਰ ਨੇ ਦੱਸਿਆ ਕਿ ਪੁਤਲਿਆਂ ‘ਤੇ ਲੱਗਿਆ ਕਾਗ਼ਜ਼ ਫ਼ਟ ਗਿਆ ਹੈ, ਜਿਸ ਨੂੰ ਹੁਣ ਮੁੜ ਤਿਆਰ ਕੀਤਾ ਜਾ ਰਿਹਾ ਹੈ।
ਪੁਤਲੇ ਤਿਆਰ ਕਰਨ ਵਾਲੇ ਕਾਰੀਗਰਾਂ ਨੇ ਕਿਹਾ ਕਿ ਹੁਣ ਉਨ੍ਹਾਂ ਦਾ “ਮੈਕਅਪ” ਕੀਤਾ ਜਾ ਰਿਹਾ ਹੈ ਅਤੇ ਅਗਲੇ ਇੱਕ-ਦੋ ਘੰਟਿਆਂ ‘ਚ ਪੁਤਲੇ ਫਿਰੋਂ ਤਿਆਰ ਹੋ ਜਾਣਗੇ। ਗਨੀਮਤ ਇਹ ਰਹੀ ਕਿ ਹਜੇ ਤੱਕ ਪੁਤਲਿਆਂ ਵਿੱਚ ਪਟਾਕੇ ਨਹੀਂ ਭਰੇ ਗਏ ਸਨ। ਮੁਰੰਮਤ ਤੋਂ ਬਾਅਦ ਪਹਿਲਾਂ ਪੁਤਲਿਆਂ ਦਾ ਸਿੰਗਾਰ ਹੋਵੇਗਾ ਅਤੇ ਫਿਰ ਪਟਾਕਿਆਂ ਨੂੰ ਲਗਾਇਆ ਜਾਵੇਗਾ।
ਕਮੇਟੀ ਮੈਂਬਰਾਂ ਮੁਤਾਬਕ, ਬਰਟਨ ਪਾਰਕ ‘ਚ ਸ਼ਹਿਰ ਦਾ ਸਭ ਤੋਂ ਪੁਰਾਣਾ ਦੁਸ਼ਹਿਰਾ ਮਨਾਈਆਂ ਜਾਂਦਾ ਹੈ। ਬਾਰਿਸ਼ ਤੋਂ ਬਾਅਦ ਪੁਤਲਿਆਂ ਨੂੰ ਲਿਟਾ ਕੇ ਉਨ੍ਹਾਂ ‘ਤੇ ਵਾਟਰ ਪ੍ਰੂਫ ਸ਼ੀਟ ਪਾ ਦਿੱਤੀ ਗਈ ਸੀ। ਇਸ ਕਾਰਨ ਸਿਰਫ਼ ਇੱਕ ਪਤਲੇ ਨੂੰ ਹੀ ਕੁਝ ਨੁਕਸਾਨ ਹੋਇਆ, ਬਾਕੀ ਪਤਲੇ ਸੁਰੱਖਿਅਤ ਹਨ।
